吉豚屋吉列豬扒專門店 Ca-Tu-Ya : 過江吉豬

15 May 2013, Wednesday

早前受到Pizza Hut的邀請, 招待聽障人士及員工及一眾Bloggers觀看電影「勝利人生」(The Hammer), 電影詳情可瀏覽 http://blog.yahoo.com/ken-merry/articles/1427576, 欣賞電影前要先醫一醫肚... 我好耐都冇到淘大花園搵食, 上搵食網站搜料, 餐廳很多, 有質數的似乎不多, 呢間新開的日本過江龍吉列豬扒專門店是唯一比較多"笑面"食評的, 位置貼近戲院, 非常便利...

餐廳內的裝修非常簡樸...


最最最值得一讚的是... 芝麻醬... 任落!!! 平時日式超市一支細細的芝麻醬都賣幾十蚊, 其他日本餐廳都只係比少少你, 呢度真係好豪呀!!!


吉列咖喱豬扒飯 (梅) $55
-- 吉列咖喱豬扒飯分梅、松、竹3個等級, 梅的豬扒重80g, 松的豬扒重120g, 竹的2塊豬扒共重160g... 其實80g的豬扒份量已不少... 咖喱汁味道偏辛, 濃厚適中, 唯一不足之處是只有汁, 完全沒有配料如紅蘿蔔、薯仔之類... 白飯用珍珠米, 濕度適中, 粒粒飽滿... 豬扒炸得不太乾身...

吉列豬柳定食 $75

-- 餐廳除咗供應豬扒, 其餘的都係豬扒... Order了吉列豬柳, 外型與吉列豬扒無異, 不乾不濕, 不硬不軟, 唯一的缺點是... 有點油膩!!! 唔係講笑, 你可能會話吉列豬扒緊係油啦!!! No No 唔一定的, 我有2間心水吉豬店真係唔油的... 而且呢度的炸醬味道總是欠缺了一點點什麼的, 伴咖喱汁還可以, 但清食就不夠惹味... 可能因為呢個原因, 燒汁同芝麻汁都係任落, 落多一點點口味會更佳...

 

定食跟的麵豉湯不錯...

定食跟的白飯亦有質數...

定食跟的飲品... 加$6的巨蜂乳酸特飲最可怕... 像喝小時候1個4方小盒有4粒圓圓的吹波糖, 味道很吹波膠, 有點Worry吞下後腸臟會否結膠, 想吐...

服務都OK, 環境就... 可能我坐橫樑底, 有點不自在, 後來的客戶全部拒絕坐橫樑下的枱... 衛生看來不錯, 但受到小飛飛的騷擾, "不自在"感增加...

若以順路計, 可以一試!!! 但若要專程千里迢迢來探究就...

是次每人消費約 $80 元
味道： 3 環境： 3 服務： 3 衛生： 3 抵食： 3
###
地址 : 九龍灣牛頭角道77號淘大商場三期地下G286-288號舖
電話 : 2351 1899

打吡餐廳 Derby Restaurant : 觸不到的戀人 Summer Berries Consommé

8  May 2013, Wednesday

傳統英式會所外型古典、富殖民地色彩, 馬會會員更是身份的象徵, 就算有錢都唔一定可以成為會員, 申請入會需要有2位遴選會員提名及附議、三名會員支持... 位於山光道的馬會會所, 除了提供多項消閒設施及中西餐飲服務... 對於平民如我來說, 予人感覺神秘、高不可攀, 好奇心悠然而生... 多年前曾獲親友邀請前來食火鍋, 當時的情況已經忘記得一乾二淨, 只記得地點非常隔涉, 並無公共交通工具可以到達, 我屬於無車階級, 唯一的選擇是坐Taxi... 是夜Honey的朋友訂了位與大家共進晚餐賀喜, 我有幸「扯衫尾」出席, 多日來懷著既興奮又期待的心情, 等待今夜的來臨... 

正所謂「貴人出門招風雨」, 呢句俗語, 向來與我們有不解之緣, 剛係上星期五又試過一次咋嘛... 今日黃雨 + 放工 + 跑馬日 + 跑馬地 = 勁勁勁勁勁塞車!!! 慶幸放工時順利搵到Taxi, Taxi司機出奇地非常熟識地形, 穿梭於迂迴曲折的山路, 全程毫不塞車, 竟然可以比預定時間7:00PM早10分鐘到達... 早咗10分鐘, 餐廳仲未開門營業... 坐係門外等待期間, Honey又遇到朋友, 山旮旯到咁都遇到, 利害!!!

咳... 咳... 請大家先關掉你的手提電話!!! Club House內係嚴禁講手提電話的!!!

朋友特意訂咗Derby Restaurant內的打吡房(Derby Room), 好讓出席的賓客不會受到外界騷擾, 全情投入, 享用醇酒佳餚... 廂房走傳統英式風格, 充滿古典色彩, 寬敞舒適的私人空間, 置身其中, 非常寫意...

