![](https://blogger.googleusercontent.com/img/b/R29vZ2xl/AVvXsEgBejjgctuRELBNuAHaTUKNVtofGscGwmd2Tx0TNrXknvwv1TAU2RYReZZJxoCJw_aV_SHh_rzWzcEFq4YUZ-DDLzE8AvbbZZvJCHNeR1-nXGrBrwoxeLy-cY4Sy3XcVV3hrfYTFa2rIkZ2/s320/DSC04319.jpg)
行程:烏來老街 → 烏來泰雅民族博物館 → 雅各原住民山豬肉香腸 → 烏來台車(CLOSED) → 烏來瀑布 → 昇瀧泰雅珈琲館 → 烏來林業生活館 → 阿春小吃店 → Spring Spa溫泉山莊
完晒啦個行程,唔係咩?!
咳... 係咁嘅... 我都以為係... 點知第2朝係酒店食完早餐Buffet,車主話不如再出去逛多轉,我地2個行李都執好晒,都無打算再浸溫泉,緊係好啦~
出去逛完再返酒店會合2位女士後,佢地建議去新開嘅林口Outlet... 去,緊係去啦~
逛完林口Outlet,朋友約咗人食晚飯,唔知點解來到台灣我會變得咁厚面皮,居然2仔底死跟!OMG!
結果... 後加行程:烏來瀑布 → 林口Outlet →小江日本料理
話說... 尋晚我地係阿春小吃店食完晚飯,返酒店途中,見到吊橋好靚,就中途落車影張相。
![](https://blogger.googleusercontent.com/img/b/R29vZ2xl/AVvXsEglELXQXpNtli0IJpCoGP5WzXG1LifTN_l5T7IFsHO2tLwNy0a0EA3xpAPRjaQIboRyAwPMnJMZvFbITTZ0236pS4G2yvWyUWWI-pWXlPix2D-l1nIBm1fjgx1D0BzErydgqq5lAtJ4EceO/s640/DSC04310.jpg)
嘩!仲會變色o架!
![](https://blogger.googleusercontent.com/img/b/R29vZ2xl/AVvXsEicsgUk5SQE9gU69ewWUTDwfpeEXDbSGF6tHzZenGC5oU1qaMdQgR6ejRA2lGSxn1Yyl4AbGEIQ7gQYaWM7AsrK6-R3bpCxMs2y5nR9ZxIwbcork_mzh97vk3HmcuDtpTLEou2lszGIS_Nh/s640/DSC04307.jpg)
食完早餐Buffet,車主話不如再出去逛多轉,我地2個行李都執好晒,都無打算再浸溫泉,緊係好啦~
今次開車繞山路上,原來不一定要用腳行才能上山的。一路上都有不少櫻花,但經歷過落雪同大風雨的催殘,櫻花顯得份外凋零。
![](https://blogger.googleusercontent.com/img/b/R29vZ2xl/AVvXsEgnxNd2Pom6wIXpWMAUpjO_cR9N_o10QC50TCPd__EtsAwQ_RQcnS1qdmWhI5xFcvV7KMYlK_6nKuqcDZYJgRgDKOUyuvex-MyhBdj_AvgWoJB2bpP3LvkxdOUsAZrNqp8_0uhpJDryGg43/s640/DSC04321.jpg)
![](https://blogger.googleusercontent.com/img/b/R29vZ2xl/AVvXsEgBejjgctuRELBNuAHaTUKNVtofGscGwmd2Tx0TNrXknvwv1TAU2RYReZZJxoCJw_aV_SHh_rzWzcEFq4YUZ-DDLzE8AvbbZZvJCHNeR1-nXGrBrwoxeLy-cY4Sy3XcVV3hrfYTFa2rIkZ2/s640/DSC04319.jpg)
一轉眼就來到烏來瀑布~
![](https://blogger.googleusercontent.com/img/b/R29vZ2xl/AVvXsEitEX0ahZec1OGLLOE7m76CbWY6YmeSqIW-AwXllR5LXXy0x5Vgc87ISoR2tYTDXTn1h-oSKb79NH32reAkh-xl862rQvF-QusiPdcUy4NEwY16Tq8WBKtvB88TVqTRFyN8UgaUIKITsyOS/s640/DSC04331.jpg)
這個角度更好看~
![](https://blogger.googleusercontent.com/img/b/R29vZ2xl/AVvXsEiqjS9Q9kM0QxvDxdm4I3nXETbCoT8Qn0Ra5ga7ykVKLf_hynRHM3ImTMHT_E0aao4d2R5f4MyIULpuoud9jj8DR6EnZR6sCvRDbx7EQI9wYGF0RG9H3ZnV4CW5Iwbh66b-UIklSBgrzvTQ/s640/DSC04333.jpg)
奇遇來了...
