網頁清單

2011年3月17日 星期四

「日本311大地震」の 7千元比生命還重要???

17 March 2011, Thursday

星期日下午安全返港後, 星期一早上隨即上班!!! 同事笑我應該留在家中休息一下, 如果是發生在他身上的話, 他一定會請假!!! 我笑說擔心很多事情積聚了要趕快處理, 還是明天才休息吧...

星期一早上乘坐電梯回辦公室期間, 在電梯內, 1男1女正在討論他們已報名的旅行團應如何更改, 依我看, 他們不是一起的, 只是大家都分別報了前往日本的旅行團...

男的說改去沖繩會安全很多!!!

我心裡也很同意, 因為雖說沖繩是日本的領土, 但地理上, 沖繩是很接近台灣, 反而離日本很遠!!!

女的竟然說"改去東京都得, 東京都冇咩吖!"...

我心想"不是吧, 東京沒什麼問題??? 我們很艱難才可以從東京回來!!!"...

女的繼續說"嘩, 大佬, 7000蚊喎, 死都要去啦!!!"...


我心想"不是吧, 7千元算什麼??? 比自己的性命還重要???"...

難為我其中1位朋友, 在星期六晚上擔心星期日沒有機位回港, 竟然說"就算要買3萬蚊1張的單程頭等機票, 我都要買, 我一定要返香港!"... 她絕對不是大豪客, 她的來回機票是用ASIAMILES換的, 原先是想來一個廉價旅程, 但為了回港, 已作出最壞的打算(用3萬元換1張回港的通行証)...

難為同行的另1位朋友, 原定星期日返港後, 星期三又要再同親友再去北海道, 但星期六當日他已經決斷的說"送都唔去!!!"


星期五六日, 東京的便利店的貨架, 所有食物一早都被掃光, 大部分餐廳都沒有營業, 商場都關門了, 政府還叫市民星期一二不要上班及上課, 還要局部地區輪流停電, 妳還跑到東京做什麼???


還有當我想到仍滯留在無數"孤立"區的人們, 斷水斷電, 不能與外界通訊, 生死未卜, 天氣又極度嚴寒, 極需要食物維生, 極需要能源保溫...
妳還能跑到人家的國家開開心心盡情大吃大喝嗎???
妳還能妄想食店及商店的員工可以笑逐顏開地歡迎你, 把妳當大爺般服侍得妥妥貼貼嗎???
妳還能狠心跑到人家的國家, 與災民搶食物及能源嗎???


還有核電廠的問題, 當我們星期六得知氫氣爆炸時, 我差點暈倒, 從那一刻開始, 我們已經投"不信任"票給東電, 因為日劇的劇情通常都是有事故時都會隱瞞真相, 所以我們都開始慌了, 忙於商討回香港的多個方法及可行性...

在電梯內想了很多很多, 我的情緒終於失控!!!

電梯到達公司的樓層, 電梯門打開了, 我很晦氣地望著那個女的說"唔好再去呀!!! 我尋日先係果度返o黎, 我地係走難咁走返o黎o架!!!", 然後拔腿就跑...

冷靜下來之後, 真的有點後悔這樣衝動的行為!!! 一來搭訕很沒禮貌, 二來可能把那個女的嚇傻, 她都是受害者!!!

都是旅行社的錯, 明知危險, 還強迫旅客前往東京!!!

都是香港特癈政府的錯, 明知危險, 還不對東京發出黑色旅遊警告!!!

「日本311大地震」の 總匯 http://www.kenmerry.com/2011/04/311.html

5 則留言:

  1. 條命係自己既,點解要旅行社同香港政府幫你做決定呢? 災情新聞天天都在報導,去留自有定斷!如果覺得自己條命連7000蚊都不如,實在可悲!萬一真的有事相信也不值得政府包機了!
    [版主回覆03/17/2011 13:26:00]美露廸, 你說得對!!! 最終決定權在自己手上!!!

    回覆刪除
  2. 公道啲睇,如果我人工得一萬幾千,真係好難放棄已經俾咗既七千蚊架!況且佢要去,都係佢既人生安全問題,你亦無謂咁火啦。 其次日本成日都震,大家既概念總覺得佢地唔使一陣就會回復原形,可能個女仔仲有一段日子先出發呢。
    日本今次一直都隱瞞核電廠事故有幾甘,香港政府無可能無啦啦向全日本發出黑色警告,會有好大商務影響,到時又邊個負責? 去唔去旅行係自己既決定,無人強迫,係"錢同安全"既對決!不能怪旅行社同政府啦!怪就怪地球先生發爛渣!
    [版主回覆03/17/2011 13:47:00]我火係因為我當時情緒失控, 而家冷靜下來, 就緊係理得佢死!!! 想不到"金錢與安全"可以形成對決, 我一定是想也不想便即時放棄金錢!!! 金錢可以用雙手努力賺回來, 但生命冇TAKE 2!!!

    回覆刪除
  3. 每人價值觀唔同,無謂咁興!
    [版主回覆03/17/2011 16:34:00]我興完架啦, 只係同大家分享下, 呢個地球真係咩人都有!

    回覆刪除
  4. 安全回來就已是最感恩,拉姑,relax一下吧!
    [版主回覆03/18/2011 20:03:00]只要想到仍然水深火熱的災民, 真的很感恩!!! 只是頭幾天情緒比較波動!!!
    努力RELAX中... 希望盡快回復做"日日剩係掛住食"嘅拉姑!!!
    謝謝您的關心!!!

    回覆刪除
  5. 你太緊張啦, 我估個女仔都係吹水唔抺咀吧! 你要放鬆呀! 保重!
    雖然我地個政府係有點廢, 但某程度都有點可取的!
    [版主回覆03/18/2011 20:11:00]當時真係好似一條橡筋被扯斷一樣, 有點痴線, 哈哈... 事隔幾日, 已經冇咁緊張... 努力放鬆中... 謝謝你的關心...
    我都好後悔沖口而出向個女仔講咗D咁嘅說話... 不過覆水難收, 唯有盡快忘記...
    咦... 而家都好小市民會說政府有可取之處, 你都好理性吓!!! (絕對是讚美, 不要想歪)

    回覆刪除