網頁清單

2011年6月21日 星期二

大鄉里入廚 の 大鑊!!!!!!

18 June 2011, Saturday

女人真係好易買錯o野!!!

之前做足資料搜集, 仲去吉豬島巡視過幾次, 已經扑槌決定一等到感謝日就即刻買特福32cm不鏽鋼3層平底炒鑊... 其實當時32cm都已經嫌大, 之但係果隻最啱心水之餘, 價錢又最平...

到咗18號, 吉豬島忽然感謝日, LaLa聲跑去吉豬島, 又見到Buffalo特賣場... 走咗入去... 發現咗呢個不鏽鋼5層平底炒鑊... 原價嘅3分1價錢, 吉豬島再有9折, 仲送不鏽鋼清潔劑... 只係貴特福少少, 太太太抵啦!!! 迷迷糊糊就買咗...



返到屋企先開始後悔... 36cm對我呢個新手o黎講, 實在太大... 仲要返到屋企先發現... 唔係平底... Oh No!!!!!! 我究竟當時點解會無啦啦買咗呢個鑊o架???


唉... 唔錯都錯咗... 唯有努力D用多D呢個鑊啦!!!

今次真係好大鑊!!!

6 則留言:

  1. 炒下炒下就覺得36都唔夠架啦!加油!
    [版主回覆06/22/2011 11:04:00]icic... d自責感即時少咗好多! Thank you!

    回覆刪除
  2. 哈哈~~~ 女人嘛^^
    SHOPPING 天性^^

    回覆刪除
  3. 同意無敵! 如果係想炒餸而買中式鑊(你所指既唔係平底鑊),應該係大啲好用啲,連蒸魚都夠位。 如果你只係想煎吓蛋、牛扒,而想買平底鑊,不如買個易潔平底煲啦,煎野時啲油無咁易彈出來,忟吓野又得!

    回覆刪除
  4. 我都係鐘意大鑊,但e+個鑊大到連隔離爐頭都用唔到囉
    [版主回覆06/22/2011 12:35:00]嘩... 咁誇張?!! 究竟你個鑊係幾多cm???

    回覆刪除
  5. 我而家用緊既中式鑊係內圓外平,電磁爐先用到;而你用明火,外圓or外平有咩關係? P.S.總之內圓就係中式鑊,你攪到我好混亂 - - '
    [版主回覆06/23/2011 17:11:00]到你攪到我好混亂!!! >.<
    唯有用圖示, 你明我嘅術語未? (我想用一個平炒鑊煎埋o野, 咪可以將個平底鑊打入冷宮)

    回覆刪除
  6. 大鑊好呀,你煮煮吓就覺鑊愈大愈好,不過我為人太心急,不宜用五層鑊
    [版主回覆06/23/2011 21:18:00]請問五層鑊有咩問題???

    回覆刪除