網頁清單

2015年1月25日 星期日

加國「喜行」の《傷感告別》要走的終須要走

28 April 2014, Monday

[5-15°C, Mix of Sun and Cloud] ~ Day 13 ~

我地都幾黑仔, 來到溫哥華正值傳說中櫻花綻放的大好日子, 連日來卻一直落雨, 今天一離開溫哥華, 天氣預報就即刻連續6日出太陽兼氣溫回升, 好可惡呀!!! 唔通連個天都唔鍾意我?!! 

要走的終需要走... 7AM 起身執行李, 執到11AM, 來時3件, 走時4件, 抽紅白藍都算係創舉...

酒店要求客戶中午12點正Check-out, 但又可申請免費30分鐘Late Check-out... 咁... 有福利當然要用盡啦...

免費機場巴士話就話30分鐘1班, 之但係... 原來12:30係無車的!!! 得12:00同13:00, 司機要食飯喎!!! 如果趕時間的話認真大鑊... 神啊!請多給我一點時間... 



等我計一計先... 3:05PM起飛... 1:00PM上Free Airport Shuttle的話, 如無意外嘅, 20分鐘左右到達機場, 即係仲有90分鐘比我地辦理登機手續, 應該都OK夠時間啩...


仲有1.5小時先夠鐘Check-out, 要珍惜係溫哥華最後的覓食機會, 急急走去酒店對面的時代坊(Aberdeen Centre)食個早飯先上機...

Fisherman's Terrace Seafood Restaurant 釣魚台海鮮酒家...



Pat Pat都未坐到落張櫈, 服務員伯伯就用字正腔圓的廣東話問我地 : 飲咩茶呀?

呢一刻, 心情好激盪, 從來無期望過離鄉別井去到無雷公咁遠的西方國家, 會有服務員主動同我講母語, 此舉絕對撼動我心深處, 百感交集, 相信係不久嘅將來, 溫哥華會係地球上最多人講廣東話嘅城市...


腸粉、蝦丸、黑芝麻煎堆都好好味...



離開時店內已Full House... 正常吖... 服務又好, 味道又好, 價錢又唔貴...

Urbanspoon的Link :-
http://www.urbanspoon.com/r/14/180629/restaurant/Vancouver/Central-Richmond/Fishermans-Terrace-Seafood-Restaurant-Richmond

是次每人消費約 HK$ 105 元 (未計Tips)
味道: 4 環境: 4 服務: 4 衛生: 4 抵食:3
###
地址 : #4151 Hazelbridge Way, Richmond, BC V6X4J7
電話 : (604) 303-9739



滿足了口腹之慾, 急急趕回酒店房取行李Check-out...

今次旅程我地2個又行到鞋都爛埋, 只係行咗少部分Stanley Park都搞成咁, 行晒成個真係不得之了... ♫Sayōnara'O ♪ Sayōnara'O ♫... 你地咁鍾意溫哥華就留你地係度啦~~~ 嘩咔咔咔...


1:00PM Free Airport Shuttle @ Radisson Hotel Vancouver Airport


Vancouver International Airport - Land Side...


有時候做人真係唔好太祟洋... 當大家以為西方國家好先進, 西方人知識水平都會較高的話, 就大錯特錯... 佢地的嫲嫲級同香港的嫲嫲級一樣, 都仲係會帶大大支水上機的... 海關關員接近地氈式搜索佢的手提行李... 原以為我的手提行李都要接受地氈式搜索, 但海關關員見到我用透明保鮮袋包住各式透明小瓶子放在手提行李上, 就即時放行...


Vancouver International Airport - Sea Side... 好大自然呀)))






有免費Pirority Pass, 緊係要用到盡...






今程機認真慘... 遇著連環臭屁虐人事件!!!

臭屁怪明明唔係坐我前面, 但班機太吉 (好多人1個人坐3個位, 亦有好多人打散晒坐路囗位, 我地明明有人坐隔離, 點知果個人自己沒趣走返去同朋友坐, 變咗我地自己一排, 2個人坐3個位), 臭屁怪無啦啦坐正係我前面, 放足十幾粒鐘, 離晒譜!!!

我用Tempo紙巾不停週圍撥, 日裔空少走埋o黎問我咩事, 我話Bad Smell since departure, 佢仲大大力索鼻聞下有咩味, 嘩, 我真係擔心佢索中會暈囉...

跟手佢話行李箱無味, 我話Should be produced by someone, 佢知道自己中伏, 即閃, 哈哈...

飛機餐的意粉非常難食...



呢程機完全收唔到鼻水, 好彩無Ear Block, 証明溫哥華空氣好潔淨...

係機上面無瞓到, 一口氣睇咗幾套電影... The Hobbit : An Unexpected Journey, The Great Gatsby, Gravity & The Little House...

返到香港國際機場, 接近9PM, 打算食埋晚餐先返歸, 點知中伏於超難食的翡翠拉麵小籠包, 即時勁懷念溫哥華的美食... 點解溫哥華的中餐仲好食過香港果D... 唉...


呵呵呵... 大豐收...



第一次踏足北美洲、第一次坐飛機去第2個國家出席婚禮、第一次離港14日咁耐、第一次臨出發前不足7日才開始執行李、第一次帶多過1個旅行喼出門(以人均計算)、第一次在旅遊時到Coin Laundry洗衫、第一次覺得自己無離開過香港、第一次買手信買到要問人借紅白藍膠袋寄艙、第一次腳踏冰川、第一次帶2個電話出街、第一次買當地電話+Data卡、第一次唔敢落唐人街、第一次每天忙於周旋於不同的親友群組之間 (連喘息的空間也沒有, 縱然酒店有Speedy Free WiFi, 只Upload了2日Photo, 之後疲倦得相也沒看, 頭髮未乾便倒頭大睡)...

今次旅程實在難忘, 體驗到的亦已以往的旅程為多, 離開不足1日, 已經開始掛住呢個城市...

時間太短, 名物太多, 日日食食食, 咁多日竟然都無食到龍蝦、越南河、JapaDog、Tim Hortons、HD Gelato、雪糕... 為咗補償今次的失誤, 遲下再去多1次都係好正常啫... 幾大個理由, 夠晒充分啦, 哈哈...


加國「喜行大溫」2014 の 總匯 http://www.kenmerry.com/2015/01/Vancouver-Canada.html

沒有留言:

張貼留言