咁高興, 大家今晚一於不醉無歸!!! 人人都好聽話唔揸車, 坐的士做乘客... 只係難為了從九龍區過來的朋友, 塞車都算喇, 仲要由上車到落車全程受到(唔願意去跑馬地的)Taxi司機冷言冷語, 睇得出非常勞氣!!! 終於人齊, 唔好激心啦, 忘記一切煩憂, Let's Party!!!

朋友獨力携帶4支美酒(2支香檳 + 2支波爾多紅酒), 好臂力!!! 他買的每1支酒都經過精挑細選, 購買時都不是太昂貴, 但極具潛力, 將來應該會不斷升值... 在場只有我1個唔好杯中物, 上菜前要來個祝酒儀式, 我也被安排了一小杯香檳, 待主角完成一個簡短的Speech後, 眾人興奮地舉杯暢飲... 不想浪費, 喝了一小口, 暗嘆"好酒呀"... 香醇順喉, 層次及味道均非常豐富...

** 末段轉載酒評Bordeaux Index & Robert Parker給大家參考, 還有酒莊的Tasting Notes...

朋友專程收集2支紅酒的木塞放在Honey的麵包碟上, 我當時打算帶回家留為紀念, 可惜服務員誤以為係垃圾, 以超光速收走了... 噢... 係咪我酒後反應遲鈍, 居然連2個酒塞都保護唔到, 嗚嗚... 大家別誤會相片中的酒是我喝剩的, 這份量已是我的全部, 哈哈哈... 在懷疑醉醺醺的情況下, 忘記為Margaux紅酒瓶拍照, OMG!!!

識飲識食的朋友, 訂座時已預先寫好菜單, 餐廳方面很貼心, 每位客人面前都有1份預先印制的菜單, 我地唯一需要煩惱的, 係主菜吃牛還是吃鴿, 同埋餐後的飲品... 朋友對Food & Wine Paring亦非常有研究... Champagne Dom Pérignon配前菜, 由香轉醇的Château Pichon-Longueville配Pigeon, 由烈轉香的Margaux配Beef... 在座每客賓客都非常Enjoy...

Chef de Cuisine -- Eyck Zimmer出生於前東德的, 曾在瑞士、德國、英格蘭和葡萄牙最負盛名的酒店工作, 在倫敦期間曾親自為英國皇室成員做菜... 飲食格言是"A Cook is the only artist where nothing of his creation remains... but memories of the palate can last a lifetime"... 大家一起來欣賞他的藝術創作吧...

Sautéed Foie Gras
Cider Jus and Apple Brioche Toast
-- 一般人見到Foie Gras都會認為係鵝肝, 其實Foie Gras解作肝, 未必一定係指鵝肝, 而且鴨肝的味道不遜鵝肝... 今夜餐廳選用的, 正是鴨肝!!! 鴨肝2邊略煎至外脆內滑, 豐腴甘香, 膻而不腥, 不用咀嚼, 慢慢在口中溶化, 配以以蘋果醋、香料及雞湯煮成的蘋果汽酒醬, 果香減輕了油膩感, 再一口解決鋪上蘋果粒粒的多士藝術品... 單是一個頭盤, 已教人非常滿足!!!

Velouté of Haricot Blanc
Black Perigord Truffle and Chives
-- 將白扁豆浸泡一晚煮一會再磨成蓉, 加入奶油煮成湯, 質感濃稠, 上桌前一刻灑上韭菜和黑松露油... 法國的「佩里戈爾松露」（Black Périgord Truffle）, 被譽為「料理黑鑽」(The Diamond of The Kitchen), 生長於橡樹及榛樹上, 產量稀少價格昂貴, 味道濃郁, 放到熱湯上, 將其獨特的香氣發揮得淋漓盡致... 以味道偏淡的白豆作為畫布, 讓Perigord Truffle在畫布上增添無限色彩, 手法含蓄而優雅...

Roasted Boston Lobster
Noilly Prat Sauce, Baby Ferrels, Girolles
-- Honey知道我鐘意食龍蝦, 專登要求朋友加入的... 將波士頓龍蝦拆殼起肉烤熟, 龍蝦肉呈誘人的紅色, 鮮艷奪目, 朋友特意取其色來賀喜, 雖然大家都係接受西方教育, 但卻離不開中國人的傳統... 灑上以Noilly Prat苦艾酒煮成的醬汁, Noilly Prat被廣泛用於烹調調味醬, 尤以伴魚為最佳, 應用在龍蝦上, 能帶出龍蝦的鮮甜味, 龍蝦肉爽脆彈牙, 不消1分鐘, 半隻波士頓龍蝦已被鯨吞, 實在太太太美味喇, 幸福的鐘聲再次在腦中響起, 噹... 噹... 噹... 噹... Baby Ferrels幼嫩清甜, 雞油菌則轉贈Honey...

