網頁清單

2008年11月23日 星期日

片片紅葉轉 の 世界文化遺産「姬路城」與「倉敷美觀地區」

好耐冇寫Blog啦, 足足有6個星期啦, 一來因為減肥(叫口號多於實際行動)冇乜出街食大餐, 二來因為要籌備今年嘅旅行而忙碌... 之前提及嘅澳洲之旅又去唔成, 唯有等下年, 今年去住日本先啦...

初時打算自遊行, Book晒機票酒店Plan好晒行程, Honey先話要跟團... 報咗團去嵐山和歌山又唔成團... 唉, 又唔可以改日期, 唯有轉團啦...

11月12號出發... 3點幾機, check完in飲埋茶先上機, 原來ANA有得飲香檳, honey緊係唔會錯過... 架機勁吉, 8-9成位冇人坐, 有人索性一個人瞓中間三個位... 去到神戶「三宮購物商店街」已經10pm... 


所有店舖都閂晒門, 唯有食麥當勞, 慘... 好彩仲買到Mister冬甩做宵夜, 11:30pm先去到酒店, 攰死, 皆因有團友遲上巴士, 遲到者見到導遊落車又唔叫住佢, 等咗半個鐘我終於忍唔住打電話通知導遊...
第一晚餓親, 第二朝即刻食番夠本...




日本三大名城「姬路城」(又稱白鷺城)... 要坐1.5小時車去兵庫縣姬路市...
1993 年被列爲聯合國教科文組織的世界文化遺産...
http://www.welcome2japan.hk/location/regional/hyogo/himejijo.html

爬咗1粒鐘先上到天守閣... 等我入番幾個大餅改個願先...



有人偷桔呀, 人o黎呀...

臨走先影到呢舊石, 之前勁多人...


之後要坐2小時車去岡山縣(又被稱為「晴天之國」)嘅「倉敷美觀地區」... 一到步又係食...
http://www.welcome2japan.hk/location/regional/okayama/kurashiki.html


呢個嬸嬸好攪笑, honey唸住影我shopping嘅相, 阿嬸竟然好興奮咁影埋一份, 我地走個陣, 佢仲趕出o黎, 送咗一包即日食嘅mochi比我地...


人地著和服食抺茶和果子套餐, 我就著便服食白桃雪葩, 好攪笑囉我覺得...


「仙醉島」+「瀨戶內海」+「養命酒發源地」+ 「江戶倉敷古建築群」
要坐1.5小時車去廣島縣福山市...
同一個地方, 只停留15分鐘, 竟然係章程扮4個景點, 真係嘆為觀止...



呢個養命酒工房之簡陋程度實在令人咋舌... 睇完唔敢買o黎飲... honey試飲咗一杯話甜甜地...


酒店係「溫泉鄉」, 有溫泉料理食, 好多o野食, 好好味... 食完對腳痺到行唔郁... 食飯個陣傾開先知大部分人原先都唔係報呢個團, 陰差陽錯之下成為團友...

太飽唔浸得溫泉, 行咗好遠去超市, 狂買生果, 有我至愛嘅巨蜂提子350yen喳, 富有柿80Yen喳, 成袋柑都係120Yen喳, 香港一半價錢都唔使, 勁抵... 圖嘅最下方係倉敷嬸嬸送嘅mochi, 好鬼大包, 但係好鬆化, 一陣間就比我地2個食晒, 真係好好味o架, 係我一生人之中食過最好食嘅mochi...


呢晚個溫泉好正, 又有足浴, 又有按摩浴鹽, 最正係冇咩人, 一人一個大池, 完全唔使同人迫埋一齊, 我仲浸埋露天木桶, 浸完出o黎仲有個Oxygen Bar比你休息, 呢晚真係好好瞓... Zzzzzzz...


"改完又改再改"大阪賞紅葉の旅 (Part I)

"改完又改再改"大阪賞紅葉の旅 (Part II)

"改完又改再改"大阪賞紅葉の旅 (Part III)

2 則留言:

  1. 如有下次, 你會否再選跟團呢 ?
    [版主回覆11/26/2008 09:24:00]如果去澳洲, 歐洲個d都仲會跟團, 自己拎住件行李週圍走好辛苦o架 =.="

    回覆刪除
  2. 原來你個團去到廣島,真係好多長途車, 不過我覺得物有所值喎,超正風景,最緊要周圍無香港人!

    回覆刪除