Min 14oC, Max 24oC, Morning Cloud, Mild
6:30AM 尋晚終於有覺好瞓, 今日醒神晒!!!
7:40AM 在酒店門外等候... 同一時間有8-10人左右一齊等Go West的旅遊巴... 原來有9個人係Rendezvous Pickup, 但係... 夜晚佢地又唔係呢間酒店落車, 咁奇嘅... 接咗我地之後, 再去Crown接多5個人就可以出發了!!!
上車時, 導遊兼司機的阿Lee會向已在車上的朋友介紹你的名字及來自邊個國家, 團友們都好有禮貌會Say Hi或Morning之類... 今日呢架旅遊巴上面, 有來自中港台的同胞, 仲有法國、意大利 (2日後的Phillip Island再次做團友)、美國、英國、澳洲... 來自澳洲?!! 我有冇聽錯呀?!! 冇聽錯!!! 好似係來自悉尼... 嘩嘩嘩!!! 當地人都參加呢個團, 未出發就幫我打咗支強心針喇~
我地今日就係坐呢架巴士喇... 車上有Free WiFi o架, 上網速度OK快, 有d團友帶埋Tablet開住Location Service + Google Map, 可以即時知道自己去到邊!!! 樣樣都好, 唯一問題係冇位擺隨身物品, 所有袋都要放係大脾上... 我地習慣帶多1個手抽袋袋濕星o野, 今日中晒招... 同埋坐位都幾細, 部分身形比較龐然的外籍人士, 就算係Sweet到爆的, 都要前後腳坐單人位, 西男全程用手指係坐前面的西女頭髮打圈, 我初時以為係佢阿媽o黎...
![](https://blogger.googleusercontent.com/img/b/R29vZ2xl/AVvXsEg5kN4swlOBDpjlVyEx2JIR3bj08FQf0S7NI3Iz21GgUlX7ot9Hb-1JSiPQn1U2mMPuIqUmFn8aNDb5TNeOK9RYGz_8a3OaXFd-mUOTV7sQ2Nx3EAUm2M5rzbQHL-BEDSOzXWqzUT6S3nng/s640/512030076_m.jpg)
Crown上車的幾位同胞, 同阿Lee好似完全溝通唔到咁, 阿Lee即時比咗iPod翻譯機佢地, 咦?!! 點解我冇嘅?!! 唔通要 Advance Booking?!!
Kenmerry : Should I reserve iPod in advance?
Lee : You don't need iPod.
Kenmerry : 吓?!! (心諗 : 我同佢地一樣比咁多團費, 點解佢地有iPod我冇呀?)
Lee : You can understand me.
Kenmerry : ...... (比佢幽咗一默, 按住咀笑到攣弓蝦米咁, 講唔到o野)
英國伯伯 : You're speaking in Australian Style. (哄堂大笑)
歡樂的旅程就係咁開始咗喇~ 最後阿Lee都比咗iPod我, 但就要同其他用iPod的團友一樣要交出Passport... 之後係Phillip Island唔知係咪老闆帶團, 成袋iPod(有3隻)比咗我都唔使交出Passport...
注意 : 我仲未比團費o架!!! 上車前問阿Lee係咪要即磅, 佢答Later... (我上網Book位前要求比Cash, 要比Credit Card# Lock信用額, 如果我放飛機佢會係信用卡扣全數)
大家要坐穩啦!!! 旅遊巴已經駛咗上去大洋路(Great Ocean Road)的高速公路喇!!! 等我聽吓隻iPod嘅廣東話正唔正先... 阿Lee全程不時會傳袋Candies比大家嗒吓, 有果汁味同薄荷味...