Peach Sorbet
-- 不得不讚賞法國人對飲食的要求同研究, 主餐前後都會以新鮮果汁加糖制成冰點, 清理味蕾上殘留的味道, 好待舌頭迎接下一種美味... 以小湯匙盛載, 迷人的粉紅色, 活像少女的臉頰, 好可愛呀!!! 清新香甜的白桃雪葩, 果味濃郁, 冰凍的感覺很爽呀!!! 舌頭上的鵝肝同龍蝦已隨風而去... I'm ready for main course now!!!

 

原本Honey同我都係Order牛里脊, 不過朋友極力建議Honey冒險嘗試水準不太穩定的鴿肉, 做出水準的話將會非常美味, Honey最後改單由牛轉鴿...

Grilled Beef Tenderloin
Beurre Café de Paris, Fondant Potato, Grilled Green Asparagus and Ceps
-- Beef Tenderloin我要求"Well Done"(全熟), 一般餐廳都會搬出一件如石般堅硬的牛肉出來, 但這裡的大廚火喉拿揑得準, 切開牛里脊沒有滲血, 內部呈棗紅色, 肉質柔軟富彈性沒有半點筋, 朋友的5成熟更是超級柔軟, 肉味濃厚, 香而不膻, Yummy!!! 我曾經因為一次吃到超級膻的牛肉而不再吃牛10年以上(火鍋的肥牛除外), 之後也只是偶爾吃少量牛肉, 如果早點遇上這裡的牛里脊, 相信我一早已經重生化身牛魔王了... Beurre Café de Paris是以牛油混合多款香料, 最重要是加入Ansjovis沙甸魚熬制而成的醬汁, 名字像法式, 但卻源自瑞士日內瓦, 主要用以伴紅肉同吃...  圓筒形的Fondant Potato做的非常出色, 表面煎至金黃色, 入口香脆, 內裡的薯肉粉嫩甜美, Yummy... 烤露荀亦是一絕, 選取不大不小的新鮮露荀, 大的太硬不夠幼嫩, 小的不夠清甜爽脆, 削去外皮, 烤至少許焦香, 沒有半點青澀, 非常可口... 色香味俱全的Grilled Beef Tenderloin, 我非常滿意...

Roasted 'Bresse' Pigeon
Madeira Sauce, Pommes Mousseline, Broad Beans and Trompette de la Mort
-- 烤鴿選用來自法國東部布雷斯(Bresse)地區的鴿子, 當地以飼養雞隻而聞名於世... 曾見過西方少女在香港的酒店中菜廳拿著餐牌聞鴿色變, 相信在西方國家懂得欣賞及會食用鴿子的, 就只有法國人... 朋友大讚今晚大廚做的鴿子非常出色, 肉質柔軟細緻, 帶點膻香, 正所謂鴿有鴿味, 哈哈...「唔講得笑 」(夜間一個廣告內重複幾十次的對白), 真係好有鴿味!!! 伴以葡萄牙的馬德拉酒(Madeira Wine)加牛肉高湯煮成的馬德拉醬汁, 味道濃厚稠密, 與鴿子形成絕配... 鋪底的Pommes Mousseline說穿了其實是薯蓉, 做出來的效果竟然滑溜得像慕斯, 實在嘆為觀止... 這道菜式我還是第一次嚐到, 今夜真是大開眼界...

吃罷主菜, 朋友還特意為主角訂了黑森林蛋糕慶祝, So Sweeeeeet!!! 來一個簡單的切餅儀式後, 服務員為我們每人分發了一小角, 剩下了半個蛋糕讓主角帶回家慢慢享用... Hmm...我當時心裡面有個疑問, "個Cake都幾好味呀, 又唔係好大個, 點解只係切半個Cake, 唔切晒1個呢?!! 其實9個人都應該食得晒吖?!!"... 原來...好戲在後頭!!!

 

DaDaDaDa... 今夜的重頭戲... 隆重登場!!! 前大廚的得意之作, 主菜單內是找不到的, 餐廳方面亦不太願意做, 因為制作步驟繁複, 更需要安排專人照顧, 若非朋友為了要以紅噹噹的菜式為主角賀喜, 強烈要求餐廳方面供應, 我真的不可能有機會與它相遇, 猶如「觸不到的戀人」...