話說我其實好耐冇upload相上facebook個人戶口,尋日嚟到烏來瀑布,honey教我玩slow motion video,覺得好好玩,就狂錄。
返到酒店稍作休息嘅時候,upload咗段video上facebook個人戶口,跟住冇幾耐同我同一條村出世一齊玩大嘅好朋友就即刻message我,佢話有個好朋友喺瀑布開店,叫我行入去同佢打個招呼,但係我已經返咗酒店喇喎,又點打招呼呢?冇諗過今日有機會再來,當時看起來好像沒有機會來打招呼。
估唔到今日會重臨,咁一場嚟到,就鼓起勇氣行入去朋友講嗰間店碰碰運氣...
其實我份人都幾內向,好怕同陌生人講嘢,離鄉別井會讓人變得勇敢咗?
竟然... 真係夠膽拎住個電話行入去,用我接近零嘅國語,向住收銀櫃位女士問佢係唔係乜小姐,對方竟然無因為我嘅「白撞」而趕我走,反而好努力同我相認,大家用好有限嘅語言溝通講咗一輪,佢問我係咪香港嚟?講左一堆名字後,最後俾我哋搭通天地線!我仲隊個電話俾佢睇朋友嘅全家福!原來朋友嘅朋友係佢姐姐唔係佢本 人,就係咁兩個陌生人竟然攬頭攬頸走出去瀑布一齊影合照!我相信只有喺鄉村長大嘅人,先會對陌生人咁冇防範!
佢仲話要煮飯請我食午餐,我話唔得喇,趕住返酒店checkout,佢竟然話間酒店嘅老細佢識得,等佢打電話同酒店老細講叫佢唔使我哋checkout住,嘩,好利害呀!跟住問我尋晚去邊度食飯,我一講,又係佢識得嘅!從小在烏來長大,果然對所有街坊都瞭如指掌。
正所謂盛情難卻,如果唔係因為朋友嘅太太喺酒店等緊我地,同埋另一位朋友要趕住去機場搭飛機返香港,唔可以留低食飯嘅話,我估我地真係會好唔客氣地食埋飯先走,哈哈。
結果,佢都拿出了一大堆零食同埋幾個餐前小吃來招呼我哋。仲推薦抗抑鬱抗失眠嘅馬告茶請我哋飲。
![](https://blogger.googleusercontent.com/img/b/R29vZ2xl/AVvXsEih3FVE0fMPtMKYbVo3Wtu64iIVRp2CecTyjHi4RQhUnnGoigGkigUd7PN7nnBEGmfcWp4xg9EVv1Kbg_c-ldcWgvGfHoK7RQbbGNItreVZQHDyW6I1puEQwzViu-gd-sdVcwNTfsvdsJJq/s640/P_20160320_110715.jpg)
![](https://blogger.googleusercontent.com/img/b/R29vZ2xl/AVvXsEi-qtdgT0J8wAx-uIoYe7UMFBNRhM-S-v-M6CY2i9sDH4WfXpli8eaO7P8cUx5CYML8cZ704Rji5nF9O0miGrEY9OmhGZOUZUPxl2vSyDXGZu0fFwB-GitynDzBoAHzZF6uq0jddnJcHMBE/s640/P_20160320_111714.jpg)
我哋傾咗好耐好耐,都係小時候喺鄉村長大嘅美好回憶。今早呢2個小時,真係一次好特別又寶貴嘅旅程。我會永遠記住。
朋友嘅太太已經call爆再call爆佢個電話,係奪命追魂Call嘅追殺下,我哋只好依依不捨地離開!
