網頁清單

2011年6月22日 星期三

大鄉里入廚 の 驚見吸血蟲 (水蛭)

19 June 2011, Sunday



 好驚呀!!! 救命呀!!! 有冇高廚救下我呢個新手呀???


頭先洗菜發現咗一團黑色嘅泥, 好似平時咁搵水沖走佢, 佢會郁o架!!!!!! 之後就係個碗盆度現身... 卷吓卷吓... 吸血蟲(水蛭)呀!!!!!!


勁驚!!!!!! 全身都覺得好痕!!!!!!


開行水喉沖佢走, 佢吸實個碗盆, 沖咗好耐先沖得走!!!


之後即刻帶番對洗碗手套, 繼續洗菜, 今次開到D水行一行... 隱隱約約好似都仲有一團差唔多嘅o野出現, 不過D水力太勁, 瞬間已經沖走咗...


請問各位高廚, 究竟...... D唐生菜... 有吸血蟲(水蛭)... 係咪好平常呢?????? 如果係, 我以後都唔敢買菜啦!!!


我而家仲驚緊呀!!!!!! 唔該幫幫手, 解答吓我呢個入廚新手...


4 則留言:

  1. 我並不是甚麼高廚,到現時我都係見過菜蟲,你都好勁吓!
    [版主回覆06/22/2011 11:14:00] 點解... 點解我成世人都咁多"黑仔"o野... 我洗菜都唔夠100次都中...
    P.S. 之前都見過菜蟲, 蝸牛, 蜘蛛...

    回覆刪除
  2. 我也不是甚麼高廚,到現時我都係見過菜蟲,你都好勁吓!
    [版主回覆06/22/2011 12:37:00]你係我心目中, 已經係高廚之一啦喎~
    連你都只係見過菜蟲, 証明我d衰運仲未行完~

    回覆刪除
  3. 點解唔影抵佢? 你咁驚,不如下次買菜先是旦沖一吓,再落一大把鹽浸,半個鐘後先再洗,有古怪生物都應該自動脫落。
    [版主回覆06/23/2011 21:19:00]
     嘩!!! 大佬, 當時已經驚到發晒茅啦, 仲走去拎相機? 容咩易返轉頭佢唔知爬咗去邊o架!!!
    你嘅建議(先用鹽浸)都唔錯, 等我下次試吓~

    回覆刪除
  4. 如果你買水種既菜仲多呀,下次先菜前好似你個friend話落啲鹽浸半個鐘,勿屎都哂出黎架啦!洗洗吓就唔驚啦,你要惗住你要煮比你最.....愛既honey食,應該可以克服到架啦 ;)
     
    [版主回覆06/23/2011 21:17:00]好, 就跟你地嘅建議, 用鹽浸完先洗~
    就算係煮比佢食, 都克服唔到喎... 見一鑊, 驚一鑊!!!

    回覆刪除