網頁清單

2015年2月4日 星期三

福臨門 X 東大街 : 一定要幸福

27 January 2015, Tusday

今日係力仔臨回老家前, 我地最後1次行孖咇喪食... 心情好複雜, 難捨難離, 希望我地好快可以再一齊喪食啦~~~

其實4間有3間都寫過Blog, 我唔想重複, 但又想留低同力仔的回憶, 所以決定寫篇綜合Blog...

今日我地會好忙, 去完尖沙咀飲茶又要轉場去筲箕灣東大街掃街...

@福臨門






基本上樣樣都好味, 好少係度食到難食的食物, 必吃的有 : 馬拉糕、芝麻卷、燒賣、咖哩魷魚...

食飽飽... 坐地鐵去CWB搞D 2日前搞未掂的事, 仲以為好快, 結果都搞咗好耐, 都好, 都消化下... 再坐地鐵去筲箕灣東大街...

@低調高手大街小食


為免再運桔, 尋晚上佢facebook fanpage查咗佢今日無休息... 幾勁呀, 上星期六佢都休息, 唔憂做...

幾時都咁多人... 排咗半粒鐘都未到我地...


馳名半滿雞蛋仔, 外脆內軟, 勁重蛋味, 不枉此行... 夾餅我第1次試, 出手闊綽勁多醬, 好耐無試過食得咁開心...




食到第2個胃都飽到嘔, 力仔又想試埋印尼沙爹, 我都未食過, 都想試好耐, 等開舖期間, 帶力仔行咗一轉東大街, 發現好多餐廳下午茶呢段時間落半閘, 想搵地方落腳都難, 最後由街頭行到街尾...

@華星冰室


恕我大鄉里出城, 凍檸廉我地真係第1次見... 初時仲驚係蛋糕果種Cream... 忌廉加咗檸檬, 味道無咩特別, 被檸檬的酸中和了忌廉的甜, Not Bad...


1人飲1杯飲品, 無其他幫襯, 坐足90分鐘傾計, 咁都無比人趕走, 下午茶市同晚市之間呢個空隙先有機會發生...

6:30PM 來到印尼沙爹屋 (Indonesian Sate House), 門口已經有客Keep住幫襯...



1串雞1串羊, 承為$19... 沙爹醬真係堅好味, 香甜惹味, 但係肉質就...


掃完街去太古城Shopping埋, 係地鐵閘口我地相擁了好幾次, 搞到好似係機場閘口送行咁, 情境都幾搞笑... 我有少少想喊, 好彩忍到眼淚無流出來...

Goodbye, my lovely princess, take good care~

♫ 淹沒在城市裡 看不見的星星 其實仍在守著你
夜深人靜 忽然想起 一定要幸福  ♫

~~~ 後記 ~~~

力仔臨上機前Whatsapp我講笑咁話, 老人家成日話想當年打日本仔, 第時佢可以好自豪咁同仔女講, 想當年我同你地拉姑殺落東大街, 由老尖殺過海... 

我神回一句 : 東大街旋風雙妹嘜...

真係笑鬼死...

6 則留言:

  1. 祝你同你先生羊年身體健康,財源廣進同埋日日吃得䦕心。

    回覆刪除
    回覆
    1. 我都祝你羊年快樂, 羊羊得意, 想咩有咩 :)

      刪除
  2. 回覆
    1. 多謝!!! 我都祝素素喜氣羊羊!!!

      刪除
  3. 見到你d野食我就流哂口水喇~~~~~尤其雞蛋仔同沙爹~~~~~

    回覆刪除
    回覆
    1. 呢間雞蛋仔堪稱全港最好, 去朝拜前記得上佢Facebook專頁查下幾時休息 :)

      刪除