潮庭 Chiuchow Garden

8 August 2011,  Monday

今日唔知戚起邊條根, 竟然會走去食潮州菜...

呢間「潮庭」之前係「潮江春」, 仍然係美心集團嘅酒樓, 希望唔係換湯不換藥...

餐廳內嘅裝修的確係靚過之前好多, 連張枱布都靚過人...

功夫茶+前菜--飲咗呢幾杯功夫茶, 全晚瞓唔著... 前菜辣辣地, 有齊我最鐘意嘅鹹酸菜, 豆腐, 花生, 好味, 清晒~

甘苦涼瓜排骨煲--嘩!!! 咁多涼瓜嘅??? 仲咁大件??? 睇落起碼有3個涼瓜係入面... 食落口居然好淋, 而且一D都唔苦, 只有甘味, 好利害呀!!!!!! 煲入面仲有好多大大件嘅鹹酸菜, 排骨都好淋, 最犀利係個湯底一D都唔油, 可以當埋湯飲, 清熱氣一流... 冇得傾, 清晒成煲一滴水都冇淨...

潮汕豬肚蒸雞--落咗紅棗同杞子一齊蒸, 好好味呀!!! 同埋好大鍋囉, 貪心食晒, 搞到搭小巴CHOK到差D嘔出o黎...

紅棗糕--好多層, 每一層都只有1mm, 唔痴筷子, 入口都唔會痴實晒, 紅棗味好濃, 微甜, 好得呀!!!

服務都算幾好, 係慢咗D囉... 如果要搵地方Hea時間, o黎呢度都唔錯... 

客人坐到半滿, 但係都好寧靜... 仲有落日海景, 好嘆呀!!!

咁正嘅環境, 食物又咁好味, 以呢個價錢o黎講, 都算係超值呀!!!

是次每人消費約$150元
味道： 4 環境： 4 服務： 4 衛生： 4 抵食： 4
###
地址 : 太古太古城道18號太古城中心四期1樓
電話 : 2885 0212

3D立體狗形栗子忌廉蛋糕 @ 工聯會

5 August 2011, Friday

今晚係第六堂去工聯會學整蛋糕... 今晚係整「3D立體狗形栗子忌廉蛋糕」!!!

今晚對我呢講又係好重要, 我係因為想試吓整3D立體蛋糕而報呢個Course...

我嘅制成品....

阿Sir嘅愛犬...

制作花絮... 

朋友笑我隻落水狗好有Halloween Feel... 係呀, 配合番Chinese Halloween嘅主題嘛!!! 嘩咔咔咔... 朋友, 你放心, 我冇介意, 只係太好笑, 所以先拎出o黎同D BLOG友分享吓...

落水狗嘅誕生係因為課室好熱, D CREAM係唧花袋入面溶到流D汁出o黎... 加上又冇唧嘴... D栗子蓉又好多大粒粒, 塞實晒個袋口, 大力小小就咇咗D"米田共"形嘅栗子蓉出o黎... 咦... 好嘔心呀...

唧D狗腳果時都仲好正常o架, 到咗最後先唧個頭, D CREAM已經溶到不成CREAM形啦... 唔關我D技術事o架... (有人跌落地仲要拿番咋沙, 哈哈)

今堂雖然好多唔完美嘅地方, 不過整體都開心嘅, 起碼3D立體蛋糕係新嘗試... 有機會一定要再整過!!!

榮式燒雞扒 Wing's Catering

31 July 2011, Sunday

今日嘅戰鬥力真係好強勁!!! 10:30am 開始行科學館, 行埋歷史博物館, 竟然可以玩到 4:30pm!!!

想係尖東搵食, 週圍都過咗下午茶時間又未到晚飯時間, 激死... 唯有轉戰北角...

之前見幾個朋友都讚「榮式燒雞扒」好食, 所以轉程o黎試一試... o黎到先5:30pm, 仲未開門, 要係北角遊蕩一陣...

到咗6:00pm 終於有得食... 時間尚早, 餐廳內冇咩客人...

o黎得呢度, 緊係要試吓佢嘅招牌菜「榮式燒雞扒」!!!

榮式燒雞扒 拼 腸仔 配 咖哩薯仔汁 -- 招牌菜即係招牌菜, 皮脆肉嫩多汁, 調味適中, 上枱時仲熱辣辣... 腸仔好鹹呀... 咖哩都算幾好味啦...

榮式燒雞扒 拼 鱆魚蓮藕餅 -- 香脆非常的藕餅, 外脆內軟, 好Juicy, 食咗一半都仲好熱辣辣, 味道啱啱好... 意粉同D豉油汁好夾...

個餐包埋靚湯, 仲送下火王老吉... 個湯都幾鹹...