Summer Berries Consommé
-- 上菜時大家都WoW一聲... 驚艷!!! 讓人有窒息的感覺!!! 定神一看, Strawberries, Raspberries, Blueberries, Blackberries, Melon, 像一顆顆紅寶石和藍寶石般, 在仲夏の夜發出閃爍耀眼的光芒... 各式各樣的漿果色彩鮮艷, 大紅大藍, 100%純天然!!! 合上眼睛, 幻想一下, 人就像置身盛夏的漿果園之中, 抬頭看到的, 除了蔚藍的天空之外, 就只有紅紅藍藍的漿果, 將鼻子湊近一點, 可以嗅到仲夏夜の莓所散發出的陣陣莓香, 清新、純正、充滿夏天的活力氣息... 未知是否我表現得太喉擒, 朋友的太太不禁按住我的手, 溫柔地說這個甜品還未完成的, 最重要的東西仍未出場...

登登登登... 鮮紅色的莓湯!!! 服務員拿著一壺壺的凍湯, 先為各位Ladies斟滿碟子, 然後才為各位Gentlemen斟滿碟子, 果然是傳統英式貴族來的地方, Ladies First的禮儀維持至今...

神秘的Summer Berries Consommé艷壓全場, 面對如此美艷的甜品, 縱然在場人士見慣風浪, 亦不禁驚嘆, 有賓客更笑言要為此甜品命名為"Sweet Eighteen"!!! 一語道破, 貼切不過的名字, 按捺不住的甜蜜、美麗、可愛、羞澀, 會有人捨得將它吃掉嗎?!!

今日Kenmerry大鄉里出城, 為大家解究一下漿果清燉湯的秘密...

混合各式仲夏漿果, 切成小角, 放入碗內, 加少許水, 用保鮮膜密封, 放在一煲滾水上數小時, 靜待漿果的汁液慢慢提取出來, 最後篩走漿果, 放入冰箱冷藏, 食用時取出, 加點檸檬汁及新鮮的薄荷葉即可... 由於漿果清燉湯加了西瓜, 西瓜本身的果糖含量非常高, 所以不用額外再加糖, 清燉湯已經很清甜... 再伴以Vanilla Sorbet, 白與紅, Vanilla含蓄的香甜與Summer Berries Consommé奔騰的香甜味, 視覺上與味覺上均形成強烈對比, 是一道最完美的仲夏甜點!!! 原汁原味, 每一滴都縕含漿果的精華, 吃得津津有味是理所當然的...

漿果含有豐富的花青素(抗氧化黃酮類), 有效降低高血壓及心臟疾病和癌症的風險, 對維持血管健康非常適合... 漿果亦是最好的消炎藥, 對於老年癡呆症、糖尿病和骨質疏鬆症有很好的防護... 嘻嘻... 咁就有藉口再搵機會捲土重來喇, 不過唔知到時餐廳仲肯唔肯再做呢道甜品呢...

歡樂的時間過得特別快, 又係時候講Bye Bye...

接近10時, 朋友不時提醒馬場的夜馬會於10時45分散場, 為免人多擠塞而導致Taxi上不了Clubhouse, 大家需要早點離開... 哈哈... 但係一眾賓客今夜實在太高興, 依然滔滔不絕, 不願離開... 飲過咖啡或英式茶, 吃過精緻的朱古力, 是時候離開了...


離開時下著雨, Taxi不多, 等了好一回, 仍無損大家的雅興, 各位賓客離開時都帶著滿足的笑容...

是次每人消費約 $1250 元 
味道： 5 環境： 5 服務： 5 衛生： 5 抵食： 3
###
地址 : 跑馬地山光道香港賽馬會會所一樓
電話 : 2966 1310

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Champagne Dom Pérignon Vintage 2003
 
Bordeaux Index score : 96+
Bordeaux Index note : Pale gold/yellow. Rich, nutty, smokey nose with a touch of citrus and tropical fruit. Quite closed initially. Amazing focus. Lovely rich, silky texture in the mouth. Incredibly well structured and in no way fat or flabby. A lovely bitter, savoury edge. Absolutely delicious but needs time.

酒莊網址: http://www.domperignon.com/image/vintage2003-tasting-notes/

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Château Pichon-Longueville 2001

Robert Parker score : 93
Robert Parker notes : A very successful effort for this vintage in the Medoc, this deep ruby/purple-colored Pauillac exhibits class/nobility/breed along with black currant liqueur, licorice, and incense notes. Sweet, expansive, fleshy, and medium to full-bodied, with good structure, ripe tannin, and a long, 30-35 second finish, it can be drunk now, but will be even better in 2-3 years; it will last for 12-15 years. I had this wine three separate times out of bottle, and it is performing significantly better than it did from cask.

酒莊網址: http://pichonlongueville.com/

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

南小館 The Dining Room : 小南國的影子

26 April 2013, Friday

好耐冇係九龍灣開餐, 小女子今日路過貴境, 見幾多人讚南小館, 試吓先...
 
餐廳內白雪雪, 光猛簡潔, 似Cafe多d...

Serve Table好特別, 放正係店中心, 坐係度一眼睇晒, 企理衛生...

