之前應承咗童童, 佢生日(12月)帶佢去迪迪尼玩, 點知迪迪尼做promote, 有全年通的話, 923前可免費帶一個朋友去玩, 咁抵?! 我見機不可失, 提早同佢做生日啦...
我買咗2張平日全年通, 星期五(2007年9月21日)係有優惠嘅last一日, 我同honey, 加埋童童, 童童媽媽, 童童婆婆, 早上10時一行五人浩浩蕩蕩進場!
進場後第一時間去換生日襟章, 點知2位職員妹妹話要正日先得, 或者最多差一兩日都得, 我差一個星期就唔比得, 嗚嗚嗚嗚... 其實星期六係我舊曆生日o黎o架, 嗚嗚嗚嗚... (好彩我有帶埋舊年個生日襟章o黎用啫, 呵呵...), 職員妹妹見我咁失望, 就送咗一對磁石貼比我, 好彩童童唔好磁石貼, 我先有d野帶番屋企喳! 多謝晒個2位靚女職員妹妹!
童童帶住我舊年個生日襟章就利害囉! 你睇, 成11張貼紙呀(排隊同公仔影相 或 排隊玩遊戲時 可問職員攞, 好彩的話, 佢會有袋係身)! 更利害嘅係, 佢仲係shop度比d職員妹妹聊佢玩"找錯處"遊戲, 玩完送咗個米老鼠memo pad 加 magical moment 證書, 勁有收穫!
咁有 JETSO 搞到我都想試下丫~
回覆刪除我所有戰利品 (貼紙,駕駛執照, 相機, 仔仔可愛的珍貴片段) 都遺失在樂園裡
回覆刪除