網頁清單

2009年12月28日 星期一

One Bar

26 December 2009, Saturday


近年8B人數直線上升, 聖誕Party越攪越迫, 基本上, 如果全體出席的話, 已經冇一間屋可以容納到咁多人...


所以有不少聲音相繼出現, 提議出街食... 可能因為一家幾口出街食, 消費比較高, 所以只係得提議, 冇實行... 今年同貓兄舊事重提, 結果一拍即合, 終於成事, 不過... 得我地兩丁友, 哈哈...


呢間餐廳其實之前想試好耐, 因為可以食足4個半鐘, 啱晒我地呢D講極都唔完嘅人...


今次坐位好正, 卡位好舒適, 仲要係正Buffet枱側邊, 拎食物極之方便... 趁貓兄未到, 玩下自拍先...


因為係Christmas Buffet嘅關係, 所以餐廳準備咗D飾物比客人... 當然我地冇用到啦, 哈哈...


有我至愛嘅蕃茄羊奶芝士, 正!!! 仲有烤四色蔬菜, 健康又美味, 正!!! 柚子蜜柑沙律, 又一Encore之作, 正!!!


白汁煮青口超Yummy, Encore再Encore!!! 凍蝦同煙三文魚都好OK, Sushi亦唔錯...


Cold Cut都唔錯, 鴨肝醬超正, 配麵包同薄脆一流, Encore再Encore!!!


沙律係勁新鮮, Encore再Encore!!!


熱盤就唔使點Encore... 長通粉好美味... 魚柳凍凍地, 一粒就夠... 安格斯牛都唔係我杯茶... 食燒火雞時哽到骨, 嚇死我... 配菜甜薯幾好味... 羊肉係我怕怕嘅香料, 一粒就夠...


甜品都唔使點Encore... 藍苺芝士蛋糕唔錯... 心型曲奇完全冇味... 卷卷都唔記得咩味... 蘋果Tart幾OK... Puff冇乜味... 朱古力蛋糕都OK... Lemon Tart超酸, 好似將10個Lemon濃縮咗入去咁...


生果都幾新鮮, 西瓜同菠蘿好甜, 唔係用糖水浸果種甜...


臨尾想再Encore青口, 但實在太飽, 已經再食唔到...


除咗無限量供應Coke/Apple Juice/Orange Juice/Iced Tea之外, 原來仲包一杯Coffee Or Tea...


食物選擇真係唔多, 但勝在食物質數唔太差, 傾計時間又充足, 而且環境一流, 服務仲一等一, 所以以Christmas Buffet來說, 都算值得嘅...


是次每人消費約$275元
味道: 4 環境: 5 服務:5 衛生: 5 抵食: 3
###
地址 : 中環干諾道中8號交易廣場一期4樓401號舖
電話 : 2522 2246


5 則留言:

  1. 你好似無問我bor,我贊成出街食,況且ar女仲係free tim,hehehe...
    [版主回覆12/31/2009 15:26:00]仲唸住你地帶住小朋友怕麻煩tim... 我都係見你有節目, 所以先冇問你之嘛...

    回覆刪除
  2. D食物賣相同環境都好好喎,你都好似冇問過8B喎!
    [版主回覆12/31/2009 15:25:00]唔係喎... 聽講話... 月光光話外面好多細菌, 唔比你出街喎... 我仲點敢叫你喎...

    回覆刪除
  3. 原本想去食洲際,我俾一個人錢都好肉赤,叫8B實有人唔肯啦,跟住我地決定去食日式中午自助餐,到前幾日我地先改去One Bar,當時你地已經決定好要開Party喇! 我之前有問過DD架,佢話你地無人話約食自助餐…(我明明記得阿忠講過想食…)
    [版主回覆12/31/2009 15:27:00]好吖, 下次去洲際吖

    回覆刪除
  4. 咁一係過年團拜去洲際食囉,我肯定有人唔出席!

    回覆刪除
  5. Den, 你無記錯,阿忠係講過想食,我公司問過Christmas full哂,仲話HSBC白金卡有disc la.

    回覆刪除