返酒店拎行李checkout,之後就驅車直達林口 MITSUI OUTLET PARK。
![](https://blogger.googleusercontent.com/img/b/R29vZ2xl/AVvXsEj4UTRy6PqReFdbePU6GJqdg7mDhtTlwia1ZYlZzARMFKaDoWDTp8YKLvDDgA3nzJI3Epwx2e7b2SKYbwBGNM4FxXsQexBkp0JYNyUvtbsL701Ya6uhGsDAqDTbFl8wB0I13VPfCO9pNTPs/s640/P_20160320_150909.jpg)
人超多,好似開咗唔夠一個月,正值午飯時間,food court同餐廳多人得恐怖。餐廳嘅超長排隊人龍完全唔使諗,food court都係千辛萬苦先搵到戶外嘅座位。排隊買食物嘅人龍亦都好恐怖,我都唔敢慢慢揀,只係搵間最近嘅餐廳,求其買個拉麵食就算啦。
![](https://blogger.googleusercontent.com/img/b/R29vZ2xl/AVvXsEgbAM4Gpg5CVj4194R3wRbYfMPGspuInmpg32e7DF0ZuwTy1-UOd0PNPx0gSPpxkfFK47ozOCtHnMUgrk9yxEuLP__W5tCE4BzLQtsKtXMMTsbmp4T3bVhEZRDaM_QRCoUzQZ-siUQwg7PN/s640/P_20160320_134102.jpg)
![](https://blogger.googleusercontent.com/img/b/R29vZ2xl/AVvXsEie2463b5e6LIbhppEEox2CP8EYsjQoXI2s048qv57T-b1C_tfeFSUycOfHQWttt6qinuaIwfgzEHfoMW5uI2acmfymj4Hc1htqECZU5oJXGBhZMxMZOqDkYqrjUOsj4aZy-DXP0EFzyW3Y/s640/P_20160320_132825.jpg)
![](https://blogger.googleusercontent.com/img/b/R29vZ2xl/AVvXsEh9qgJiN5n1PtJOA_IM2I017fvXAhqn4BXRBdC8YUg4YNPEkV9854wCogDM7-MjgRpWwbTPST8SLHzyKAlMeEAjlhH88O2Ug8CNVv3lJtsStqhMfdP7amQQj-mDoxvBC1PGiBf-DtM2jiOf/s640/P_20160320_134030.jpg)
食飽就逛陣,店舖都冇咩減價貨,冇乜收穫。只係幫Honey買到1個皮嘅斜肩袋,堅抵100蚊港幣有成交。
![](https://blogger.googleusercontent.com/img/b/R29vZ2xl/AVvXsEjphiO7xKj2vdZYdWBjeEDutwHIi4ieI3j-IW-AQMgHFTDPs2-oKu2Y_R0frHHpiF7b7OBWOzveu_u_NxYVhKBWEIevWMw0UgHdX2H5CBdaz2H8WWk_cbe-qR4qkOh0yR2A5rL31QlDj2PP/s640/P_20160320_151811.jpg)
![](https://blogger.googleusercontent.com/img/b/R29vZ2xl/AVvXsEgNeReSUsN0aw6Xg0CSfdI7CiuQnHMTREMKrKK6kOML7fTXhlRkxwk2YW1X2QwBvk8bQNf-Tlg1dI-eVuf9v5QzrhG8exxCbLxnGxliXNs60d6QiZ3XZ0nkS1DM5Md8ZXBTxeuy811s9wtR/s640/P_20160320_151617.jpg)
與此同時,車主就車咗朋友去機場,再返嚟接太太返台北同朋友食晚飯。最估唔到嘅係,我哋竟然跟埋去黐餐!唔通我哋來到台北之後DNA已經mutant咗?點會變得咁厚面皮㗎?我地係香港從來都唔會咁嘅?
沒有留言:
張貼留言