近年興起的Family Table, 陌生人搭枱都好似一家人同枱食飯咁, 好Warm... You're not alone...

不停Refill的熱茶味道好特別... 熟悉的味道... 思考良久... Oh... 個味好似麥芽味好立克糖呀!!! 麥芽茶非常之香, 味道甘甜, 好好飲呀!!! 狂飲咗3-4杯, 賺了, 嘩咔咔咔...

雞絲粉皮 $38
-- 粉皮很大片, 滑嘟嘟... 花生醬香濃, 佈滿粉皮上, 絕不吝惜... 雞絲偏乾, 冇雞味... 青瓜不夠爽脆... 整理仍滿意...

豆漿勝瓜 $48
-- 很特別, 第一次嘗試呢個組合... 豆漿好香, 勝瓜冇青澀味, 軟腍腍, 雖然味覺上唔係話非常夾, 但仍有新鮮感... 杞子大大粒, 紅鐺鐺, 鮮艷奪目, 甘甜清香, 不錯...

招牌生煎包 $38
-- 招牌菜以平底鑊盛載奉客, 造型先聲奪人... 咬落熱呼呼的, 湯汁略嫌少了一點, 肉味鮮, 包底不太油膩, Yummy...

排骨菜飯 $58
-- 落單排骨菜飯變排骨麵, 幸好發現得早, 即時更改... 菜飯好大碗, 飯身粒粒飽滿, 閃閃發光, 好吸引... 可惜... 部分炸豬排呈現粉紅色, 因為擔心唔熟, 要求更換後, 仍然是有粉紅色, 雖有粉紅色的部分不吃... 炸皮唔脆, 油淋淋, 但調味不錯... 肉質較為乾身...

甜品拼盤 $58
-- 是夜最有驚喜係甜品... 甫上枱, 賣相已經相當吸引... 布丁奶凍4選2, 上海甜甜心5選2...

茉莉花茶凍
-- 我地先由味道較淡的茉莉花茶凍吃起... 茶凍上放了2株茉莉花, Kawaii呢... 入口軟滑, 奶味濃, 茉莉花清香, Honey很喜歡...

芒果凍布丁
-- 充滿一絲絲的芒果肉, 果肉的比例異常地高, 芒果味異常香甜濃郁, Oh!!! I'm loving it!!! 係我人生食過最美味的芒果布甸...

細沙南瓜糰
-- 味覺上較為普通的一款, 但外型非常可愛, 逗人喜愛... 其實紅豆泥南瓜糰都幾好味, 只係其他3款太出色...

椰香紅棗糕
-- 紅棗味很Pure, 香甜濃郁, 煙煙韌韌, 好好味呀... 白色的可愛小花, 散發著椰香, 叫人著迷...

 

飽餐一頓後, 正在回味中, Honey話食物好有小南國的影子, 餐廳名又有個南字, 會唔會係小南國的Young Line?!! 講到似層層, 無聊的我即時上網搜尋, Oh!!! 竟然真係呀!!! Honey你好叻叻呀!!!

環境好舒服, 服務員都係年輕人, 態度好Positive, 食物份量偏細, 價錢不太高, 可以一次過試多幾款... 可以再來...


是次每人消費約 $140 元
味道： 4 環境： 4 服務： 4 衛生： 3 抵食： 3
###
地址 : 九龍灣偉業街33號德福廣場一期G53A號店
電話 : 2348 2299

青悅 Lime Garden : 未有徹底翻熱食物

19 April 2013, Friday
係青衣城睇完「祝節盛會 微型藝術展」, 係時候搵食喇...

上網睇睇, 嘩!!! 冇乜邊一間餐廳的評分係好好笑容... 冇選擇之下, 路過呢間新餐廳, 入面都有d人食緊, 應該OK啩... 我估... (又衰咗)

間餐廳裝修都幾OK... 就係比佢糖衣外表呃咗...

黑涼粉紅豆冰 $24 / 鹹檸七 $22
-- 黑涼粉唔係立方體, 蟲蟲狀, 都幾易啜, 味道冇特別... 鹹檸七有鹹檸七味...

椰青海鮮焗飯 $78
-- 唔難食, 但冇味... 椰青內一d椰青肉都冇, 開始好擔心, 唔通佢係菠蘿炒飯個菠蘿d friend?!!

鮮蕃茄牛腩煲 (跟法包) $68
-- 法包個樣真係幾吸引, 可惜... 到等到食牛腩煲時, 已冰凍僵硬...

鮮蕃茄牛腩煲個樣好唔得, 而且只用小小的酒精啫喱翻熱, 翻熱咗10分鐘以上都毫無動靜... 初時諗住係酒精啫喱太小, 但發現後面枱的牛腩煲燒得火熱, 應該係我地坐係風口位, d火吹到東歪西倒, 並冇正常地向上燒...

