網頁清單

2013年10月8日 星期二

PizzaExpress : 魅力減退 入會即減$50

27 September 2013, Friday


原本今晚想去半島酒店食瑞士菜, 不過太遲訂位, Full Booking, 搞到失晒預算... 放工路過PizzaExpress, 又心郁郁想入去, 結果... 又入咗去...

其實... 我真係好鐘意食PizzaExpress, 哈哈...

落單前店內所有客人均是外籍人士, 無人講中文, 好似去咗蘭桂芳咁... 較後時間才有少量講中文的客人到來...

門外的餐牌再見唔到有套餐, 仲以為已經冇咗, 入座後派發的餐牌又有Set Dinner, $338 For 2, 1款頭盤+1款沙律+1款薄餅或意粉+1客甜品+2杯汽水... 好似好抵, 但近期腸胃唔好, 唔想飲汽水同食沙律, 最後決定散叫...



南瓜湯 $50
-- 好味!!! 南瓜蓉香甜, 湯底濃稠適中, 秒速KO... 湯底可以更稠密, 但又會引致只喝湯已太飽的問題, 真是針無兩頭利... 旁邊的麵包條可以不提...




焗麵包球 配以蒜蓉牛油、乾蕃茄醬及 Genovese 香草汁 $52
-- 記憶中的焗麵包球暖笠笠, 又脆又軟, 蘸Genovese 香草汁可以食幾打, 乾蕃茄醬都好正... 可惜今日... 咬第一粒已經... 心都沉!!! 冷冰冰的外層, 裡面也不見得暖, 而且感覺嘴巴油油的, Genovese 香草汁已沒有從前的香, 但仍是3種醬汁中較出色的, 乾蕃茄醬的味道奇奇怪怪, 蒜蓉牛油沒有半點鹹香... 焗麵包球, 請問你只是一時失守?!! 還是永遠沉淪?!!


羅勒蕃茄薄餅 $128
-- 薄餅上桌時我見不到乾蕃茄非常失落... 寫Blog時到官方網站查菜名及價錢時才發現, 餐牌寫的是醃車厘茄, 我怪錯餐廳數天了, 何故我會將醃車厘茄看成乾蕃茄的呢?!! 無論去到那一間餐廳, 只要給我見到羅勒蕃茄薄餅配水牛芝士, 我定必Order... 醃車厘茄味道不能代替我的乾蕃茄, 薄餅屬薄身, 硬度中等, 簡單不花巧, 合2人次力可以KO全個~ (Pizza黑個D我只肯1件起2件止)


甜品拼盤 (迷你甜品4選3) $68
-- 今晚決定放棄焗麵包球配朱古力榛子醬, 選了朱古力蛋糕、芝士蛋糕、意式芝士餅... 朱古力蛋糕美味不再, 回憶中的特濃朱古力味煙消雲散, 濕暖的口感隨風而去, 剩下的, 是半乾的朱古力蛋糕... 意式芝士餅更是傷透我的心, 回憶中的那個最港最美味最正宗的Tiramisu已經返回老家, 留下來的, 與連鎖麵包店賣的Tiramisu一樣, 感受唔到香濃的咖啡酒味... 芝士蛋糕則交由Honey處置...


荔枝茉莉花茶 $32
-- 新嘗試... 甜蜜的荔枝糖, 搶去了茉莉花茶的風頭, 無論嗅覺上及味覺上, 荔枝的果香均比茉莉花茶的清香突出... 紅色的茶壺非常奪目, 不敢正視黑白相間的茶碟, 怕一不小心會天旋地轉...

職員推銷即時申請成為會員, 今晚的消費可即減$50... 咁抵?!! 就算以後唔再來, 都抵咗今晚先啦... 又好, 入會!!! 用職員遞上的Tablet輸入個人資料後按完成便可, 非常方便...


不知道是我近年吃多了好東西?!! 還是它退步了?!! 我今晚聽不到幸福的鐘聲...

是次每人消費約$150元
味道: 4 環境: 4 服務: 4 衛生: 4 抵食:4
###
地址 : 太古太古城高安閣G517號舖
電話 : 3150 8800

4 則留言:

  1. 見到你封面張相又諗起瑞士之旅,海迪之家,諗起都好開心!
    嘻嘻!日劇咩,有幸福鐘聲,笑死我~~
    我諗喺佢開得太多,質素下降喺真!!

    回覆刪除
    回覆
    1. 海迪之家, 真係好令人懷念 :)

      嘩咔咔咔, 我真係睇"反胖"睇到入晒腦 XD

      刪除
  2. 點解我留言要 "您的留言須在核准後才能顯示。"

    回覆刪除
    回覆
    1. 因為唔想好似以前係Y為Blog咁有III級留言, 又想任何人都可以留言 (無Blogspot Account都得), 所以我Set咗留言管理!!! Sorry, 真的不好意思, 我非常非常非常歡迎路霸來留言的 :p

      刪除