網頁清單

2009年6月10日 星期三

Milk Top 牛奶布甸 與 雪之戀 雪莓娘

上星期日Apita的Sunday Morning Market好抵呀... 北海道特選3.6牛乳 HK$22.9 喳... Milk Top 牛奶布甸 3樽 HK$45 喳... 仲有其他好多特價o野...


同我老友嘅... 都會有呢個疑問 -- "拉姑唔飲奶o架喎"... 哈哈哈哈... 你地都冇錯... 不過實在太抵, 所以忍唔住想買下, 過下鋪Shopping癮, 呢d人間極品就益下Honey啦!!! (佢都好抵得唸, 去咗翰騰閣拎定位, 等我一Shopping完就有茶飲)



今日游完水, 見到吉之島做緊台灣美食節... 又去昅下先... 嘩嘩嘩... 有雪之戀Counter呀, 上次係美食博覽一試難忘, 緊要買o黎比Honey試下味啦... (Shopping癮又起)


* 雪莓娘 * (糯米皮包入芒果味/草莓味忌廉、新鮮芒果/草莓以及海綿蛋糕 HK$15/each)



仲買咗外表勁Kawaii嘅明月冰卷之紅豆... 嘩... 個名都靚過人... HK$6/each... 好好味呀, 軟軟嘅皮, 香濃嘅紅豆餡, 食完唔想飲水, 因為成口紅豆味, 正正!!!
後面嘅係綠茶卷... HK$4/each... 好清香, 另一番滋味!!!



切開咗嘅雪莓娘...



住係呢區真係想減肥都難... 呵呵呵呵...


3 則留言:

  1. 嘩,D '雪莓娘' 睇見都想食!小妹對布丁就興趣不大,上次去北海道都見到有,不過冇試,聽D團友話好好味,味道如何呀?
    [版主回覆06/11/2009 14:19:00]D '雪莓娘' 真係好好味o架, 一陣間已經幹掉2個!!! D布丁... 根據Honey嘅情報, 係好滑, 好重牛奶味!!!

    回覆刪除
  2. 我唔鐘意布丁,上次買4樽送冰袋,咁就買左,太希了
    [版主回覆06/17/2009 00:18:00]Apita果度要買6樽先送冰袋, 我冇要呀...
    太稀??? HONEY話"唔係喎"...

    回覆刪除
  3. 你好勁呀我諗你都知! 我睇第一段時就諗,你都唔飲奶買來做咩呀?! 哈哈!
    [版主回覆07/03/2009 23:51:00]KeKe... 使乜講... (鬆毛鬆翼-ing)

    回覆刪除