網頁清單

2008年12月9日 星期二

Ocean Park 七節

一早玩完烈火雄心, 趕頭趕命去灣仔接暈妮... 點解要接暈妮??? 係咁嘅... 原先係約定大夥人係金鐘坐專車入去, 後尾鑽媽話去中環坐車去香港仔隧道落, 咁我屋企樓下有車到香港仔隧道, 我無理由去中環啫, 咪自己去囉... 點知隻暈妮9點幾仲係大埔未上車, 要我去灣仔陪佢入去, 如果我唔應承, 以佢嘅性格, 一定會轉身返屋企瞓教囉... 唉... 仲要一拎起電話硬食佢一句"咁衰o架你, 做咩自己去, 唔同其他人一齊去...", 頂...


隔多一陣, 貓頭又打o黎... "嘩, 你仲係屋企?!"... 仲以為佢打o黎丙我添, 原來係打o黎叫我拎張SD Card比佢, 嚇死...


出門口已經10點9, 自知自己遲, 坐的士落灣仔, 去到檀島又搵唔到暈妮, 打電話又唔聽, 唔係咁大鑊呀嘛...


會合後去修頓球場等車, 先發覺係反方向嘅, 明明出門口之前係www.nwstbus.com.hk查清楚先出發, 真係比個website玩死... 之後行去對面線, 一路行... 一路行... 結果要行到去鵝頸橋先有車, 死未... 仲要係我屋企樓下有得坐個隻車... 入到海洋公園都過咗12點...



假熊貓 vs. 假熊貓... 哈哈...


估唔到暈妮好鐘意玩呢d攤位遊戲...



VIP位果然與別不同, 你睇後面d人坐得幾迫...



去到觀光塔, 有幾十個同胞堆咗係龍外面唔跟指定路線排隊, 仲見到有個導遊揮揮旗就有剛到嘅團友插隊, 所以我決定以其人之道還其人之身, 學佢地咁靜雞雞行去個堆人嘅龍頭嘅側邊, 企咗一陣就揮手指示好友們企去我前面, 竟然成功, 勁!!! 正所謂大雞唔食細米, 個堆同胞大大話話都有20-30人o架!!!



夜晚Honey Join埋我地去元氣食壽司, 估唔到佢個紅豆雪糕會咁大杯, 仲好好味添呀!!!



而家先發現, 個日冇同鑽媽合照添!!!


5 則留言:

  1. 嘩哈哈~~~做咩唔比樣人睇喎, 哈哈~~
    得閒來我blog吖,我好中意四周圍睇blog架,多多指教~~
    http://hk.myblog.yahoo.com/iamchloeng/article?mid=2403

    回覆刪除
  2. 的確冇合照,我還要將你們一伙兒的合照寄給你,吓!原來紅豆雪糕好好食? 下次一定要試吓!

    回覆刪除
  3. 係喎! 只有你地無跟鑽媽合照, 我都係海洋公園買嗰張相先有得合照咋。
    是晚回家, MRC 話搭八折的果然很快, 唔洗三個字返到去, 不過返到屋企, 我同佢成身散晒, 又攰又累, 我第日仲去左睇醫生添。
    [版主回覆12/12/2008 00:31:00]個日得13度, 你都唔帶外套, 唔病就有鬼囉!!!

    回覆刪除
  4. 其實..仲未講完, 不過手快按左 SEND 鍵......
    MRC 話呢D 咁既親子活動, 真係一個月一次都夠了。
     
    [版主回覆12/12/2008 00:35:00] 哈哈哈哈... 你叫佢咪咁攪笑啦... 個日天氣咁好, 人又唔係真係多得好緊要, 已經好舒服, 夏天去先至辛苦呀!!!

    回覆刪除
  5. 你咪有張用薯條引鑽鑽就範既相啦!
    成日都要抱KaKa,Mr.C唔攰就有鬼啦!

    回覆刪除