網頁清單

2011年6月5日 星期日

agnès b. café l.p.g

3 June 2011, Friday


5月尾公司勁多野做, 完成晒手頭上嘅Tasks之後, 約埋同事一齊去agnès b. café l.p.g食「虛榮」免費午餐!!! 動用公司Green Fund  (回收癈物基金), 呵呵~


提早咗10分鐘出門口, 去到都冇晒梳化位, 只係得番門口張枱, 唔想坐都要坐啦...


午餐選擇好少, 得6款, 仲要有2款係三文魚1款係菇, 即係得番3款可以揀...


揀好就要自己行出去收銀度買野食, 買完就返埋位等食...


同事A配咗餐湯--薯仔湯(仲有雜菜湯揀), 味道都OK... 係估唔到有舊麵包仔跟, 同事A話個麵包仔都幾食喎~


同事A嘅茄汁牛肉意粉(Linguini with minced beed in tomato sauce)... 佢話冇咩特別咋喎, 不過唔難食, 好食過Delifxxxxx小小...


我嘅茄汁海鮮意粉(Linguini with assorted seafood in tomato sauce)... 味道真係冇咩特別咋喎, 學同事A話齋, 好過Delifxxxxx小小囉... D意粉都幾厚身, 咬落有QQ感... 我配咗餐茶Iced Cappucinno, 完全冇奶味, 純粹Regular Coffee味咁, 仲要我加7蚊, 激死...


同事B嘅菠菜磨菇千層麵(Spinach & mushroom Lasagna), 份量之細令各人震驚!!!!!! 佢苦笑話味道好齋, 當食齋減下肥咁話喎...


我地3個人坐嘅係4人枱, 大家都仲未食完, 個男侍應走埋o黎問我地"介唔介意搭枱?"...


我心諗"搭枱??? 而家呢度係茶餐廳呀, 你收我地幾錢1個餐呀??? 搭枱?!!! 仲要D食物份量奇細味道又係唔話超好味果種!!!"


同事A已經即刻回佢"我地就食完!!!", 等於拒絕佢嘅要求, 好彩佢都醒水, 冇再Nur...


個男侍應行開咗之後, 同事B先講, 要搭枱嘅係2個大男人, 我地得番1個位, 點比佢搭枱呀?!!"


呢間agnès b. café D枱仲要係加細碼Coffee Round Table, 真係唔好預我接受到同2個唔識嘅男人頭貼頭咁食o野囉...


食飽之後, 有個侍應妹妹捧住一碟朱古力埋黎, 話當甜品請我地試食... 嘩!!!!!! 咁筍?!!! 同事們都揀白朱古力, 我揀黑朱古力... 黑朱古力味道都好濃, 但唔夠滑, Godiva好食好多, agnès b. DÉLICES只可以比美Meiji嘅獨立金色包裝嘅黑朱古力...


「虛榮」呢家野, 一次就夠!!! 好彩係用公司Green Fund, 如果要我係自己荷包拎錢出黎食, 肯家行番公司時有排鬧...


是次每人消費約$75元
味道: 3 環境: 3 服務: 1 衛生: 3 抵食: 1
###
地址 : 鰂魚涌太古坊德宏大廈1樓D舖
電話 : 2284 4878


1 則留言:

  1. 可能兩個大男人真係好想搭你地三條美少女枱呢~ (P.S.你成日話心臟唔好,成日都仲睇見你飲咖啡?!)
    [版主回覆06/20/2011 18:00:00]唔係呀, 我同2個男同事去食o架!!!
    嘻嘻... 一年都飲唔夠10次, 比條生路o黎行吓好喎... 咁人地抵受唔住誘惑吖嘛...
    點知佢會咁唔好飲嘅啫... 白白浪費咗我嘅犧牲~

    回覆刪除