踩著水泡(汗皰疹)去旅行!
自從遇上黑氣石,腳掌上的水泡大軍就好鍾意趁我飛之前湧出黎……聽(今)晚仲要浸溫泉,有D驚,因為今次堅痕,未見到水泡前已抓穿咗幾粒,結疤-ing……希望唔好入細菌啦~
香港航空連續幾日跌零件,好彩我地今次坐CX啫~
東瀛X立山黑部20米雪壁大道、高山和風古典街、「神之故鄉」上高地散策、金澤兼六園(日本三大名園)、白川鄉合掌村(世界文化遺產)開心5天團,WE'RE COMING!!!
01:25 仲未瞓,聽(今)朝要早起身架,想點呀……😑
05:00 起身(完全失眠)
06:45 Airport Limousine
![](https://blogger.googleusercontent.com/img/b/R29vZ2xl/AVvXsEgbwtGIevJ3NUbVVvZFDtmnlsnD3hyUIbmqGnHhagi6FNjjUZ_DQM1ZKLBZ2F9petkurqueHc2bUCEjGp6B_DGN80Vo3un4OWy3rJKTu56GlPh2_n-eSSvb5m1c3wYdf5CH6TPTe5gX3dty/s640/img1559659002501.jpg)
07:25 準時集合
![](https://blogger.googleusercontent.com/img/b/R29vZ2xl/AVvXsEghB-DSP0hTB3Nvd5Zif6LnmQM_791n33HHqT1Ynk_FR-JweIPF3Qr86YBZz1MAOZX9LENJcJt3VQsglgE4Ha6gO-VaoPpnJovkEmRgdMXkroW3gUZdOyU-YwrnEZ7Bx4z9nxpYkeZPIGv8/s640/img1559659288145.jpg)
08:00 先比 Broading pass,再排Group Checkin隊寄行李(幾個月前去紐西蘭係集合時間即派Broading pass),咁有少少浪費我地去Lounge Hea嘅時間囉~
![](https://blogger.googleusercontent.com/img/b/R29vZ2xl/AVvXsEhRje8ega3hj2bywv4DpPDgg7GyMRofySU5ZUawVnBLyJqwHJ0Y-SoEzvDxbonhtJ4ppwA2dmJcuErLKnCatSu3dXFgcNVVNK3IttzXbRp4G-Pbz96GJb7MfS3OHP9VNeZaBa0ySDSpZpLN/s640/img1559659326843.jpg)
準時起飛!(咦?HONEY亂入「源自日文:乱入(らんにゅう)」)
![](https://blogger.googleusercontent.com/img/b/R29vZ2xl/AVvXsEgp5cq_Al489rw-PhC6LC3VppeyAG89UByAoixvvqSS4hMVhg-9kW0dvyeH5SKTHG1NNQWfiMiC3K5hvY0MKNhfjOZFHpSe-U3oR9v0J6JSIaSwAkP88juj2APcm50Uj9WB-FKMdwrVc31Q/s640/img1559659787782.jpg)
飛機餐……澱粉質+澱粉質+澱粉質?!味道有待改善!甜品有HD雪糕(哼!得雲呢嗱味,唔食!)
![](https://blogger.googleusercontent.com/img/b/R29vZ2xl/AVvXsEhWhKfjThtMGp19SbNa7O361OlwgwroRV38Rxl23w_dyOVj3lKSdELiexN8LHR-w8I_Nt7dFw_cuHasbGWSRRDAOYC5sZ73T8CBiEpxl6w1TS0iSu1e6SYePaOj9KPPl9l1ZPdwhmbAC16H/s640/img1559659862303.jpg)
電影舊到可憐,我連睇過咩都記唔起~(回程變咗6月有MARVEL隊長,連續睇2次,時間啱啱好)
CX今日準時起飛,準時降落名古屋,導遊話「奇蹟呀」~
Honey入境時被帶到房仔盤問……搞到我地全團最遲拎行李集合~
![](https://blogger.googleusercontent.com/img/b/R29vZ2xl/AVvXsEgapCVYCt5w8V1GMlCxGYFQNZd1iQMcHVA_ZnqUm4BeuJWloa6mqDp20tD-b1h8RlNeNfymHlrjz4D4UHQKZqJOoyUizcBZWTnpKAVF79muhREM6HDvN87nuRemNx3KwPE9zGzJyVZpQZYl/s640/img1559659896316.jpg)
海關:第1次黎日本?
Honey:8年無黎!
海關:咁你2014年個入境Chop係乜野?
Honey:哦,沖繩,唔記得咗!
