網頁清單

2020年1月27日 星期一

【台北】我要真普選の旅

5 Jan 2020, Sunday

反送中運動持續接近7個月,五大訴求の一:立即實行雙真普選,短時間內未見到家鄉……台灣1人1票選總統,我當然要親身去體驗一下!

11月果轉有台菜餐廳老闆娘、Costco女職員、誠品女職員都問我香港情況,我當然要出盡力講到牙血都出埋,D眼淚係眼度浪浪吓!Taxi司機就兩極化,有原住民司機講解台灣歷史,話佢地死咗好多人先有今日,話一定要反抗到底!

今次更誇張,台灣人只要聽到廣東話,就會問香港情況……我衷心希望佢地可以守住台灣!

3個吉喼去,6個爆喼返!(回程唔記得影相添🙈)


今朝5點要起身,好攰,眼瞓到暈!以前坐12點幾機,舒服好多,HK Airline Cut航班Cut到癲,如果朝早9點唔飛,好似要夜晚6點定8點先有機!

去LOUNGE食飽D先上機,唔會食HK Airline嘅飛機餐!



攞返件行李時,居然有咁大個鞋印係上面,喂,有無離譜D呀!好Dirty呀!


循例去Service Apartment放低D行李先,係附近食個Lunch~

DAY 1 午餐@歐巴噠韓餐酒 https://www.kenmerry.com/2020/01/OppadakChicken.html

小插曲:食飯期間,手痕駁咗餐廳個WiFi,貓兄問我做咩成朝伙無晒聲氣,我先發現自己上網Data突然無晒!!!😱😱😱
最奇嘅係……係Taxi都仲聯絡到Service Apartment 職員,好彩寄存到行李啫~早2日仲上網望過,有效期到5月,係有Data剩所以無買~
用餐廳Free WiFi上網買Data,等咗一陣,終於2張卡都上到網啦~😑

食飽飽散步去花博Sunday Market掃街~









黐線!房都未Check-in到,就已經買到重到手斷!


今次間房又唔同咗,儲物置物空間大減……
右邊張梳化"LIP"到癲,坐落去同深蹲無分別,要起返身難度9.9分……
住足7晚無1晚瞓得著,晚晚都攰到趴街,間房附近唔知係咪有野,見隔離房門口掛住串銅錢劍就非常肯定!
間房個冷氣隔離網都唔知有無洗過,燈罩&電話上面舊塵成舊麻糬咁大,近幾次入住都勁鼻塞……地板懷疑從來無認真深層清潔……
上次浴室寶速乾功能不斷跳錶,職員語氣帶點不耐煩話棟大廈10年啦D設施老舊好正常你唔可以要求佢新嘅一樣……嘩!我就係要洗衫&乾衣先次次住呢度,你又唔係減價平比我,我住咗幾年1蚊都無減,既然你都開到聲囉,我下次咪住新酒店囉~




DAY 1 晚餐@My灶 https://www.kenmerry.com/2020/01/myzhao.html
DAY 1 夜茶@老爺小花園

沖完涼一撻上床就幫台山四寶訂口罩!全部MIT,ABC!!! (Made in Taiwan, Anywhere but China)

10盒單已落,全部台灣制,安樂晒,好攰,Good night,今朝5點起身~(可能太眼瞓,返到香港先發現計錯數買多咗2盒,錯有錯著)

DAY 2 午餐@桔梗燉飯 https://www.kenmerry.com/2020/01/Jie-Genge.html

好彩尋晚挨眼瞓都落咗單先,第2日中午接到新Order口罩加單12盒!諗住又係夜晚沖完涼撻上床先慢慢搞,OMG,口罩廠官網都SOLD OUT!😱😱😱
發晒茅,去博客來睇其他牌子都SOLD OUT!好彩去PCHome仲有貨,先不負眾望,雖然唔係台山四寶搵嘅牌子,隻隻都試吓啦,每個人頭型都唔一樣,睇吓邊款舒服D啱自己D~
香港好黐線,網上瘋傳旺角藥房1盒50個外科口罩賣HK$498!!!HONEY話返到香港就算無口罩都唔會幫襯佢,買機票飛過黎台灣買好過~

我呢程代購無水腳賺之餘,分分鐘收唔返個本!🤣🤣🤣

DAY 2 晚餐@Aussie Cafe https://www.kenmerry.com/2020/01/aussie-cafe.html

聽朝一早BODY CHECK,6PM食完晚餐就要停止進食囉~😭😭😭

返房前去7-11取件……搭Lift時阿姨問:有咁鐘意食?買咁多?🤣🤣🤣

註:28吋旅行喼!

DAY 3 早餐&午餐@BODY CHECK CENTRE







驗身抽血抽到血壓低,血管塌,個姑娘360扭支針(係我D肉入面轉咗幾個圈)嘗試搵血都失敗(我D血管會唔會呢一刻比佢攪碎晒?),要我瞓低再拮手背……手臂肘關節好痛仲瘀青,要急救冰敷!😭😭😭(幾日後開始出一堆紅疹,1星期後D瘀青跑散晒好大撻)

BODY CHECK完飛TAXI去COSTCO掃貨~


COSTCO Hot Dog & Pizza飽到嘔,掃完維C同口罩鬆人。


家樂福超市入面連夾公仔機都有,勁!


