2018年2月6日 星期二

【林口】熱浪島南洋蔬食茶堂:素上癮

14 January 2018, Sunday

星期四晚上展開不可能的任務,星期日中午就擺平晒?好勁呀我地!(更恐怖嘅任務,將會係明天10時委派,人生確係充滿挑戰)

唔慶功就勢係假!

慶得功啦喎,當然要一不離二!啱啱先飲完龍貓拉花咖啡,都未落格,又去食晚飯喇!

今日有人揸車,去遠啲都唔驚啦!

唔知點解,今晚好想食齋。搵嚟搵去,桃園嗰邊都冇乜邊間齋舖似樣,所以就試下林口呢一間。位置好獨特,勁近A9捷運站,但又四野荒蕪。入到鐵皮屋入面,O晒咀!估唔到餐廳入面又大又靚!

林口D餐廳職員每次見到香港人都會覺得好奇怪,99%都會問我哋係點搵到嚟。。。

答案:Google大神!

疑似老闆見到香港人好開心,佢話佢成日去香港,香港有間齋舖都好好食。(吓?!)(我哋梗係半信半疑)

佢仲話選址係呢度,係因為方便客人泊車。(咁呀真,巷頭巷尾任你通街泊)


餐牌圖文並荗。。。


睇見隔離枱2公婆1人1碗喇沙,都唔揀其他嘢Share,唔使諗,一定係喇沙最好食!!!好,我決定叫喇沙!

估唔到齋都可以煮得咁惹味,好好味!


我哋前後食咗兩餐,加埋試咗五款主菜,都係喇沙最好食!團長夫人話以後嚟淨係叫喇沙+沙嗲串燒就掂喇!酥脆豆皮都好正,但應該好熱氣同埋好多油,推廣期內FB打卡會送,但我選擇付款。


娘惹咖哩煲


肉骨茶


摩摩喳喳好好味喔~(不敢食冰的我倆表示)(跟主菜送甜品飲品,伯爵紅茶超大杯)


印度抓餅


蝶豆花水果茶(自助任飲)
—含豐富維他命ACE同花青素,可以提高免疫力,促進皮膚彈力同骨膠原,補腦,防止胃痛,抗憂,抗壓力,鎮靜,止驚,緩和情緒。(咁多功效?!會唔會太勁呀?!)(團長夫人話蝶豆花好寒涼,我都係少飲為妙)(天然紫色真係好靚)


室內。。。


戶外。。。


過2日,貴妃娘娘駕到~我地發現咗新大陸,當然要第一時間招呼佢嚟食好野啦~


恭請貴妃娘娘移玉步到戶外拍照。。。初時我地只係自己拍,店員發現後,主動話幫我地拍合照,仲要影咗好多張影到佢(店員)滿意為止,哈哈哈,太熱情了吧~



菜式特別,絕對係新派齋菜,味道好,價錢公道,店員熱情友善,地方寬敞舒適氣質獨特,會推薦比更多香港朋友(去三井OUTLET掃貨果班)。


味道:★★★★☆
環境:★★★★☆
服務:★★★★☆
衛生:★★★★☆
抵食:★★★★☆

熱浪島南洋蔬食茶堂
地址:新北市 林口區 惠民街2號
電話:+886 2 2608-3082
網址:www.pulau-redang.com



食飽飽就要同貴妃娘娘&團長夫人講BYEBYE,我同HONEY夠鐘去A9站坐機鐵返香港LU~嗚嗚嗚嗚~

今次好勁,破天荒買咗1箱生果搬返香港!6個蕃鬼荔枝(釋迦)都大過我個拳頭,1箱唔使100港幣!抵到爛!(最後真係爛咗)

原本想WEEKEND同FAMILY分享,可惜。。。HANDCARRY都有輕微碰撞過,加上天氣太熱,擺咗3日已發霉&出汁,唯有自己一口氣食晒6個!D蕃鬼荔枝(釋迦)真係好好好味呀!如果早2日(爛之前)食應該口感&味道更好!

除咗釋迦,仲掃咗一大堆MIT台灣特產!!!HONEY已經控制唔到我啦,WAHAHAHA~


我掃,我掃,我掃掃掃~


1盒濾水器已慳到1張機票咁滯~民生食用品台灣真係平好多!3C進口產品就香港平D~


2 則留言:

  1. 買左好多野,
    間餐廳環境很幽美,

    回覆刪除
    回覆
    1. 爆買 XD
      間餐廳真係好正,人又好,食物又好,地方又好 ^^

      刪除