想搵人幫手?!! 都好難!!! 冇人願意停低望你一眼, 就算搵到, 都覺得冇問題走咗去...

最後終於搵到疑似經理物體, 佢換咗1個更小的酒精啫喱, 最後都係冇料到...

等了又等... 我地要求疑似經理物體拎翻入廚房翻熱, 佢拎走咗, 但係冇拎入廚房, 只係放係廚房出口繼續用酒精啫喱翻熱,

繼續等等等, 仲耐過Order 1盤新的, 冇人理過我地... 職員再搬出來時, 酒精啫喱都唔見埋, 問我地O唔OK... 嘿... 乜佢認為人類可以單憑肉眼就睇到食物的溫度咩?!!

食咗1啖... 嘩!!! 超特鹹!!! 冇蕃茄味!!! 稀Nel Nel... 牛腩少之又少... 冇牛味... 最慘嘅係, 食完個胃好痛, 好似有舊石係入面咁... 職員Dee Dee, 我而家可以答你, 唔OK!!!

食物唔好味都已經唔Alright, 唔徹底翻熱絕對係BIG PROBLEM!!!

是次每人消費約 $115 元
味道： 1 環境： 4 服務： 3 衛生： 1 抵食： 3
###
地址 : 青衣青敬路33號青衣城211號舖
電話 : 3426 4746

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

資料來源 : 食物安全中心

http://www.cfs.gov.hk/tc_chi/programme/programme_haccp/programme_haccp_tips05.html

要 消 滅 食 物 上 的 細 菌 ， 最 有 效 的 方 法 是 徹 底 烹 煮 和 翻 熱 食 物 。 以 適 當 的 高 溫 和 足 夠 時 間 把 食 物 徹 底 烹 煮 和 翻 熱 ， 可 以 殺 死 大 部 分 致 病 菌 和 病 毒 。 食 物 中 心 部 分 的 溫 度 須 至 少 達 到 攝 氏 75 度 。

你 烹 煮 和 翻 熱 食 物 的 方 法 正 確 嗎 ？ 讓 我 們 重 溫 各 個 要 點 ：

1. 所 有 食 物 必 須 徹 底 煮 熟 ， 中 心 部 分 的 溫 度 須 至 少 達 到 攝 氏 75 度 。 使 用 食 物 溫 度 計 來 量 度 食 物 中 心 部 分 的 溫 度 ， 是 判 斷 食 物 是 否 可 供 安 全 食 用 的 最 準 確 方 法 。 使 用 食 物 溫 度 計 之 前 或 之 後 ， 必 須 把 溫 度 計 妥 為 清 潔 和 消 毒 。 假 如 未 能 量 度 食 物 中 心 部 分 的 溫 度 ， 亦 可 用 肉 眼 以 以 下 準 則 來 判 斷 ：
   
   
   • 紅 肉 ： 肉 的 內 部 不 應 呈 紅 色 ， 肉 汁 須 清 澈 。
   • 家 禽 ： 肉 的 內 部 不 應 呈 粉 紅 色 ， 肉 汁 須 清 澈 。
   • 海 鮮 ： 魚 類 須 煮 至 肉 色 變 為 不 透 明 ， 容 易 去 肉 和 去 骨 ； 介 貝 類 水 產 則 須 煮 至 外 殼 自 行 張 開 。
   • 蛋 類 ： 蛋 黃 和 蛋 白 變 得 凝 固 ； 不 要 烹 煮 以 生 蛋 或 半 生 熟 蛋 做 的 菜 餚 ， 除 非 是 選 用 經 巴 士 德 方 法 消 毒 的 蛋 。
2. 翻 熱 吃 剩 的 食 物 時 ， 食 物 中 心 部 分 的 溫 度 須 至 少 達 到 攝 氏 75 度 。 使 用 食 物 溫 度 計 來 量 度 食 物 中 心 部 分 的 溫 度 ， 是 判 斷 食 物 是 否 已 徹 底 翻 熱 的 最 準 確 方 法 。 使 用 食 物 溫 度 計 之 前 或 之 後 ， 都 要 把 溫 度 計 妥 為 清 潔 和 消 毒 。 假 如 沒 有 食 物 溫 度 計 ， 把 食 物 翻 熱 至 煮 沸 ， 才 可 食 用 。
3. 存 食 物 方 面 ， 應 保 持 食 物 的 溫 度 在 攝 氏 60 度 以 上 ， 以 防 細 菌 滋 長 。

青衣城 祝節盛會 微型藝術展

19 April 2013, Friday
去完澳洲旅行回來, 朋友們已經急不及待通知我青衣城有微型藝術展, 問我睇咗未...

未呀!!! 好忙呀!!! 又遠!!!

今日路經青衣城, 想入去搵啖食, 赫然發現自己已經置身展覽場地, 嘻嘻, 咁緊係唔放過啦...