同歷史博物館入面間飲冰室 Refreshment Corner一樣價錢, 但係味道就好好多, 而且環境同服務都好D, 快餐o黎講佢算有Heart, 一定要再o黎食多幾次先得啦啦啦~
是次每人消費約$46元
味道： 3 環境： 3 服務： 3 衛生： 3 抵食： 4
###
地址 : 北角英皇道485號地下
電話 : 2805 8800 / 2805 8822

香港故事 The Hong Kong Story

31 July 2011, Sunday

睇完香港科學館嘅專題展覽「愛因斯坦在香江 (Einstein in Hong Kong)」, 食埋Lunch, 又睇埋香港歷史博物館嘅專題展覽「五味紛陳 — 半世紀的中國生活記憶 (The Flavours of Everyday Life in China - Memories from the Past Half Century)」...

終於輪到戲肉... 「香港故事 (The Hong Kong Story)」常設展覽!!!

嘩!!! 第4展區D展覽品好大型呀!!!

包場欣賞電影「吾土吾情」...

第6展區D建築物好靚呀...

雜貨店...

當押店...

電車...

第8展區D場景好有親切感...

細蚊仔時嘅居住環境...

細蚊仔時嘅士多...

之後我地仲去咗趣藝角參與「雜貨鋪模型製作 (Model-making: Grocery Store)」!!!

OH NO!!! 原來唔係玩微型黏土!!! 而係派D紙卡比你摺個雜貨鋪模型出o黎... 唔係呀嘛... 等我排咗+等咗咁耐...

星期日4-5pm... 只此一場!!!

呢期星期六果一場好似話係摺電車...

有小朋友嘅大朋友, 你地都可以帶你地嘅小朋友去玩吓吖, 可以等佢地練習下手仔同眼仔嘛...

另外第4展區都有類似活動, 好似係制作萬花筒, 一日有4場...

提提您... 職員會係活動開始前30分鐘派籌, 要係派籌前15-20分鐘到達排定隊...

### 展覽詳情 ###

「香港故事」常設展是博物館多年來辛勤努力蒐集、保存及研究工作的總展示。整個展覽佔地7,000平方米，共有8個展區，分佈於兩層展廳；通過逾4,000件展品、750塊文字說明、多個立體造景及多媒體劇場，配以聲和光的特殊效果，栩栩如生地介紹香港的自然生態、民間風俗及歷史發展。

地點 : 香港九龍尖沙咀漆咸道南100號 香港歷史博物館「香港故事」長期展覽廳
時間 : 星期一及星期三至六：上午10:00至下午6:00
            星期日及公眾假期： 上午10:00至晚上7:00
            聖誕前夕及農曆新年除夕提前於下午5:00休館 
            逢星期二(公眾假期除外)、農曆新年年初一及初二休館

http://hk.history.museum/b5/ex_permanent.php

### 博物館全年通行(入場)證 ###

http://hk.history.museum/b5/pass.php

申請1張證就可以去齊晒香港藝術館, 香港歷史博物館, 香港文化博物館, 香港科學館, 香港太空館, 香港海防博物館, 孫中山紀念館o架啦!!! 好抵呀!!! 快D去申請啦!!!

五味紛陳--半世紀的中國生活記憶 The Flavours of Everyday Life in China

31 July 2011, Sunday

睇完香港科學館嘅專題展覽「愛因斯坦在香江 (Einstein in Hong Kong)」, 食埋Lunch, 就開始睇香港歷史博物館嘅專題展覽「五味紛陳 — 半世紀的中國生活記憶 (The Flavours of Everyday Life in China - Memories from the Past Half Century)」...

又o黎張無聊「到此一遊」照先...

影相影到走埋入個相架入面... 好靈異呀...

唔知呢度入面D展品同「五味紛陳」呢4隻字有咩啦更...

呢D玩具好細個時曾經見過...

架單車都好新啫, 邊得o黎"半世紀的中國生活記憶"...

嘩!!! 大哥大呀!!!

只對極極極極少部分展品有親切感... (呵呵, 扮細-ing)

極速行完, 閃~

### 展覽詳情 ###

通過展出約290多組1950至1990年代中國老百姓的日常生活用品及200多張圖片，介紹該段時期內地人民的生活面貌，亦展示了中國自1970年代末改革開放以後，民眾在物質生活上的變化。

日期 : 6/7-26/9/2011
地點 : 香港九龍尖沙咀漆咸道南100號 香港歷史博物館專題展覽廳
時間 : 星期一及星期三至六：上午10:00至下午6:00
            星期日及公眾假期： 上午10:00至晚上7:00
            聖誕前夕及農曆新年除夕提前於下午5:00休館 
            逢星期二(公眾假期除外)、農曆新年年初一及初二休館

http://hk.history.museum/b5/ex_special_five_jun11.php

### 博物館全年通行(入場)證 ###

http://hk.history.museum/b5/pass.php

申請1張證就可以去齊晒香港藝術館, 香港歷史博物館, 香港文化博物館, 香港科學館, 香港太空館, 香港海防博物館, 孫中山紀念館o架啦!!! 好抵呀!!! 快D去申請啦!!!

