一向嘴刁嘅食神強力推薦嘅法國餐廳,當然要第一時間去潮聖啦!
普羅旺斯……率先聯想到嘅……係南法嘅薰衣草花田,其次就係我最愛嘅卡通《五星級大鼠》(英語:Ratatouille)!
位於APM旁嘅亞太中心,觀塘地鐵站一出就到。大鄉里出城,仲傻更更係Lobby排隊,原來扶手電梯都上到去。
藍色落地大玻璃門,入口旁放置咗28吋特大行李箱,大家準備好起飛未?Welcome to the Adventure of Provence!
![](https://blogger.googleusercontent.com/img/b/R29vZ2xl/AVvXsEjZ6tFU0sbe3Womvq3GC3hGUdi7Vt5q2RYf0I2XQlMpW9qHcXdMLS1AjhTka2tXtTwt3abueKTbZPlkL5tY1xauf7mwmq4txFncJDBfWUGd0abZECKd3MxMNHf_wiaSmMj4KMbYjLmpHtOj/s640/img1550903860110.jpg)
裝修走簡約風,櫃內的名酒只是老闆珍藏的一小部分~
![](https://blogger.googleusercontent.com/img/b/R29vZ2xl/AVvXsEiWMvt1-vXNcaUKxWiMmsPjwZukEA3OZWp9KzGriVnHdigY4mxJ8kD2ANGKFOlMppOvraOeXF6P4fsDQAWp2SC-oimN_nATobwb8eRlWxlR8PJsmiR9KKDIUPLWV5sPlcvXdO0haztA2lhG/s640/img1550917598185.jpg)
呀!咪住!講漏咗,入門口之前,除咗要準備好萬惡嘅金錢& Empty Stomach之外,你仲要準備……3小時!
係,你無聽錯,係Three Hours,Three Hours呀!!!
法國菜喎……Fine Dining喎……你唔係諗住叮3分鐘食得吖~
好期待呀!!!(今晚有人請客,價錢方面唔成問題,嘩咔咔咔)
![](https://blogger.googleusercontent.com/img/b/R29vZ2xl/AVvXsEishmaM12NEBaDAJok4CSofTAfi50AErfj7YTCYZqE-z8yySRmGbepfqhAY1yK6bd_rpLubVJ4ynVI4432DfvuExu1yAOr4ezOOkuol50XyjN21puKa0N5cJQmXPlP6By7I2xc1_cQGFzVd/s640/img1550903915307.jpg)
凱撒沙律伴Parma Ham
-油潤順喉帶鹹香的Parma Ham,賣飛佛,異常大片,一啖都食唔晒,好幸福呀!
![](https://blogger.googleusercontent.com/img/b/R29vZ2xl/AVvXsEj7ov4ket_ihG_8ken6VPrRr0Y1iPug3jOj1IyWD6dDFSb80WFZTfHtjE1q-wFdExEZpLez7qnayLWkhm9Bfy8ppdARslq_BnPI9qMIIHwYGPCa6_IO9uua9PfPJTjGJ7mnLF8uaCo-Durt/s640/img1550903980395.jpg)
Honey的什菜沙律伴風乾肉腸~
![](https://blogger.googleusercontent.com/img/b/R29vZ2xl/AVvXsEjvgHkP-LMYri0Bq4hJk11erIfHzFSmzryrBPzhMtI4AxvWUnfhyleTuAGZM-GjcsjK0KCY0M9LrZ2vBYGWgxKWKTjFfdL2PfcI-Z4JlhInwrHu7-Vg7em6P_FBTXiGUFKUoZphzTlZgr7L/s640/img1550904004147.jpg)
蕃茄雜菜湯配香蒜法包
-(食完個幾月先寫BLOG)個湯已經無乜印象,個包幾香脆~
![](https://blogger.googleusercontent.com/img/b/R29vZ2xl/AVvXsEjKqWIphLCqW8h2VZeh-yGcnrojkEN_RzLIpovqpmo-qCtYR3RQ-tfRhqD3xWlI1-myrdbo6mrKJRrfLyJsDlngOkY3_Bn2NXxf-PB0Rz7iKvy4EpssqV4hSwBM4OxYiBdC2QrszIwwLPta/s640/img1550904053110.jpg)
鵝肝
-驚喜開始黎啦~鵝肝表面脆脆,內裡綿滑油潤,甘香豐腴,正到唔捨得吞!唉……點解美味嘅食物都係邪惡架!略煎的蘋果酸酸甜甜,減膩功臣~
![](https://blogger.googleusercontent.com/img/b/R29vZ2xl/AVvXsEgeDkpRqz3UQa3zB8fiJIKZYgVwPDT4WcdiW7gtSHApCB6mMZ0tN2XEHoUqpc6CbiCg2WWmb6oBEgCY8JC6YGwKH_ccxWDtpf6GcKVvB7WRqtKnJMJbLYv9QbuZ9A_6TY2tFohGBWHsutdK/s640/img1550917141713.jpg)