微型公仔屋 の 迷你魚蛋車仔檔 (Dollhouse Miniature の Fish Ball Trolley)

5 May 2013, Sunday

由於去年年尾決戰「開飯」之顛, 分身不暇, 暫停學習2季1:12微型公仔屋迷你店舖課程, 內心非常痛苦, 幸好最後贏得iPhone5及$4000旅遊禮券及$1500現金, 總算無白白犧牲...

其實今季我要去澳洲旅行, 最少要走2堂, 都有少少擔心跟唔上進度, 但又驚唔報會的唔起心肝去完成之前未完成的功課, 所以最後都決定報名, 迫自己重新投入... 正所謂出外靠朋友, 得到示範單位的關照, 拉姑魚蛋檔順利開業, 托賴...

今次係我的第5個Course, 由於生疏了2季, 重新開始, 一切都非常陌生, 錯漏百出, 更一度導致失眠... 感激同學們的支持與鼓勵, 翌夜已非常好瞓... 有一班咁好的同學仔, 很感動, 我真的很幸運...

今次再來一個KERORO微型劇場!!!

KERORO X「微型公仔屋 の 迷你魚蛋檔 (Dollhouse Miniature の Fish Ball )」第8場TAKE 4... ACTION!!!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
背景音樂 : 《沉思曲》Méditation from Thais (經常出現係粵語長片中的「悲傷」的小提琴配樂)
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Keroro Solo 獨白 :

香港租金太貴, 無力負擔, 鋌而走險, 轉行做走鬼檔!!!

好靚勁辣咖哩魚蛋啦喂))) 滑過BB塊面嘅豬腸粉啦喂)))

魚蛋、豬皮、蘿蔔、牛丸、墨魚丸、腸仔、魷魚, 全部6蚊1串!!!  懷舊白腸粉、蔥花蝦米腸, 8蚊3條, 10蚊5條!!!
甜醬、辣椒油、麻醬、豉油, 自助, 任添!!!

熱辣辣... 好靚勁辣咖哩魚蛋啦喂)))

嘩咔咔咔... 無聊完畢!!! 多謝Keroro-San粉墨登場, 幫手睇檔剪豬腸粉!!!

香港JW萬豪酒店大堂酒廊 The Lounge (JW Marriott Hotel Hong Kong) : 不吃不吃還需吃

5 April 2013, Friday

呢篇1個月前的, 都係想偷懶唔寫, 最後的起心肝寫埋, 不過都係「簡寫」, 嘩咔咔咔...

自從好多年前, 係農曆八月十五日當日下午臨收工時收到呢間餐廳的電話, 話我農曆八月十六日的8人Booking要由2點正改為3點半開始, 仲Sorry都冇句, 強調因為有人一早Book咗做Function, 所以我Book時職員一定有同我講3:30PM先開始... 我都好強調, 我有朋友4:00PM要走, 如果職員有講3:30PM先開始, 我一定唔會Book... 對方仍然是重複又重複, 想將責任完完全全推落我身上, 一句Sorry或唔好意思之類都冇!!! 最後我決定, 永遠都唔再到呢間餐廳食...

唉... 估唔到... 今日... 我衰咗... 都係衰在Mo Bar Jimmy Choo Afternoon Tea, 詳情可瀏覽 http://blog.yahoo.com/ken-merry/articles/1373946

離開Mo Bar, 落緊雨, 穿過長江中心、香港公園, 以為到咗啦, 仲未!!! 仲要沿山路向下行, 行咗一段路先到, 又熱又濕, 好難挨... 去到JW Marriott, 已經成隻「落湯鴨」咁, 儀態?!! Bye Bye...

最後挑戰... 舊同事啱唔啱食!!! 皆因舊同事的現任同事7日前食過, 彈爆冇o野食...

我地其實都一早Book定位做Backup, 以防萬一Mo Bar排唔到Walk-in... 埋到Reception, 我問職員可唔可以入去睇吓啱唔啱食, 職員話OK... 舊同事入咗去一陣, 好快出返來, 我地仲心諗唔係幾Alright, 點知佢話有New York Cheese Cake, Very OK!!! (抺一額汗)

我地3個人, 被安排到2人坐的小方枱, 後面個客1個人都係咁大張枱, 心中有點不悅, 但係已經又攰又餓(未食Lunch), 唔理咁多喇, 衝出去Buffet Bar睇吓有咩食先...


第1 Round... 燒乳鴿!!!

我唔食龜, 唔食兔, 唔食貓, 唔食狗, 唔食蛇, 唔食蟲, 唔食野味... 但係... 我食西方人聽見都「We哇鬼叫」兼「面容扭曲」的... 乳鴿!!! 因為細細個時, 我人話我知"We're Friends, Not Food"!!! 習慣咗, 冇抗拒, 根本唔覺得自己有問題... 洗腦的可怕之處...