DAY 3 晚餐@24H晴光市場


鴨炸叔叔好勁,識用廣東話講:好犀利呀!用英文講:Welcome to Taiwan!

食物勁熱,少辣好好味,好重膠質,都重口味架!


DAY 4 午餐@星Bar & Cafe https://www.kenmerry.com/2020/01/star-bar-cafe.html

閒逛赤峰街發現不少STAND WITH HONG KONG連儂牆~



DAY 4 晚餐@魚兵衛太春和食處 https://www.kenmerry.com/2020/01/Tai-Spring.html

無償代購小小兵又出動~

黐線!!!「海邊走走」所有野賣晒!行入去西門町專門店得2盒花生捲剩,豬肉鬆捲都無!(先去中山捷運站內分店,貨&店員都被消失)


DAY 4 宵夜@冰豆 https://www.kenmerry.com/2020/01/Ice-Bean.html

唔知邊樹黎嘅戰鬥力,9點仲行去中山站誠品行街~



臨瞓前執一執我呢幾日買嘅9百幾個口罩先~(真係好勁返到香港被人搶刧)😂😂😂


DAY 5 午餐@Ctrl+F Brunch & Cafe https://www.kenmerry.com/2020/01/Ctrl-F-Brunch-Cafe.html
DAY 5 下午茶@Coffee Sweet
DAY 5 晚餐@一品蔬菜羊肉專賣店 https://www.kenmerry.com/2020/01/Taiwan-Fresh-Goat.html

2020.1.9 龍山寺廣場 林昶佐「中正萬華團結之夜」選前造勢晚會

食完羊肉爐,去龍山寺走一轉,八卦吓選舉造勢大會~



十幾年前第1次黎台灣就係黎咗呢度,搞到我以後都唔想再黎~


朋友車我地返Service Apartment,途中有電話打黎,仲以為係騙徒……講咗一輪,原來Service Apartment女職員打黎……話有個男人飲醉酒係大堂話住我間房無帶門匙要職員幫佢開門……好恐怖呀!!!😱😱😱

其實我已經On The Way仲有幾分鐘車程就返到去……

返到去問Lobby職員,佢話係日本人飲醉酒已經「的」咗上3樓Office 調查身份,睇吓佢實情住邊間房……

到我返房沖完涼係聽到有人用門匙開咗2次門但唔成功……

心裡盤旋緊下次真係唔可以再黎呢度住~

DAY 6 午餐@Asia 49 亞洲料理及酒廊 https://www.kenmerry.com/2020/01/asia-49.html

再次與蔡總統緣慳一面~


DAY 6 晚餐@宜蘭大溪港現撈海鮮熱炒 https://www.kenmerry.com/2020/01/hot-fry-100.html

2020.1.10 總統府前達格蘭大道 總統蔡英文選前造勢晚會

凱達格蘭大道造勢大會!!!露天企咗3粒鐘,攰死!😑




https://youtu.be/BDwNiDOGHdo

有朋友居然係茫茫人海搵得到我地,好勁,仲要後期人太多上唔到網通訊唔到,Mission Impossible!!!佢當初話要入黎Join我地我心裡係打定輸數,諗住散場先慢慢Meet~

DAY 6 夜茶@茶堀出軌

10點半仲行去西門町飲野飲到12點半,無啦啦後生咗廿年!!!😂😂😂

企得太攰先想坐低飲杯野,同朋友一吹就吹咗2粒鐘~



DAY 7 早午餐@圈子 Brunch Coffee


2020台灣要贏!!!

DAY 7 晚餐@紐澳良小廚 https://www.kenmerry.com/2020/01/Nola-Kitchen.html

4:00PM開票……小英得到超過200萬票就宣布8:30PM開記者會,我地臨時決定去善導寺民進黨競選總部幫台灣隊長打氣~


2020.1.11 連任競選總部 2020總統大選 蔡英文勝選國際記者會




過咗螢光幕背後先係真正嘅Stage……已經塞實晒,寸步難移!


差D人踩人,十幾次面臨生死邊緣,人擠人,D大媽同鄉下佬最恐怖,鬧都當聽唔到,Horrible!!!

又話8:30,我地7:30去到,而家10:30先散水,7:30PM企到10:30PM等菜總統發表講話,唔知要等到9:50分先出場,今日又露天企3個鐘,無命,攰到爆廠!!!😑😑😑

恭喜蔡總統以超過817萬票高票連任!!!🎉🎉🎉
https://youtu.be/WjLONm8kC4I

散咗場一段時間,先可以慢慢行到黎前面~






攰到飛起,坐的士閃人,聽朝晨早要Check-out,仲未執好D行李呀,OMG!!!😱😱😱

第2朝11點職員走黎拍門下逐客令……喂!你張訂房確認書話12點架!哼!撞鬼咩!間房真係好唔妥囉,我無1晚瞓得著!

