大除夕(2007年12月31日)唔想出街迫, 放工行去太古城食, 一心諗住去西苑食餐好嘅, 點知... 去到咩都未講, 就話full晒!
嗚嗚嗚嗚... 行過隔離, 八點半前交枱就有位! 剎你!
由於之前幾日食得太飽, 所以都係叫小小o野食算啦!
. 雪菜肉絲炒年糕 : ok啦
. 粟子X菜 : 差, d粟子完全冇粟子嘅味道同口感
. 黃金蝦 : 差差差, 完全冇蛋黃味, 又用一大舊炸粉包住隻蝦, 雖然好貴, 但最後都係吞唔落全部(好食嘅話係絕對食得晒)
再o黎多個拔絲雙拼(4粒香蕉+4粒蘋果), 呢個就唔錯, 脆卜卜, 連阿姐都自誇"自己呢次整得好, 平時好怕整, 好難整得好o架", 笑死我!
食完呢餐嘅結論係... "怪唔得12月31號仲有位啦, 太古城d人好鬼識食o架o麻, ..."
如果去西苑, 一樣價錢, 我敢寫包單, 好味一百倍!
是次每人消費約$220元
味道： 2 環境： 4 服務： 4 衛生： 4 抵食： 1
戰鬥指數
###
地址 : 側魚涌太古城中心二期2樓201號舖
電話 : 2884-4131
其實今天心血來潮想去太古, 因為仔仔快要上學去, 會少去其他地方, 不如下次再約你去太古
回覆刪除這間都屬貴, 每人 $220
鑽媽：中菜館食晚飯仲要有甜品，四百幾兩個人差不多啦！
回覆刪除p.s.中菜係適合人多食，兩、三個人柯打同四個人食份量無咩分別，人多除返開就唔覺咁貴！