![](https://blogger.googleusercontent.com/img/b/R29vZ2xl/AVvXsEhyd9oEuI0zIE8Q61mMkJv3e_vTD5Rx9iSg1xsI0I5o4Jsjworn6WOdjdmsLdDoY4IIkx8PLVhZ7JYPOxYo6-W5fVwJmkqoLg2hjnPB_TvIcA82dejAsVUnB6EhV1n5-kSqnnlBHEnql-Lx/s640/512035705_m.jpg)
♫ Country roads ,take me home
To the place I belong
West Virginia Mountain Mama
Take me home ,country roads ♫
大洋路9曲13彎, 我來回要食2次暈浪丸, 先可以減輕Motion Sickness 的症狀... 加上阿Lee定時會比團友落車影影相, 休息幾分鐘舒緩一下想嘔吐的感覺, 呢樣係大旅遊巴做唔到的, 因為有d落車位好細, 大旅遊巴根本泊唔到車...
去程如果有得揀的話, 左邊單人位影相一流, 因為全程Great Ocean Road右邊都係山, 左邊先係Apollo Bay, 坐右邊影唔到相...
10:00AM 坐咗2個鐘頭車, 來到 Surf Coast... 藍天白雲, 青山綠水, 美極!!!
![](https://blogger.googleusercontent.com/img/b/R29vZ2xl/AVvXsEglZ-KxoJnub0R2ms3q9ECSiz_H_yrJ0bkDoaADCxX_hSSw09zKJxtoB6LuwiO8KMq2diri2Vy4p4496m7rYfLwxkIwrL-kNh2vm_sJ293hdKaaONo3WbofhGKagua6umjFHdqBhSV7CCKf/s640/512032720_m.jpg)
我地就係望住呢個靚景圍埋一齊嘆早茶, 好有野餐Feel呀... 阿Lee正忙於為大家準備...
![](https://blogger.googleusercontent.com/img/b/R29vZ2xl/AVvXsEhicpxkd4LKbGaZFPC6wSe-F_bpBXWo_-cptM85mEnZerc7LoMCc4Q1MMmMqpcHMRXJzI80l0ekpmID7YUm-k-B_hZFsl2JKrbUSdsTNWhFICLevkACZJTH1VdOq5tvtwq9f8yk90ksfmzP/s640/512027835_m.jpg)
Home made 藍莓蛋糕, 香蕉蛋糕, 同埋咩咩蛋糕... 好鬆軟, 真係好好味呀!!! 仲有熱咖啡, 熱奶茶, 熱朱古力, 只有熱飲, 冇凍飲, 因為大洋路好大風, 加上今日最低溫度係攝氏14度, 飲熱飲可以幫大家暖吓身...
![](https://blogger.googleusercontent.com/img/b/R29vZ2xl/AVvXsEgrDDAZPckCxyM-M6hncCfc4S88cXUxZX-acw4JNiui3Rd67DnTFWv8f7S_XEq7lpT0GvSuVBCKACmNfAO17RCHfb6YKqDrjXA2WKc92NvLALUU5MXtQ2WCy4q8Fre0mxL3OsUj6EW_QlMC/s640/512023863_m.jpg)
嘆完早點, 阿Lee要收拾一下, 團友們可以去沙灘行一陣, 佢特別提示團友們上車前去一去洗手間, 因為要2個小時後先會再有得去洗手間...
海邊好靚呀!!! 海水好藍呀!!! 未去到12門徒石, 已經可以見到奇岩怪石, 好興奮!!! 沙灘上堆滿了大大塊的海苔, 沙粒好幼細...
![](https://blogger.googleusercontent.com/img/b/R29vZ2xl/AVvXsEiHCE7d-jMaSPyWEVUTwVtjh1rbqTAMwVcLaksJ-Hycof6stN_jR490ntj4tvJTofE90mP4vZRzK0Jux0_1He7IgKTaVOaVZLy50oFxR9GbMXHSrSSOrEfRr537FbLsWGaVP99E00pYEWt_/s640/512034826_m.jpg)
回到車上, 節奏輕快的音樂再次響起, 今次係"Please Don't Call Me A Koala Bear", 歌詞超頂癮, 大家都笑到碌地!!! 阿Lee要求大家一齊大聲唱, 團友們唱完一次又一次, 好似前後播咗3-4次團友們肚內的Karaoke蟲先止到少少咳...
♫ I’m a koala, not a bear, and I don’t think it’s fair, The way that people always add a word that isn’t there. I’m a marsupial (and proud of it), And there can be no doubt of it, I’m closer to a kangaroo Than I am to a bear.