CALL咗UBER司機黎接我地入烏來,佢好好人,等我地放低行李免費車埋我地去烏來老街~

尋日仲攝氏廿幾度,今日DROP到12度,今晚浸溫泉FIT到漏!美中不足嘅係……落雨囉~


DAY 8 午餐@泰雅婆婆美食店 https://www.kenmerry.com/2020/01/WuLai-Tayal-PoPo.html

山豬肉香腸……MUST EAT架啦~(落緊雨都大排長龍)


新橋~



UBER司機話佢讀中學果時,跟同學黎過玩野溪溫泉,搬開舊石就可以浸……所言非虛!真係好多人係溪邊浸緊,仲紮埋營!



又凍又落雨濕濕,唔想行上山,坐烏來小火車上山……唔知係咪趕時間,片車咁快!


春暖花開🌸😍,烏來瀑布勝利の小櫻開咗花啦!!!好開心呀!!!




DAY 8 下午茶@瀑布3号 https://www.kenmerry.com/2020/01/wulai-three.html

DAY 8 晚餐@阿嬤的店 https://www.kenmerry.com/2020/01/wulai-grandma.html

尋日仲廿幾度,落咗1晚雨,今日得攝氏12度,上山要著2件抓毛+2件羽絨。

落山先發現Service Apartment嘅Message……我居然漏咗2袋衫係房度,OMG!😱😱😱

今次係超商買唔到嘉明牛奶啦~

個天黑晒,又落雨,又勁凍(攝氏12度),又無BUS,烏來老街車站得果2架Taxi泊響樹,獅子開大口要200台幣,唉……都要比佢架啦~

浸完溫泉9點就瞓,1星期積累嘅疲勞盡消。



7:30AM起身開定溫泉水等佢攤涼……8:30AM食早餐……點知食完早餐D水流走咗半缸……原來我無用力塞實個「質」。😱😱😱

今日無博命影相,小籠包一上枱即食,Honey話又幾好食。(上次影好耐相D皮玩到硬晒)





食完早餐再浸多1ROUND,浸浸吓,行雷落大雨。


臨Check-out收到Flight Delay SMS,  一生第一次覺得Delay得正好~(索性叫司機開車載咗我地返台北市Service Apartment拎返2袋污糟衫先,唔駛麻煩朋友/屋企人啦😅)

UBER司機強烈推薦……桃園機場第二航廈新景點—南側戶外觀景台—超近距離睇飛機升降(距離跑道只有25公尺距離)

寄完4件行李,再拖住2件手提行李去搵UBER司機所形容嘅神秘地點~







我坐係CAFE睇住D行李,派HONEY出去露天觀景台觀飽去啦~😬




https://youtu.be/HQmVY8gju2o

Delay完又再Delay!過晒Boarding時間架飛機都未降落!16:25 Boarding改到17:10,係Boarding Gate坐低咗先講,早少少講我地都可以係Lounge坐耐D吖~



Landed十世都無地勤黎開門,係咪爭人錢無錢找數呀?

唔知等咗幾多架接駁巴士先到我地上車!仲要車我地去2百幾,再轉無人駕駛!朋友好慘,趕住去灣仔飲,仲等埋我地車埋我地返屋企~(唔係我都唔知點搬果6件行李返屋企)


口罩,全部都係口罩!


買咗13XX個MIT(台灣國制造)口罩,幫朋友買,自己又順手買D,跟手又幫屋企人買埋,買到自己都驚,廿九吋喼爆滿!!!(其實係1千7百幾個,有400個幫少林食神買,登機前係Lounge順利送到佢手上)

2020年新春伴手禮不再是海邊走走、聖保羅Q餅,香港人仲要苦命到幾時?!😭😭😭

小粉紅又要迫香港人感恩祖國送贈全球最新Corona virus—Wuhan Acute Respiratory Syndrome (WARS)!!!

1月尾台灣宣佈:—
1)暫停Export口罩1個月,要優先留比國內人民
2)最大生廠商農曆年暫停休假,開1/3生產線確保貨源充足
3)實施價格管制,唔準零售商食人血饅頭
4)旅客出境每人只可帶5盒50個口罩(最多250個) (好彩我走得快咋)😱😱😱
😭😭😭1人1票選出黎嘅領袖係唔同D嘅!!!

中學同學好憤恨:香港買個口罩要格價、要睇清楚來源仲要限額,都唔知呢個香港政府要黎做乜,交稅養班確診癈炎嘅膠官!!!

有個傻婆仲以為自己好後生,兩肋插刀,有求必應!要訂貨取貨搬貨再送貨,仲要比埋數期,年尾流流,差D無命!!!



隻手抽完血幾日D鴨屎綠走出黎,抽唔到重野~


搬咗1千3百幾個口罩,分比貓兄&龍媽,留D比自己,再分比2邊FAMILY,大家仍然鬧口罩荒!

我1人之力實在太微薄,SORRY!!!

天佑香港,天佑全球!!!

🍀🍀🍀


沒有留言:

張貼留言