其實食Buffet食乳鴿好搵自己笨, 因為要慢慢食, 食完1隻都冇咗半粒鐘... 不過又真係第一次食Buffet見到有乳鴿, 好奇心驅使下, 拎咗... 其實都幾好味, 係d肉咗少少鞋咗少少, 算係啖啖肉... 粒蝦丸蘸甜酸醬都OK爽彈OK好味啦...

第2 Round... 煙三文魚!!!

嘩好抵食呀!!! 好勁大件, 肉質又靚, d脂肪紋分佈都幾平均... 仲有多款燒野菜伴碟, 燈籠椒好甜呀!!!

第3 Round... 沙律!!!

超過10款沙律, 全部都好新鮮, 而且唔會碟碟唔同名堂但同一隻味道...

第4 Round, Starter!!!

係, 我係鐘意無次序咁食, 平時多數第1 Round就食甜品... 羊奶芝士都OK膻, 麵包條夠晒脆, 生果有加糖水, 清清清... 清甜... d腸就... 好油淋淋, 味道... Not my cup of tea...

第5 Round... 甜品!!!

個雞蛋布甸... 滑係好滑, 但係味道有點... 應該世上會有伯樂, 不過唔係我...

朱古力Opera Cake好好好味, 特強朱古力味!!! 但係要食晒都唔簡單, 我呢個朱古力狂牛都食得好辛苦, 建議大家切1cm x 5cm左右好喇...

舊同事極速食咗2件的New York Cheese Cake, 對我亦是考驗!!! 我都唔食Cheese Cake嘅... 好實淨好有質感...


食得差不多, 到了選茶的時候, 太多喇, 好難揀呀!!!


原粒荔枝咩茶, 荔枝好好好甜呀!!!

舊同事呢個時候去攞咁大碗粥返o黎, 真佩服佢...

第6 Round, Haagen-Dazs™雪糕!!!

幾經辛苦先搵到Coffee味同Chocolate味, Yummy!!!

來自法國的Häagen-Dazs™ 採用五大簡單天然材料, 包括 100%鮮牛奶、鮮忌廉、雞蛋、糖及天然食材配製, 絕對不含人造香料、人造乳化劑或人造色素, 雪糕空氣含量超低, 約有20%, 用心釀製頂級雪糕, 每一口雪糕均是質感豐厚、細滑及香濃, 為味蕾帶來真正的享受... (嘩咔咔咔, Copy返「Häagen-Dazs™尊貴雪糕鑑賞會」的字眼)

第7 Round, Pancake!!!

等咗好耐, 廚師先出現, 佢係個用酒浸住Pancake的平底鍋度, 夾起片Pancake, 將係浸住Pancake的平底鍋度, 用湯匙舀起少少酒上Pancake度, 加幾粒什果... 咦?!! 乜... Pancake唔係個皮包住餡先叫Pancake嘅咩?!! 味道實在麻麻, 加上好飽, 只係食咗一小角...

Book位時, 只講HSBC白金卡有Discount, 埋單時, 原來Citibank白金卡都有Discount, 好o野!!! 有人有!!! 唔記得係9折定係85折, 都抵呀, 折實1人$230有找...

食完我地仲傾多陣計先比人請走...

好飽呀!!!!!! 今晚唔使食晚飯啦!!! 我嘅減肥大計呀... 又泡湯!!!

是次每人消費約 $230 元
味道： 4 環境： 4 服務： 4 衛生： 4 抵食： 4
###
地址 : 金鐘金鐘道88號太古廣場香港JW萬豪酒店大堂
電話 : 2810 8366

北園酒家 North Garden Restaurant : 環境唔錯

31 March 2013, Sunday

呢篇冇「夜上海」咁離譜, 隔2個月先寫, 呢篇1個月啫, 嘩咔咔咔... (實情係唔打算寫, 唔提就等於唔存在... 不過上星期突發神功, 1星期內完成4個星期的黏土功課, 勁... 攰!!! 又可以Free返少少時間出來寫Blog)

北園其實幾就腳, 上環地鐵站一出過條馬路就到...

朋友訂咗1樓小菜廳, 環境都幾清幽, 人客唔多, 得幾枱, 靜靜地傾計一流...

大家都肚餓, 懶得慢慢揀, 叫咗套餐... 唉... 又唔記得影低餐牌... 唯有出絕招... 斷估冇痛苦!!!

避風塘長腳蟹
-- 炒得好香好惹味, 少少辣多多脆, 金蒜多多益善, 肉地扎扎實實, 正呀!!! 睇落好似份量不足, 食落又食極都有喎, 嘻嘻... 我估我唔聲唔聲靜靜雞都食咗3份1碟, 賺呀!!!