CHORUS
So please don’t call me a koala bear, I’m not a bear at all. Please don’t call me a koala bear,
It’s driving me up the wall! If your name was Tom and everyone called you Dick, Perhaps you’d understand why I’m sick, sick, sick -
I’m simply a koala and I want the name to stick, Please don’t call me a koala bear!
I live here in Australia, in a eucalyptus tree. I’m as cuddly, cute and charming as an animal can be. I don’t understand, fair dinkum, How anyone could think them Grizzly bears and Polar bears. Are anything like me.
CHORUS x 2
♫
10:30AM Memorial Arch - Eastern View, The Great Ocean Road
在大洋路紀念碑前留倩影, 是遊客到大洋路的指定動作...
![](https://blogger.googleusercontent.com/img/b/R29vZ2xl/AVvXsEiqa8vZipoBvaN8s_W0xwbLwvOm3AxMJhVHvZNwi_UePSwYcmpCVDQLaG4IQsnbUNb2B_pqDThe4-pWJUkJBRvmlO7G6RN3L6_2B1U1MdpWzifwR_E7fvZwaBr_cI1-bALzequVdYbnMVAO/s640/512121917_m.jpg)
![](https://blogger.googleusercontent.com/img/b/R29vZ2xl/AVvXsEhgchI0w69wfC4fr3xxHvtD7GpiRIG5qsf1UymlscK02jB-9CZYcVQH6LRNoXXIr1tC-GZuUzYjie0m2GpaDfwaq3s_K6rRkb6MyB4Lhyphenhyphenu66TcpOhop_pTgLZsvc0szVkWQgJh8nRaQckBh/s640/512123177_m.jpg)
我地正準備離開之時, Grayline及長青的大巴駛到, 嘩, 多人到呢, 排隊上車落車都浪費唔少時間, 好彩冇跟佢地啫... (仲有1間叫宏城)
11:10AM 阿Lee突然係路邊好狹窄的避車位叫大家落車, 逐一幫每組團友影相, 佢話呢個位係Best Shot, 團友們快手快腳, 只消數分鐘又上返車...
![](https://blogger.googleusercontent.com/img/b/R29vZ2xl/AVvXsEjmdGJ5QqbuQK-qpSCvwTxzd3MDa96AyDZhCPor7Tf_NayBa5i_64D3aEL7dq4kxupCM2S87t00eYhN7ku26YiONguuKE9TFgcQVfBVczbfaRHT_-bIB6WEukLgD05qowHxc3bauSFDxh7H/s640/511967974_m.jpg)
11:20AM 阿Lee再次突然係路邊好狹窄的避車位叫大家落車, 再次逐一幫每組團友影相, 呢個瞭望台係紀念Howard Hitchcock -- 1925年至1931年的維多利亞州Geelong市市長, 大洋路的資金和建設都由係佢一手促成...
![](https://blogger.googleusercontent.com/img/b/R29vZ2xl/AVvXsEgX3gsflufU0ZygO-QPt5b0nzwCAYwrIzX1kqHI3du4Fg6ZPaSfBMOKnQGJnd4DJM_l5CSw_mJHkj9Z7kCrdXtkY1E0TGhV9tkY4dbEl9AV1gT9b6RcYj1XYNPnx662z1kyl2Z6sKQA-U91/s640/512127366_m.jpg)
由於以上2個Best Shot拍照點都異常狹窄, 大巴係絕對冇可能停低的, 坐細巴的好處真係多蘿蘿...![](https://blogger.googleusercontent.com/img/b/R29vZ2xl/AVvXsEgX3gsflufU0ZygO-QPt5b0nzwCAYwrIzX1kqHI3du4Fg6ZPaSfBMOKnQGJnd4DJM_l5CSw_mJHkj9Z7kCrdXtkY1E0TGhV9tkY4dbEl9AV1gT9b6RcYj1XYNPnx662z1kyl2Z6sKQA-U91/s640/512127366_m.jpg)
11:40AM 來到Koala Cove Café, 不過唔係來食o野, 而係睇樹熊...
