網頁清單

2008年9月29日 星期一

又8號風球? 今年第4個8號風球啦喎!!! (颱風黑格比)

尋晚(2008年9月23日)放工可謂險象環生... 個風咁Q遠, 完全冇心理準備會掛8號, 雖然我已經一早開定收音機... (自從上年天文台網頁癱瘓, Inti提到可以上網聽收音機, 我先發現公司個HiFi係有收音機, 嘩哈哈哈)


我D同事, 夠鐘放工都唔走, 要我趕先至肯走...
攪到我走果陣, 已經8號, 條街冇晒Taxi, 平時行去太古坊條路D樹已經吹斷左, 望過去... 個Feel係"入得o黎, 冇咁易出番去"個隻(廸士尼黑色世界Slogan)!!!
一出停車場, 開遮即刻吹斷咗把遮...

 企定定都會比D風吹到打橫行...

風大雨大... 要係條英皇道度喪跑... 好彩冇上TVB News喳...
最慘係英皇道有地盤, 跑個陣要用手按住個頭, 驚有o野跌落黎... 個樣勁狼狽...
千辛萬苦閃到入MTR個陣, 已經成身濕晒, 但係都仲要坐一個站返太古... 已經冇Mood再去太古城大吃大喝... 唯有食D快餐就拿拿聲返歸...
我地新公司係海邊, 附近完全冇building保護, 好食風, 好多年冇試過咁有打風嘅Feel, 真係人都癲!!! 下次天文台再話2小時內掛嘅話, 我一定第一時間鬆人, 以免慘劇重演!!!


2 則留言:

  1. 冇 TVB 啫, 下之要注意有冇其他電視台
    [版主回覆10/03/2008 23:41:00] 咁其他電視台小D人會睇... 都冇TVB咁驚...

    回覆刪除
  2. MrC 就係試過上次八號風時走唔甩, 困係香港成兩小時後...今次黑格比殺到埋黎, 未到前就已經鬆人走左上車先算囉。

    回覆刪除