網頁清單

2009年12月12日 星期六

晶荷軒 Crystal Lotus

10 December 2009, Thursday


是日放假一天!!! 原本想去米芝蓮三星嘅龍景軒試下, 可惜... 竟然Full Booking... 退而求其次, 打去米芝蓮一星嘅夏宮... 都Full... 唉... 家下又唔係派米, 點解會咁多人食架?!!


結果走咗去無雷公咁遠嘅廸士尼酒店嘅晶荷軒!!! 呵呵, 佢吸引我嘅地方唔係食物, 而係佢門口嘅水晶荷花!!! 原本N年前Honey送過一個比我架, 不過比清潔阿蟬"粉碎"咗, 真係Hurt到而家...


入口仲有個荷花池嘅投射影像, 好得意...


裡面嘅裝修都好靚, 而且座位仲好寬敞...


原本呢個餐最小係要Order 4人份o架, 不過問D侍應又話2人份都可以...


巧手燒鵝拼蜜汁叉燒--美心水準...


荀尖鮮蝦餃, 蟹皇蝦燒賣, 上素梅花餃--梅花餃好爽口, 正! 燒賣都正, 蝦餃就一般啦...


老火靚湯--成盞荷花燈係碗湯入面, 有D唔捨得飲...


芹香百合雞球--清淡之選...


水晶咕嚕魚柳--荔枝肉好正...


蒜蓉炒時蔬--材料都幾新鮮...


黃金海鮮炒飯--鹹咗小小... 會唔會係因為D鹹蛋黃同鹹蛋白太足料呢?


楊枝甘露--好足料喎, 全餐最正!


食物味道唔算突出, 中規中矩... 但份量好足, 3個人都夠食... 環境就真係一流, 一定要坐耐D慢慢嘆...


埋單時發現Disneyland Annual Pass Holder有八折, 咦... 咦... 咁又幾抵喎!!!


是次每人消費約$185元
味道: 3 環境: 5 服務:4 衛生: 4 抵食: 3
###
地址 : 大嶼山迪士尼樂園酒店
電話 : 3510 6000


香港2009東亞運動會 Hong Kong 2009 East Asian Games

8 December 2009, Tuesday


上星期四貓兄突然興起, 問我去唔去睇東亞運比賽, 50蚊一張飛, 抵過睇場戲咁話喎... 我見Weekend冇咩做, 都好喎...


原先想買籃球比賽嘅門券, 可惜所有日子都已經全部售罄, 唯有改睇排球比賽, 仲要Weekend冇晒飛, 要睇Weekday...



網上訂票時全部FULL晒嘅GREEN區&RED區, 基本上一半都坐唔滿... 我地選咗迫爆嘅BLUE區, 早知就買人都唔多隻嘅YELLOW區啦...



參與地區嘅國旗...



13:45 女子, Guam vs Chinese Taipei


關島代表... WoW... 有一幕係4號成個責咗落11號度, 全場尖叫...



吉祥物在暫停時會出黎攪攪震...



雖然好短暫, 但係係最好笑嘅一場... 最重要係坐係我地前面果2位四眼仔嘅抵死旁白...



中場休息... LET'S GO NOON K...



再入場時派咗打氣棒...



18:30 女子準決賽, Korea vs Japan


最緊張嘅一場, 第2局由25分搓到33分, 全場叫到拆天...



20:30 女子準決賽, China vs Hong Kong


我地好幸運, 王一梅打足全程, 到咗第二日中國同日本爭冠軍, 佢只係全後一球先落場... 佢真係好勁, 比佢個球打中, 隨時要入院... 每次佢一開波, 都會全場尖叫, 我唱完K再加為佢尖叫, 即晚失聲...



最快完嘅一場...



散場時隊友為王一梅拉筋...



明明睇排球又買籃球紀念品, 莫非係籃球痴??? 非也!!! 只係因為淨得籃球同足球揀, 即係冇得揀...



好開心呀今日, 下次再有機會, 一定會再去!!!


2009年11月1日 星期日

2009 香港美酒佳餚巡禮 Hong Kong Wine and Dine Festival

1 November 2009, Sunday

Honey今朝晨咁早, 7點左右就要出門前往數碼港, 參加「健康萬步數碼港2009 (CyberRun for Rehab – Healthy Steps in Cyberport 2009)」, 不過佢唔係參加賽跑, 而係參加步行, 全程4公里...

http://www.cyberrun.hk/


佢同Mr. 太古之友行完, 就o黎灣仔Join番我同Mrs. 太古之友, 去福臨門嘆一盎兩件...

嘆茶時, 「宮心計」嘅蔡尚宮(程可為)竟然坐咗係我地隔離枱, 帶住副超, 好有星味... 「畢打自己人」嘅殷賞(毛舜筠)就坐咗係蔡尚宮隔離枱, 即係我地斜對面, 真人同上鏡都差不多... 唔知係邊樹傳黎一下好強勁嘅閃光燈, 嚇到我都忍唔住週圍望...

食飽後隨即去西九「香港美酒佳餚巡禮」(10月30日至11月1日)逛逛... 係入面又見到名廚Ricky Cheung, 今日都真係見到多名人...

http://www.discoverhongkong.com/hkfoodandwineyear/celebrations/tc/overview.jsp

前往時近距離路過西隧口...


今日超熱, 好似比太陽乾煎咁, 煙霞又勁, 短短路程, 已經感覺想死... 終於可以行到去入口啦...

2009年10月27日 星期二

重陽節... 蛇蟲鼠蟻也登高???

26 October 2009, Monday


近年重陽節嘅指定節目, 非行山莫屬!!!


去邊度行? 除咗柏架山, 我地仲會去得邊吖... 


嘆完一盎兩件之後就出發... Honey上到山都撞到2個朋友, 真係"橋"...


仲唸住入咗秋, 天氣會好乾燥, D山澗會冇晒水... 但係又唔係喎...



行到觀景台, 可以見到港島東中心(One Island East)同康怡花園(Kornhill)...



掛係樹上面嘅超巨型蟻巢, 至小有4隻手掌咁闊...



至小有20cm長嘅蜈蚣... 行得好鬼快, 嚇到我走夾唔抖!!!


藍色嘅蜻蜓...


好大隻嘅黃絲蟻...



地球站...



山頂嘅陽光...



山頂嘅紅葉...



山頂嘅唔知咩花, 有成個拳頭咁大o架...



山頂嘅唔知咩樹嘅果實...



有棵樹斬淨個頭, 圍邊都生滿呢D菇菇, 好大舊, 有至小3隻手掌咁闊...



大潭水塘...



矇查查嘅陽明山莊...



山頂嘅大蜘蛛, 比手掌仲要大...
啱啱比佢捉到隻蝴蝶... 睇住隻蝴蝶開始時係度爭扎, 之後被蜘蛛絲卷埋一舊, 好慘呀!!!




山頂嘅肥蛾...



山腳嘅唔知咩果實, 外型好獨特, 第一次見...



呵呵... 行完即刻去大戶屋食晚餐... 好飽呀!!!


隻Canon PowerShot SX200 IS一出機就去咗歐洲旅行, 都未跟我地上過山, 所以今日帶埋佢黎, 試下佢嘅12倍Zoom, 影遠o野真係好方便, 不過個對焦都難搞D, 但係以一部傻瓜機o黎講... 係咁上下o架啦...