單人匹馬來墨爾本旅行的紅衣妹妹就係行上山呢個Moment開始與我攀談, 第一句係"Where do you come from?", 哈哈... 可能佢1個人太悶, 想搵人傾吓計, 咁團友中得我同佢係黑頭髮黃皮膚的女士, 好順理成章地就同我講o野... (好似仲有1個台灣妹妹, 不過佢經常同男友扭作一團, 基本上冇人會見到佢真身)
![](https://blogger.googleusercontent.com/img/b/R29vZ2xl/AVvXsEi-p-GQSr5IVVIakIbxEm-jGYe7z_hSZJxpjxKDAGHWDLMLsfPdY0GEFlRxtuga01V0kNA0RwGfjgFjJ_g_594-ng4tBBZluLSdYPsJdT8_sLUfsnuIjdezWSI2IXG8SMgwfJ4A2Hg6pzFd/s640/512109366_m.jpg)
她來自北京, 係悉尼打過4年工, 之後返回北京生活, 北京的空氣污染非常嚴重, 令佢非常之掛念澳洲的清新空氣, 所以一有假期即刻隻身飛來澳洲旅行, 5日悉尼+5日墨爾本... 佢係第一次來墨爾本, 住係朋友屋企, 雖然佢唔識廣東話, 但佢都會聽容祖兒同林峯的歌, 之後全程大家都有傾有講, 主力用英語溝通 (我唔識"刨冬瓜"), 互相幫忙影吓相, 晚餐都有一齊坐...
睇完十二門徒石時, 佢同我講墨爾本人好Nice, 係街上會同唔識的人Say Hi... "佢話"如果係中國, 有人同佢笑, 佢會打側身走人, 佢係做埋打側身嘅動作, 好搞笑... 同埋"佢話"見到有需要幫助的人都唔敢幫... 大家係唔同文化中成長, 估唔到又會想法咁相近... 我唔會Dislike 100% 的同胞, 只要係有修養的人, 我都懂得互相尊重...
阿Lee叫我地行上山坡搵樹熊, 樹熊就搵唔到, 但就見到咁開揚的無敵靚海景, 証明高處唔一定不勝寒嘅...
![](https://blogger.googleusercontent.com/img/b/R29vZ2xl/AVvXsEifC9Xu6oWT3nJoXywR-5abRyGfk119VI9QRwC9qaUU4nGQGd2pSzeK6wMO5rGLSOpN7dVRfOxM18XnSaavMrdHyM8gyTnGmV1T_-lSBuxRTqx4jOx51oKFoQo79A5OYGEUmeZec1Kr8-Th/s640/512111708_m.jpg)
落斜時終於比Honey搵到1隻樹熊, 用長鏡Zoom到盡先影到隻捲埋一舊瞓緊教嘅樹熊... 佢地就好啦, 每日瞓成18-20小時, 我都想過呢種生活...
![](https://blogger.googleusercontent.com/img/b/R29vZ2xl/AVvXsEhHJSfzH5bYw4VRRv4zHB-cl37q0vvlOVco45ebNspeWbwvQhq4p2WobxPPiMXZ4RV3Z4IRMHS6Of8HqPcmAJGTScYy_ZbR7EX0J8b4Xsk8rEzxkK7GQSwTbPSjmPil0ykMjvkYaVwsMQ64/s640/512113730_m.jpg)
![](https://blogger.googleusercontent.com/img/b/R29vZ2xl/AVvXsEhHJSfzH5bYw4VRRv4zHB-cl37q0vvlOVco45ebNspeWbwvQhq4p2WobxPPiMXZ4RV3Z4IRMHS6Of8HqPcmAJGTScYy_ZbR7EX0J8b4Xsk8rEzxkK7GQSwTbPSjmPil0ykMjvkYaVwsMQ64/s640/512113730_m.jpg)
落返地面, 接近Koala Cove Café時, 見到好多人圍起個圈, 有咩睇呢?!! 嘩!!! 好大隻樹熊呀, 仲眼仔碌碌精靈到不得之了...
