網頁清單

2008年3月22日 星期六

「台山四寶」澳門喪食一日遊

期待已久嘅「台山四寶」澳門喪食一日遊, 尋日(2008年3月21日)終於順利完成, 可說是圓滿結束... 「台山四寶」對上一次四個一齊去旅行, 起碼都廿幾卅年前(小學秋季旅行)囉我估, 咁難能可貴嘅旅程, 緊係要第一時間直撃報導, 好, 去片!!!

 

06:45am 上環信德澳門茶餐廳-- 食早餐同埋止暈船浪葯, 哈哈...

07:41am 上船--狂食話梅, 同傾足成程, 加狂笑聲不絕...

09:05am 落船--堆滿人等過關, 好彩開咗條新line比我跑咗埋去, 咁都用咗半個鐘...

10:00am 坐Shuttle去英皇再步行去瑪嘉烈蛋撻--一落船都未回魂已經開始搵食, 哈哈... d葡撻冇香港個d咁甜, 個皮又鬆d, 好味!!! 配埋朱古力咖啡, 呵呵, 第一站順利完成!!! (KaKaMa夜晚返轉頭買咗半打返香港比KaKaBa食, 呵呵, 真係有Heart!!!)...


10:25am 坐Taxi去二龍喉公園--點解得一隻黑熊, 好lonely...

10:45am 坐松山纜車上松山燈塔--世界上最短嘅纜車, 全程1分鐘... 但係排隊排咗半個鐘...



12:30nn 坐Taxi去碼頭再Shuttle去威尼斯人--原來咁細, 幻想破滅...

13:40pm 坐Taxi去氹仔官也街--個司機話唔識公雞(唔通佢唔係澳門人?!), 夾硬車咗我地去小飛象, 吹脹...

14:00pm 公雞--又食o野啦, 哈哈... 全餐最正係d黑olive, 真係估佢唔到...


14:35pm 莫義記大菜糕榴槤雪糕--係公雞食飽飽, 一出門口, 龍媽一支箭走咗去買o黎食, 果然食力非凡... 跟手我地係官也街掃街(不停試食&搶購手信), 爽呀...

15:00pm 坐Bus去新馬路手信街--週圍行下, 參觀咗玫瑰堂, 頂樓個地板好似隨時會塌咁, 超恐怖...

15:35pm 保健牛奶公司--又食, 哈哈哈哈... 呢間出名用農場新鮮鮮奶, 燉蛋燉奶通通一流... 之後係手信街瘋狂試食&搶購手信, 試食到直至再食唔落為止, 好利害...



18:30pm 新帆船餐廳--開頭食個葡國雞覺得好好食, 跟手再食個"辣辣蝦菠菜麵", 嘩, 超好食呀... 個羊脾同三文魚炒飯都好好味... 好過lunch個餐好多...


20:00pm 明記牛雜美食--已經食到飽到嘔, 但係龍媽同貓頭仲可以再隊多串牛雜, 戰鬥力深不見底... 開頭搵唔到仲以為已經執咗, 原來係入夜先開嘅車仔檔...


20:40pm 步行至葡京落雨, 轉Taxi至碼頭

21:10pm 上船--即刻試食hello kitty話梅, 又再傾足成程, 不過由於夜深關係, 只敢細細聲笑...

22:30pm 落船--打道回府, 肯定今晚會瞓到不省人事...

5 則留言:

  1. 我手渣住串牛什,你影咗幾幅我都係咁手震,可能係我太心急想食啦  真係唔好意思! 我之後同我brother講番去macau,佢話"新帆船"巳冇以前咁好食啦,佢叫我地下次試另一間叫"新口岸葡國餐廳"喎
    [版主回覆03/27/2008 00:20:00]  好吖, 不過如果又要隔廿幾卅年先再去, 我驚我地到時都變晒阿婆冇牙吃囉, 哈哈哈哈...

    回覆刪除
  2. 見到四個公仔頭真係好得意, 但點解我個頭側左既..
    諗翻起尋晚搭的時..比個的士佬呃我錢, 我就好明白你好幾次遇上 BT 的士佬時既心情了~~真係激氣 +勞氣 !   
    MR. C 話個葡撻 VERY 無得頂, 佢唔鐘意食都食度兩件哦...
    [版主回覆03/27/2008 00:28:00]  咁網上面d翠兒隻隻都古靈精怪, 呢隻係最charming o架啦!!!

    回覆刪除
  3. 再睇清楚d你上面貼既相, 點解你影到隻熊咁威猛既, 而我影個d 唔係只見佢個 pat 就係垂頭喪氣咁既樣, 拉姑你果然厲害! 

    回覆刪除
  4. 司機都唔係想亂載我地,佢一早都話唔識公雞,我就叫佢附近放低我地就得,佢就話:車你地去官也街頭啦! 去到時佢都表明官也街頭唔方便落車,先叫我地對面落,唔好嬲佢啦!
    [版主回覆03/27/2008 00:21:00]  我冇嬲佢...

    回覆刪除
  5. 為何你不登出當年你們四人第一次遊行的照片, 好讓大家回味無窮; 相信更有娛樂性
    [版主回覆03/27/2008 00:12:00]  咁驚嚇... 唔係化...

    回覆刪除