飲冰室 Refreshment Corner

31 July 2011, Sunday

睇完香港科學館嘅專題展覽「愛因斯坦在香江 (Einstein in Hong Kong)」, 就過隔離嘅香港歷史博物館入面間「飲冰室 (Museum Coffee Corner)」, 食番個簡單快捷嘅午餐...

餐茶--凍檸茶冇檸檬味...

什扒餐--唔難食, 一般廉價快餐質數, 可惜一D都唔廉價... 而且... 冇咩肉, 叫「什骨餐」就差唔多...

香草芥末羊扒餐--等咗15分鐘先有, 太肚餓, 食咗一大半先記得影相... 個汁都係什扒餐個汁, 冇香草味, 芥末係辣嘅黃芥末, 冇芥末香味, 意粉好硬, 似未煮透...

坐位係自由席形式, 繁忙時間都唔算太爆, 唔想出去外面曝曬嘅話, 呢度係唯一嘅選擇...

是次每人消費約$45元
味道： 2 環境： 2 服務： 2 衛生： 2 抵食： 2
###
地址 : 尖沙咀漆咸道南100號香港歷史博物館地下
電話 : ---

愛因斯坦在香江 Einstein in Hong Kong

31 July 2011, Sunday

今朝一早就走去香港科學館, 辦理「博物館全年通行證」, 50蚊可以半年內無限次去晒康文署轄下7個博物館, 只要今日去埋香港科學館隔離嘅香港歷史博物館, 就已經值回票價...

我地今日嘅目標係... 愛因斯坦!!!

呢個專題展覽「愛因斯坦在香江 (Einstein in Hong Kong)」4月已經開始展出, 不過我地又懶, 又怕人多擠迫, 所以咁遅先o黎...

o黎張「到此一遊」照先...

嘩!!!!!! 愛因斯坦嘅中學成績表, Physical嘅唔知咩o野得1分?????? (1分係最低分)

愛因斯坦嘅大學論文...

愛因斯坦嘅Passport...

愛因斯坦嘅發明品...

小朋友可以試踩虛擬單車, 以接近光的速度, 見到世界嘅另一個模樣...

呢3個火花室探測器嘅所在地 (香港, 伯恩, 少女峰) 我地都踏足過, 好有親切感呀!!!

我地睇完愛因斯坦專題展覽就鬆人, 因為其他展覽區實在太太太多人啦~

### 展覽詳情 ###

「愛因斯坦在香江」由香港科技大學、教育局、瑞士駐香港總領事館、瑞士聯邦政府科技文化中心及香港科學館聯合主辦，於2011年4月至8月間舉行。活動的目的是介紹愛因斯坦對科學及民生的貢獻，希望讓市民理解和欣賞他的理論和思想。除了舉行愛因斯坦專題展覽外，科學館於活動期內將舉辦一系列公開講座，講者包括諾貝爾獎得主瑞士科學家恩斯特教授以及瑞士和本港大學的傑出學者。

日期 : 18/4-31/8/2011
地點 : 香港九龍尖沙咀東部科學館道二號 香港科學館特備展覽廳
時間 : 星期一、二、三及五 下午1:00至晚上9:00
            星期六、日及公眾假期 上午10:00至晚上9:00 
            逢星期四(公眾假期除外) 休館

http://hk.science.museum/spexh/einstein/tc/index.htm

### 博物館全年通行(入場)證 ###

http://hk.science.museum/gi/ap.php

申請1張證就可以去齊晒香港藝術館, 香港歷史博物館, 香港文化博物館, 香港科學館, 香港太空館, 香港海防博物館, 孫中山紀念館o架啦!!! 好抵呀!!! 快D去申請啦!!!

紅酒啤梨芝士批 & 紅莓合桃酥餅 @ 工聯會

29 July 2011, Friday

今晚係第五堂去工聯會學整蛋糕... 今晚係整「紅酒啤梨芝士批」同埋「紅莓合桃酥餅」!!!

阿Sir今晚將個紅酒啤梨芝士批改咗小小, 變咗「金寶」紅酒啤梨芝士批!!!

我嘅制成品...

制作花絮... 

註: 阿Sir搓好麵粉團之後, 我地每人分到一個批模同粉團, 壓好之後就4人1組整餡料, 之後交番比阿Sir落「金寶」就入得焗爐... D法式紅酒燴啤梨係由阿Sir示範, 上星期準備定...

阿Sir示範嘅「紅莓合桃酥餅」...

制作花絮...

註: 原本係阿Sir示範嘅, 不過同學們都幫手掃走下D粉, 同埋幫手掃上D蛋漿, 所以快手快腳就落得堂... 如果阿Sir自己一個人掃晒, 應該會Over-run...

上到第5堂, 今堂係唯一一堂覺得D制成品係好味嘅!!! 而且部冷氣都整番好喇, 同學們都開始交談多咗, 終於有番D樂趣...