![](https://blogger.googleusercontent.com/img/b/R29vZ2xl/AVvXsEj4vIk0qz9X_B3x25o0U29VXsQh5iXG42MOYVN7-kWPlmzwgQ50emeOc3Amj_xqnope5bM0M-aWDB8y-rkjFPGwrlx1WeyEJvXfP_7Zq03D0Sadew0qHhAA-TLzcUtej_RyACowdEInwz5V/s640/512115301_m.jpg)
![](https://blogger.googleusercontent.com/img/b/R29vZ2xl/AVvXsEj4vIk0qz9X_B3x25o0U29VXsQh5iXG42MOYVN7-kWPlmzwgQ50emeOc3Amj_xqnope5bM0M-aWDB8y-rkjFPGwrlx1WeyEJvXfP_7Zq03D0Sadew0qHhAA-TLzcUtej_RyACowdEInwz5V/s640/512115301_m.jpg)
唔止爬上爬落, 仲表演係樹與樹之間跳來跳去, 直情功夫熊貓上身咁呀, 好勁呀!!! 重點係, 好少有樹熊出現係咁低的位置, 之前幾日見果d閒閒地都離地20呎...
![](https://blogger.googleusercontent.com/img/b/R29vZ2xl/AVvXsEiM86CdJ0u7vvj2Kz65odcIRUxBQYfkdh4M_OhrkQkSg8GA6G9IipFLmhAfYsDQa4l_4VLxpEfk0mg6iW4Jocrqf2CajxN92SclQHZ-2N-UELezzZsFVo8NVo0x3lkTe-zdQEsBJtVDwj7t/s640/512117329_m.jpg)
![](https://blogger.googleusercontent.com/img/b/R29vZ2xl/AVvXsEiM86CdJ0u7vvj2Kz65odcIRUxBQYfkdh4M_OhrkQkSg8GA6G9IipFLmhAfYsDQa4l_4VLxpEfk0mg6iW4Jocrqf2CajxN92SclQHZ-2N-UELezzZsFVo8NVo0x3lkTe-zdQEsBJtVDwj7t/s640/512117329_m.jpg)
你睇我唔到... 你睇我唔到...
![](https://blogger.googleusercontent.com/img/b/R29vZ2xl/AVvXsEgTYlA9ILz3Hs_4xvqTytOA3WxaEoIsxv4Cclf9FKwVqo5E_gi5LQW1oTY3p_UuTzju53TeupiPvYFp8Sc7AEVajEvf2y8qibaGlcwOPQBKBF8Z3ysSkUkdciacjEPuAD1zJBrexxfrY-hR/s640/512119130_m.jpg)
![](https://blogger.googleusercontent.com/img/b/R29vZ2xl/AVvXsEgTYlA9ILz3Hs_4xvqTytOA3WxaEoIsxv4Cclf9FKwVqo5E_gi5LQW1oTY3p_UuTzju53TeupiPvYFp8Sc7AEVajEvf2y8qibaGlcwOPQBKBF8Z3ysSkUkdciacjEPuAD1zJBrexxfrY-hR/s640/512119130_m.jpg)
12:30PM 開飯喇喂!!!
![](https://blogger.googleusercontent.com/img/b/R29vZ2xl/AVvXsEgiPHLY25YoWqMDVuE07gI6ku344HaG4YBlztMKNLQUDqOMjgIUgvuqB_oBQm3kUhWLKkVsLhDoIxHrrWK_c2FcFccMnE_AQvUYkP2rDtaP31bYKFLQHY2McKeNWH4tmkbNJbpJb7eZOS4f/s640/512120302_m.jpg)
(上) Fried rice (Gluten free) 雞肉炒飯
(下) Satay noodles 沙爹雞肉麵
-- 賣相相當麻麻, 味道係OK的唔太差... 飲早茶時阿Lee比Menu大家揀選定先, 好似有6款... 餐廳內冇熱水, 用水喉水叮1分鐘比我地... 食完飯記得去埋Toilet先好上車...