冰鎮荔枝蕃茄
-多年未能忘懷的驚豔冷盤,表面係1粒蕃茄,食落口荔枝味噴發,清新香甜,真係好想好想學識點整,開Party整一流。
![](https://blogger.googleusercontent.com/img/b/R29vZ2xl/AVvXsEh0W5q0ll3XtHsVacwhGJlSZMsvJcBDf371C_dz6FThNOrVdy6L0UJg_K6nOT7dW79l-inR4WSwpq63WkMniA-k9kQOT0f1A0rJ1OBvq8Ya6oUJhyphenhyphendzmDZCQryevMI4Ucf5oOo7xpYj8b73/s640/img1550917214257.jpg)
香燒美國牛肋條配黑提紅酒汁
- 全晚驚喜位!食牛肋條都有SOP! 1條牛肋條要順著肉紋切開5-6份,牛肋表面薄脆,肉質軟腍,配以十足利賓X味嘅紅酒汁,出奇地Match,明明好飽但又停唔到口,食完1件又1件。人生無幾何食主菜食到唔留肚食甜品。😂
![](https://blogger.googleusercontent.com/img/b/R29vZ2xl/AVvXsEijPiJQ_NxLCdloGUMXcKPcbpAit1WR0mzA18IGzgNPCH32riI-sKeoJizhZXVgnqAzIed-4eMABgdce6yvU5oNyOV3dv6r53RR-oU0OVfLHu-z8N-hvsbFlutk-VwTjdTwvcq3-jeKZJNs/s640/img1550917305553.jpg)
香煎鯛魚柳伴青檸白酒汁
-朋友嘅魚柳,夾1件試吓,都幾好味,唔食魚嘅HONEY都食到~
![](https://blogger.googleusercontent.com/img/b/R29vZ2xl/AVvXsEgPSW7LUS7CPdF9jhyphenhyphenRsdPWXFd_2MCesJIrEe9VDcJcNlp4LxCIwzEbaeYDS1TDcLNYP2P8GbkzAu3R9PviS8CnDFJuaFTfnRFtuDTPmjb9dxvCFA0TtHWWM08LZJhhbaSgrEUbAlH0d4j9/s640/img1550917252302.jpg)
大男人多胃口自然大,再單點多1個意大利燴飯……咦?唔係法國菜咩?HEY,好食就得啦,問咁多就咩吖!😂
我份人好膚淺,意大利燴飯啦喎,只要大部分係軟綿CREAMY,中間夾少少半熟米,我就覺得佢合格架啦~😂
![](https://blogger.googleusercontent.com/img/b/R29vZ2xl/AVvXsEiRxMeqFsqOv-BMQoWQZfBeFG_AMUWT_9ISPf5CQ6IhJNxLxcFT2kHhxqo_GcgpJEXJ00AeiqPnoLWQV-LHI1v9865lnHIt7ZdMq3KerEESBapOWo6YiJji-_qrCCFj8lQgUzgN0TWCEBbx/s640/img1550917504663.jpg)
焦糖燉蛋
-我以為我飽到食唔落架,話晒CREAM BRULEE唔係賣飛佛,但食一啖,表面脆脆,勁CREAMY勁滑,味道唔會太甜,奶香濃郁,三兩下手勢就KO!
![](https://blogger.googleusercontent.com/img/b/R29vZ2xl/AVvXsEjZYcpdQLBJkFVyx_djY2E4Ottn-BDkoOpa9SxlvjVc0G4nffGpzzrN54xS0YrA658sbNXMTZQV8ZoZjJzgfx18qyo_RVe9wOyqJeJ3kBtsuINnrKjokJ3O8odp4OikAIMV__nV88KIRc4a/s640/img1550917553731.jpg)
檸檬柑桔蜜
-Down to細節,1杯餐飲都可以好窩心。淡淡的甜帶蜜香,檸檬同柑桔互相襯托,沒有半點苦澀味,飽餐一頓後的蜜蜜滋潤。
![](https://blogger.googleusercontent.com/img/b/R29vZ2xl/AVvXsEiDJh445E2qJb6Yd1jtG70bD1qj1GiIiWOO_fdj4epPrwK6iaW8UEveFU0rURQsXyz-TbSEAzf2DYbENX6zSOFv_wVW2xVNHRKvLI0nL5OUMxzZ0wcL-poDZiC-3ay0wDYivdoyQl1JJ2eI/s640/img1550903950308.jpg)
邊等邊食,轉眼2小時,都算快喇,唔使3個鐘,又唔覺要等好耐先有得食~
呢間餐廳之前係響新蒲崗得龍大飯店旁邊,今年先搬黎觀塘,睇過之前D食評普遍都幾好,結業前仲好多多年熟客趕去幫襯送別~
飽足的一夜,懷著愉快的心情回家~
味道:★★★★★
環境:★★★☆☆
服務:★★★★☆
衛生:★★★★☆
抵食:★★★★☆
普羅旺斯餐廳 Provence
地址:觀塘 觀塘道414號亞太中心3樓302舖
電話:+852 3905-4898
網址:
我有時好驚食一餐飯用太多時間面餐飯係唔好食~
回覆刪除好彩你呢餐係正既~~~
唔好食就反枱, 我D時間都好寶貴架, 話晒秒秒鐘幾百萬(塵蟎)上落架嘛 XD
刪除