網頁清單

2017年9月27日 星期三

瀛素食:突破素食領域

15 September 2017, Friday

今日對我地黎講,係好重要嘅日子!!!

到咗約定之日都可以無聲無氣,當無發生過一樣。。。唔想出嘅,咪唔好出囉~

相見不如不見!!!
哀莫大於心死!!!

晚飯前,跟貓兄去見識吓世界美好嘅一面。。。油麻地果欄!!!(嘿)

佢居然睇死我自己一個唔會去。。。好,今次又比你鐵板神算批中!!!







大鄉里第一次出城,唔買對唔住自己!!!

岡山縣晴王青提子 HK$200,山梨縣水蜜桃 HK$50/2個~


鳥取縣水晶梨 HK$50/3個~


戰鬥完,係時間補充體力。。。

開餐前,先多謝貓兄同龍媽的小小心意。。。有心!!!

打頭陣嘅牛油果軟殼蟹卷,先聲奪人,嗯,好好味呀!好清新,傳統齋味"果陣除"一D都無。。。(Bling Bling眼mode)


嘩!呢個日式芥末海鮮PIZZA超好食!脆酥皮底又唔油,太神奇!


我地一路食已一路話要ENCORE,貓兄已密謀帶阿媽黎。。。

我地勁樣衰地不斷偷望人地枱上咩菜。。。餓鬼投胎咁,哈~

燒汁煙肉秋葵卷$48


香芒天鳥唐揚卷


XO醬牛仔肉炒年糕


3個人,價錢算相宜。。。


座位窄過小學。。。但食得好滋味。。。

全店座位爆滿。。。等位嘅人企爆門口。。。必需立即離開。。。

過對面源記喳咋。。。(懶得開多1篇BLOG,貼埋一齊算啦,WAKAKAKA)


合桃糊自家石磨制,配喳咋居然剩係食到合桃味,你話勁唔勁。。。

好欣賞佢仲係用緊中式數字,係香港已經好罕見。


好多謝2位朋友對我心靈上嘅支持,又遷就我食齋,又成晚聽我講肺話。。。剛好14天了,思念與傷痛沒有半點減退跡象。。。

每天最少8小時不眠不休的勞動(肢已斷),深怕趕不及進度,心理壓力好大,個胃日夜作反,瞓又瞓唔到,個人情神恍惚,出街食餐飯都變得好危險。。。

#感嘆 #人生有個真正的朋友的確好極


味道:★★★★☆
環境:★★☆☆☆
服務:★★★☆☆
衛生:★★★☆☆
抵食:★★★★★

瀛素食 Ying Vegetarian
地址:油麻地 廟街61號
電話:+852 2770-6188
網址:




13 October 2017, Friday

今日帶齊人馬ENCORE,上次食唔到果D可以食返晒,嘩哈哈哈~

日式芥末海鮮PIZZA必叫!(上面有相)

今次目標:壽司拼盤、菘子糖醋魚、梅菜肉碎芥蘭煲!




第2 ROUND再試多D新野。。。泡菜煎餅、胡椒猴頭菇鹹菜浸雲吞、黃金芝士奇脆卷、椒鹽白飯魚!





全餐都好味,只有白飯魚(金菇)食剩,略油!

訂7點,6點幾到,坐到10點幾,熱水壺不停REFILL,老闆完全無比面色我地睇,今時今日香港地仲點可能搵到~ (5個人8個菜+2罐汽水埋單HK$770)

*重點係:大把人等位*


離開時KAKAMA不忘要去對面源記外賣3大碗渣咋!(我地吹到好味到上天,佢又點抵擋到誘惑呀,哈哈哈)



沒有留言:

張貼留言