![](https://blogger.googleusercontent.com/img/b/R29vZ2xl/AVvXsEhPN7UMB5UB1X03d0NpCghASqqhNtpaD9F9n5WCSp30C9FjapLnTTfTUCulaSA9jQ9PPsyAP2BdIHN1oIsiNrs94YEncHwcE3mzpW14-DZlhfkfW7IVQxMUQgDsV3UTkVw14AxDA_A02jZI/s640/512105648_m.jpg)
![](https://blogger.googleusercontent.com/img/b/R29vZ2xl/AVvXsEgiPHLY25YoWqMDVuE07gI6ku344HaG4YBlztMKNLQUDqOMjgIUgvuqB_oBQm3kUhWLKkVsLhDoIxHrrWK_c2FcFccMnE_AQvUYkP2rDtaP31bYKFLQHY2McKeNWH4tmkbNJbpJb7eZOS4f/s640/512120302_m.jpg)
(上) Fried rice (Gluten free) 雞肉炒飯
(下) Satay noodles 沙爹雞肉麵
-- 賣相相當麻麻, 味道係OK的唔太差... 飲早茶時阿Lee比Menu大家揀選定先, 好似有6款... 餐廳內冇熱水, 用水喉水叮1分鐘比我地... 食完飯記得去埋Toilet先好上車...
![](https://blogger.googleusercontent.com/img/b/R29vZ2xl/AVvXsEhPN7UMB5UB1X03d0NpCghASqqhNtpaD9F9n5WCSp30C9FjapLnTTfTUCulaSA9jQ9PPsyAP2BdIHN1oIsiNrs94YEncHwcE3mzpW14-DZlhfkfW7IVQxMUQgDsV3UTkVw14AxDA_A02jZI/s640/512105648_m.jpg)
食飽行出餐廳外面, 超勁大風, 好凍又落雨, 我本身著咗件長袖Tee加長袖外套都頂唔順, 要再加Wind-Stopper係面, 3件衫, 嚇死人...
有2位Ladies留低咗係呢度, 聽日先繼續行程... 其實諗落分2日玩正好多, 唔使即日來回跑狗咁, 好辛苦...
餐廳旁有間獨立房放售中, 前面有個花園仔好鬼正, 香港人真係好慘, 幾百萬都只係買到幾百呎嘅單位... 我想住獨立屋, 恐怕要下一世投胎o黎澳洲先得喇~
![](https://blogger.googleusercontent.com/img/b/R29vZ2xl/AVvXsEiT0AcFgGp7wAVGUe96ntBHw0KtDFmPzBJKwyqz_wyRtYZI-sRMP2TK1hu35vVlz9_JpOGhqhXkWdN9LdyYVSv-sXBMRX4-GnqOhFuOwzT4nPqhKi7N_db0NMSIOIjNWelQ1VsPd7Z9hqnM/s640/512106754_m.jpg)
有2位Ladies留低咗係呢度, 聽日先繼續行程... 其實諗落分2日玩正好多, 唔使即日來回跑狗咁, 好辛苦...
餐廳旁有間獨立房放售中, 前面有個花園仔好鬼正, 香港人真係好慘, 幾百萬都只係買到幾百呎嘅單位... 我想住獨立屋, 恐怕要下一世投胎o黎澳洲先得喇~
![](https://blogger.googleusercontent.com/img/b/R29vZ2xl/AVvXsEiT0AcFgGp7wAVGUe96ntBHw0KtDFmPzBJKwyqz_wyRtYZI-sRMP2TK1hu35vVlz9_JpOGhqhXkWdN9LdyYVSv-sXBMRX4-GnqOhFuOwzT4nPqhKi7N_db0NMSIOIjNWelQ1VsPd7Z9hqnM/s640/512106754_m.jpg)
風景很美~
回覆刪除[版主回覆08/09/2013 23:21:23]美得不想回家
樹熊好可愛啊 ^^
回覆刪除眼仔碌碌精靈果張正 ^^
[森里回覆08/09/2013 23:52:18]agree XDDD near 24hr in sleeping mode XDDDDD
[版主回覆08/09/2013 23:22:09]Yeah, 見到佢開心過中六合彩
你去great ocean road既時候天氣好好多呢﹗我去o個陣勁多雲... 嗚嗚
回覆刪除Lunch時開始下雨啦 :p
刪除