網頁清單

2014年5月12日 星期一

加國「喜行」の《方便極至》Radisson Vancouver Airport Hotel

16 April 2014, Wednesday

原本呢... 我地唔係訂呢間酒店嘅...

未去過加拿大的我, 未研究行程前, 聽見親友話考慮訂Richmond食街Alexandra RoadFour Points by Sheraton Vancouver Airport, 巧合地, Sheraton正正係翠明假期的Local Tours的Richmond Pickup Point!!! WoW... Perfect!!! (當時仍然未研究交通, 查實Sheraton 地點麻麻地方便, 係Skytrain Station要露天行10分鐘以上, 落雨好呢Hea)

起初一心一意打算住Sheraton, 都無搵其他酒店, 後來知道親友唔會訂Sheraton, 仲要比我知道Sheraton 2013年10月開始關閉半年大執, 2014年3月仲要裝修至6月, 嘩!!!!!! 肯定超級沙塵滾滾, 週身紅腫痕癢無教好瞓就緊嘅喇, 住完坐飛機返香港肯定爆耳啦!!! 我要住9晚喎, 唔係1晚喎, 仲得了嘅!!!



曾Send Email到翠明假期(溫哥華)問可否到其他酒店Pickup, 回覆係... NO!!! 激死... (不過到步後2 個Local Tours的領隊都好好人肯來Radisson接我地, 大感激!!!)

取而代之, 係要搵Sheraton附近的酒店, 以方便步行去Sheraton等Local Tours的Pickup...

比我發現了附近的Radisson, 超近Skytrain Station, 最多只係行2分鐘... 前後左右被日韓台3大超市+3大Food Court包圍, 面向全Richmond最大的亞洲購物中心Aberdeen Centre (港人創辦)... 仲有免費機場接送及Free WiFi, 又近親友住址及婚宴場地, 仲要早14日係官網http://www.radisson.com/richmond-hotel-bc-v6x3x9/bcvanair 訂房有特價(75折), 價錢等同晚晚係電視賣廣告的Hotel.Com, 係官網訂房仲唔洗驚到步Check-in時先話個Booking唔Valid, 簡直唔使再考慮啦... 拍板!!! 

雖然查到Radisson都有裝修, 不過都只係o係頂樓加15間房, 總好過Sheraton全間大執, 唔住咁高樓層咪得囉...

初步落實去Rocky Mountains前的頭6晚會住係Radisson Vancouver Airport Hotel, 標準房Standard King Rooms每晚C$111.75 另加稅C$16.77 (約HK$900), 比起Richmond Centre附近無Free WiFi的Marriott平一半, 算幾抵住...

初時想去完Rocky Mountains後住吓River Rock, 後來為免要重新適應環境咁麻煩, 打消念頭, 訂埋Radisson, 但就加多少少Upgrade咗做Executive Suites, 每晚C$126.75 另加稅C$19.02 (約HK$1020), 你地知啦, 回程執行李係好困難, 要將原本已爆到七彩的行裝, 再加埋旅途中亂買的東西, 塞入唔會變大的行李篋, 難度係9.9分!!! 地方大D, 執行李返香港都易D舒服D喇... (咁嘅藉口都比我諗到, 勁, wakakaka)

先睇睇瞓咗6晚的Standard King Rooms... 間房都幾大, 見到現場實景後, Honey話其實都唔洗Upgrade做Executive Suites...


酒店標榜的Sleep Number Bed... 可以調教床褥左右2邊不同軟硬度... 好多時住的酒店床褥軟到成個人窩咗落去, 會搞到我成晚都瞓唔到兼第2朝週身酸疼... 今晚就唔同喇, 調教到張床褥硬班班, 每晚都好好瞓...


窗外景觀...


正面係大統華超級市場(T&T Supermarket), 右邊係Aberdeen Centre, 左邊(酒店背面)係八佰伴中心(Yaohan Center)... 便利到無朋友...


浴室用品... Honey好鍾意番梘的味道, 我就好鍾意佢個火力強勁的風筒...



最欣賞係有Recycle Bin... 每日都比我塞得滿滿的...


唔知係咪住得太多晚, 去到房門口居然有塊大曲奇等緊Welcome我, 好窩心, 之不過係放係地下, 有潔癖的我, 又點會食得落呢...


再睇睇去完Rocky Mountains返來瞓咗3晚的Executive Suites... 打開房門一刻, 不禁"嘩"一聲... 真係好夠位執行李呀!!! 爽呀!!!




茶水間仲有Sink盤, 唔洗走入廁所斟水咁嘔心...


廁所就無分別...



睡房可以關門... Sleep Number Bed的Control是Cordless的, 比Standard King Room的有線Control高級點...




窗外景觀... 


走廊景觀... 清晰可見我地瞓係中空的通道上!!! 唔係腳踏實地, 好驚!!! 見唔見?!! 右邊啡啡地色的正是八佰伴中心(Yaohan Center), 堅近!!!


比返個酒店外貌大家睇睇...


來個一掃全景... 左邊係酒店, 中間係Aberdeen Centre, 右邊係Skytrain Aberdeen Station (Canada Line), 堅近, 真係唔講得笑!!!


無幫襯過酒店泳池同餐廳...

幫襯咗Airport Shuttle 2次... FREE... 但要賠上時間, 中午撞正午飯時間更是1小時只有1班車!!! (趕時間的話勿試)


入住1次可賺取500分Asia Miles, 2次加埋1000分...
但如果Join Club Carlson, 可以有20364分, Convert做Asia Miles可有2000分, 多1倍!!!
在此多謝酒店的Front Office Manager在Email中教我咁做會賺多點積分... 其實我只係Email去叫佢幫我由Twin Queen Beds轉做Single King Bed...

Overall都幾滿意呢間酒店, 商務酒店就一定唔Fancy嘅喇, 大堂無門面可言, 總之企企理理, 交通便利, 價錢中等, 我就已經收貨...

抵讚的是, 大堂職員同司機除了英語外, 竟然講得一口流利廣東話, 真係好似無離開過香港咁, Richmond果然係好適合香港人移居的城市!!!


加國「喜行大溫」2014 の 總匯 http://www.kenmerry.com/2015/01/Vancouver-Canada.html

8 則留言:

  1. 咁呢間酒店又真係唔錯喎~最緊要便利同埋乾淨...而且價錢都唔貴丫~

    回覆刪除
  2. 設備唔錯呀!
    住多幾日都無問題,
    又會經翠明訂??
    温哥華有少香港之稱,
    有不少香港住
    酒店有同聲同氣超 like:-)

    回覆刪除
    回覆
    1. 哎呀, Sorry呀, 我講得唔清唔楚~
      機票直接係Cathay訂, 酒店直接係Radisson訂... 我係翠明(香港)報咗2個翠明(加拿大)Local Tours :)

      刪除
  3. 回覆
    1. 我都係第一次見, 對我來講好有用 :)

      刪除
  4. 教埋你點賺miles,service好好喎﹗

    回覆刪除
    回覆
    1. 初時Send Email去2個星期都無人覆, 仲覺得佢地好離譜, 後來係Facebook Fanpage留言, 經理叫我再Resend Email, 就發現我Email入面有"FREE" 同"ADULT", 落咗Spam Mail, 哈~

      刪除