網頁清單

2006年12月24日 星期日

泰梳乎2006--Lam Luk Ka Country Club






學咗高爾夫球咁耐,今日(2006年12月16日)第一次落場,好緊張呀!


其實並冇期望可以入倒洞,只係學咗咁耐都未落過場,好想試吓係咪真係會令人上癮的!
今日溫度都有成27、28度左右,但我驚會變小黑炭,所以頂硬上,著長袖衫,好彩,d高爾夫球衫嘅質料真係好dry、好透氣,加上當日好大風又有高爾夫球傘,所以全程OK!

坐咗成個鐘頭的士先到高爾夫球場,行咗大約75km,一到步先去付款(18洞+車+球僮+租桿,數天前已預訂),但到達後職員才說所有車都租晒,冇車,要自己行!真係晴天霹靂!

由於人龍頗長,我哋係餐廳食小小嘢才開波!其實係lunch,不過早餐仲未消化完,所以只叫了一個炒河同honey share!

正午12點--夠鐘開波!個場山明水秀,好feel過driving range好多,我同honey好似遊客咁不停拍照,延誤住唔少時間,哈哈,難得『泰友人』冇怪我地,仲不時提醒我地要行去下一個洞喇,下一隊追到嚟喇!頭幾個洞都打得唔錯,雖然入唔倒洞,但都上倒Green。之後開始越來越疲倦,越打越不堪入目,所以要係kiosk飲吓嘢、休息吓。

我哋打到5:30pm完,總體算唔錯,雖然一個洞都冇入過,但係只lost咗3個波,第一次打,算係咁!Honey就入咗3、4洞,Great!

沖完涼call的士走時天已全黑,到主要公路前完全冇路燈,非常恐佈!

小插曲:-
1) 係餐廳外面突然聽到有人講廣東話,把聲又幾熟,所以好奇望吓,哦,原來係林敏聰太太,佢同班朋友嚟打波,真巧合!之後再冇遇過香港人!
2) 打到第十七個洞,太陽落緊山,我將個波打到湖邊,行到埋個波到,無端端有個人頭係湖中央慢慢升起,嚇到我一路跑開一路尖叫,後尾『泰友人』解釋呢d蛙人係執落咗湖嘅波去買(在到達球場前有d檔口買二手波,好平o架,乜嘢品牌都有),真係比佢嚇死我!

3) 我係第十八個洞條頸右面突然抽筋,痛死我!
4) 沖涼時d門完全鎖唔到,成個女更衣室又得番我一個人,真到驚到唔想沖呀!

Lam Luk Ka Country Club小檔案:-




沒有留言:

張貼留言