網頁清單

2008年8月19日 星期二

澳門威尼斯人 Venetian Macao

呢排好多friends都相繼去咗威威享受人生... 上星期一(2008年8月11日)終於到我同早兄去踩場...


因為要用盡Package優惠, 所以迫住坐金光飛航過去, 一如多數網友所言, 非常混亂, 取票混亂, 入閘又混亂, 大家真係要預早小小去, 唔係實要同班船講拜拜...


到達氹仔碼頭個陣, 突然風大雨大

, 原定去皇冠飲茶兼參觀, 都要改為直接去威尼斯人... 有一樣好值得讚嘅係, 我地12點幾到達, 竟然可以預先Check-in(有房可以即刻上房, 冇房都可以拎咗房匙先, 然後一得就Send SMS比你通知房號), 我地之後去咗賭場入面嘅"喜粵"飲茶食點心, 2點半已經收到SMS可以上房...


間房真係好巨, 設備又齊全, 正到暈... 已經開咗一年都仲咁新淨, 算唔錯...



嘆完間房, 繼續用盡Package優惠, 去"渢竹"食買一送一自助晚餐... 由於十人以上先有得訂位, 所以排隊場面相當墟冚... (另有篇幅作詳細報導)



食飽飽都係Package優惠環節, 就係Gondola Ride(貢多拉船)... 我地好好彩, 個船伕表情多多超爆笑(私房相簿有佢嘅專輯)... 唱God Father仲好聽過D Actor... 連唱2首經典意大利情歌, 真係好似置身意大利嘅威尼斯一樣, 浪漫到暈...



跟手去玩一陣老虎機... 之後就係酒店入面游盪... 如果大家想好似我咁, 影D"人影都唔多隻"嘅靚相, 只要係晚上11時後或早上10時前, 都可以好盡情咁影...



早餐繼續Package環節, 我地8點半就去到"峰景"食免費早餐Buffet... (太難食, D食物又凍, 仲見到有印巴籍人仕拎住隻碟企係Buffet枱側邊用手進食中... Honey食咗小小仲即刻肚痛... 不作詳細報導)


Checkout後就去咗Wynn欣賞吉祥樹表演... 每30分鐘一次...



我地路過Wynn嘅表演湖個陣, 佢無端端開動, 我地又可以順便欣賞下, 哈哈... 每15分鐘一次...



旅遊書中提及嘅MGM"巨型"車站... 被騙了... 叫"微型"車站就差唔多...



參觀完就拿拿聲飛去食過番尋味嘅瑪嘉烈蛋撻(Margaret's Cafe e Nata)... 件Pizza... 麻麻地... 只係唸住食埋佢當Lunch會飽D咁啫...



第二日天公造美, 可以去松山燈塔試機... 影咗好多張相之後, 終於影咗張合心水嘅靚相... 我唸Honey對呢個

生日節目應該滿意啩...



臨上船仲未食午餐+晚餐, 見有小小時間, 去咗美食廣場嘅"大阪一番", 食咗腐皮烏冬同鐵板燒餅, Yummy!!!


終極Package優惠, 用"蝕D Bank"信用咭訂房送嘅貢多拉小狗... 要比錢嘅話... 小狗唔使旨意跟我返屋企, 哈哈哈哈...



號外: -
1) 背包被扒 -- 上咗去氹仔碼頭嘅Shuttle Bus個陣, 竟然發現自己個背包3格有2格比人打開咗, 超恐怖, 乜呢度D治安咁嘅... 好彩有1格係吉嘅, 另外1格得D垃圾(話梅, 縮骨遮, 腳架, 暈浪丸, etc), 零損失!
2) 收到假幣 -- 返到香港竟然發現一個從未見過嘅2蚊港幣... 激死... 下次我會望真D!
3) 手信失收 -- 因為截咗半個鐘都截唔到的士, 有車個陣已經要趕住去搭回程船, 去唔到手信街, 零收穫, 嗚嗚嗚嗚...
4) 死Notebook -- 返到屋企懶勤力, Check公司Email, 突然藍畫面, 竟然有人夠膽死Send D毒比我, 有NXX防毒軟件都中晒招, 之後幾日都要搶救... 我話過, 以後唔會再係屋企Check公司Email...


5 則留言:

  1. 還好係零損失, 拉姑..你下次真係要小心d
    訂房幾錢了?我都想帶 kaka 去一躺呀!
    [版主回覆08/20/2008 21:58:00]HK$1,527.13 (HK$1,488另加10% service charge & 5% tourism tax)
    包 1晚雙人房; 2 x 早餐Buffet; 2 x Gondola Ride; 1 x 紀念版小狗; 渢竹自助餐買一送一; 坐金光飛航去就有回程飛送!!!

    回覆刪除
  2. "渢竹"我覺得麻麻地,無買一送一唔會食佢,威記我真係幾滿意,如果唔係都唔會住2次,但我而家留意緊四季,應該都好"令"
    [版主回覆08/20/2008 21:59:00]等你去完四季打探我就尾隨!!!

    回覆刪除
  3. 我本來都打萛這暑假過去玩下, 不過話好貴船票, 最後取消.  下次問吓你價錢先. 個船夫我在 EE 家看 cable 時見過佢
    [版主回覆08/20/2008 22:03:00]張船票只係100蚊鬆d... 對你呢位1年去幾次日本兼去半島酒店不消10分鐘就買咗個手袋嘅闊太o黎講... 呢100蚊... 簡直比貼士厠所阿蟬都嫌小!!!

    回覆刪除
  4. 別講笑啦 ! 膞頭就闊.
    我老爺話暑假好貴船票. 但原來這個價錢都萛合理, 下次約 kaka 一齊起先

    回覆刪除
  5. 船飛唔係同價咩?! 以我所知,只係日、夜航唔同價,間中閒日有折扣,無理由暑假貴啲架,又唔係機票!

    回覆刪除