海關:okay okay……(放人)
(Honey話問海關佢有咩問題,海關又唔答佢……期間有堆警察sss走過黎,佢以為自己犯咗咩事咁大鑊……原來咁啱巡邏路線啫🤣)
3小時車程直入高山,上車前買D小吃同飲品先~(喂,唔好睇少佢地,今日嘅戰利品大合照黎架啦)
![](https://blogger.googleusercontent.com/img/b/R29vZ2xl/AVvXsEiYM5gEsGZ3X2V1TYVs-QAag9R3Zj_13tB6FFub-WuOa8RJ5RUMaB1v6aaPqZ5kLKZ7gcgHka89Cujkgwm71J-T2lXV6tLn3Nz27_w2YoUuSByChCnKeiCsbI-cYF3zlcDNx5rzF5tJVQtA/s640/img1559701674266.jpg)
中途站Toilet超靚,但只有無人商店(自助販賣機幾部),無得Shopping,有D Down~
![](https://blogger.googleusercontent.com/img/b/R29vZ2xl/AVvXsEiMy_Z6a1wZjv0Jvsw7YrXxz6PAQ9kXAUkA6c4jvnVGRr31uJwGcohR0kNVZOsYDWH5PR7hn7FqHm3QAZ0JB3f8rpaDVn1fhq_fyFpLV-BfEnezbNtYxBbJ6dzB9_J0Aog4U1O6DYxTrlPz/s640/img1559659963913.jpg)
![](https://blogger.googleusercontent.com/img/b/R29vZ2xl/AVvXsEjSa5JP941w1hsPMbqdHAbJ5sMYcmK7U-fc78-tIBIrSOY57mCYx1sJF75tqOoPDGmJYudq8DK2tuVXD-FShAaZMCGa-O_eGnWEAWfQCGA5nMhYxYyvSXAtc5LMCNatTNfcva-9IHxVmOqN/s640/img1559660008104.jpg)
19:00 到達高山溫泉酒店 Hotel Associa Takayama Resort
![](https://blogger.googleusercontent.com/img/b/R29vZ2xl/AVvXsEge7Eg95wsZGzI3EvsRpuzgcr9dftyGy5uqwQigA5w1fl3Bgo3_5k6xvVdM8Kc9olEFsScXD9sp5LwV2M0u5s64t7vNzFjTEs16m3oXiH613-5jMj_oL3XMBdnmMYPQzTE6Pku1MaHHZxxk/s640/img1559660188134.jpg)
HONEY 為咗今次旅程,出發前走去買咗部OSMO POCKET,躋身Vlogger行列(Video Blogger,影片博客)。
1ST TESTING VIDEO
♫天氣不似預期 但要走 總要飛 道別不可再等你 不管有沒有機♫
天氣反常!我同你講,呢5日D衫,春夏秋冬都要帶足!聽日得8度咋!!!
![](https://blogger.googleusercontent.com/img/b/R29vZ2xl/AVvXsEgrXz106hyM8mPEpSZIEj_0X60ti1CaClW1iUX3T4XTUp6ggap3Cmr8x_DjYGdAL5kIWFmEAIo8I7-JYursp30TZk8HzzFPgY7x_-f9nhGa7ioIb6JZVdXNVBotr6MKCpc2xwbqGpTTk6Fu/s640/20190604_222357.jpg)
名古屋是日天氣~(唉......你今日比太陽我有咩用?我今日行程得酒店咋)
![](https://blogger.googleusercontent.com/img/b/R29vZ2xl/AVvXsEg0eTU2CSEkbRVBD5JZ5Vn3ahpdpsCYshR1OsVVJEwnC9yqeOKNI14vb5CwDqRbZlQl8CAsHcK3KwWfFI8hofvoy4-87LHn-R_OLHNZHPXaCrUlFmMLR-ObG-nXz3GUT4qtFT3u03RTSc1z/s640/20190604_222245.jpg)
高山是日天氣~(唔好信佢,聽日得8度咋!!!)
![](https://blogger.googleusercontent.com/img/b/R29vZ2xl/AVvXsEi6rYSaL-ZlvWGvNkv9vKtOVENrOzA7qGlGKRvNenmv2bnmR1kqD8gNbaO9tDUAF02bmc2x3NL_PET910BYVKo2GSKh6nIrZM9VqGcLiw0XW0ytI9pDfLLQ2CcPPYOT5FdWBOjdQEcpShvW/s640/20190604_222329.jpg)
«待續»
5日4夜行程:
出發前 : 出發鳥
Day 1 : 起飛鳥 Hong Kong ✈ Chubu Centrair, Nagoya 🚌 Hotel Associa Takayama Resort(晚餐+住宿+自助早餐)
Day 2 : 🚌 高山和風古典街 🚌 阿爾卑斯街道平湯(午餐)🚌 「神之故鄉」上高地散策 🚌 Alpico Plaza Hotel(晚餐+住宿+自助早餐)
Day 3 : 🚌 立山黑部阿爾卑斯 🚌 MITSUI OUTLET PARK 北陸小矢部(新增行程x晚餐)🚌 the square hotel Kanazawa(住宿+半自助早餐)
Day 4 : 🚌 金澤兼六園 🚌 白川鄉合掌村(午餐)🚌 MITSUI OUTLET PARK 爵士之夢長島 🚌 Viking すたみなバイキング知立店(晚餐)🚌 Dormy Inn PREMIUM Nagoya Sakae(住宿+自助早餐)
Day 5 : 名古屋城(自費午餐)🚌 Chubu Centrair, Nagoya ✈ Hong Kong
沒有留言:
張貼留言