前排係香港睇到台灣D旅遊節目，介紹1間超特色牛肉麵，碗入面唔係1片片薄切牛肉，取而代之係3大支牛骨！份量嚇死人！
But……唔記得即時Mark低餐廳名……
好彩，突然有飲食新聞提到2019年米芝蓮車軚人推介有牛肉麵入圍，Click入去就正正係我臨急抱佛腳要找的晚餐之選……新進榜、位於大安區的「天下三絕」！
好，出發！
無預先訂位，要趕緊係餐廳開門前去排隊先得啦～
天下三絕有幾絕？1碗麵賣NT$500！新聞仲話好多大明星都係座上客（不過唔關我事，比我撞到都唔知佢係明星啦）。
排第1，Yeah！（燈都未開，職員仲食緊飯）
開門果刻，大概十幾人排緊隊～
明星簽名？
開……閘……（包大人配音😂😂😂）
宮廷式的裝潢，水晶吊燈，絲絨梳化，紅酒櫃，根本係法國餐廳的格局。
3絕係邊3絕？新鮮食材、烹飪技巧、職人三心（用心、愛心、專心）。
招牌菜「天下三絕牛肉麵」會有牛尾、腱心肉、牛腱、牛筋，不過我地今日目標唔係佢！
湯底有4種番茄2種洋蔥牛肋排牛大骨熬足8個鐘，清甜滋味……我第1次食牛肉麵飲晒全碗湯！（紅燒牛肉麵唔好話湯，食1啖就反胃，清湯牛肉麵的湯又太清無興趣飲，只會試飲2啖）。
麵係用無防腐的澳洲黃金小麥，有3種寬度揀，幼麵我麻麻地，揀咗9.09mm。
牛肩胛小排麵 NT$480
－1隻牛得8條肩胛小肋排……嘩……呢碗都3條啦！咬1啖牛肉，再飲1啖湯，1秒之間由飽變餓！It's Magic！
牛肉軟腍，肉味濃厚，湯底鮮甜，麵條彈牙……我明明只食咗2條麵，點解轉頭D麵會得返咁少！（第1次食牛肉麵食到要質問Honey）
圖文並茂教你點去欣賞呢碗麵嘅美味，Step by step，配埋精制風味醬料，非常認真。
滷豬腳 NT$250
－隨便Order的小菜，柔軟Q彈，滷得入味，估唔到咁好味。
苦茶油拌飯 NT$80
－台東池上米 x 雲林古坑苦茶油，無得輸，好味到呢～
油燜苦瓜 NT$80
－沒有苦味的白苦瓜，清熱好幫手。
招牌滷味拼盤（小）NT$280
－ 超級豐富，有豆干、豆皮、滷蛋、 海帶、豬耳、牛筋、 牛腱，吃的超飽。
飯後送上果醋消滯……
呢個時候，先發現枱面杯茶係紅棗茶，發現得太遲，否則應該會瘋狂咁飲。
唔係食D咩山珍海錯，味蕾十分享受，帶著滿足的心情離開～
Honey仲話下次可以再黎食喎～
太飽，散步去附近誠品敦南店打吓書釘消滯～
今日出捷運站行去餐廳，聖保羅Ｑ餅就係正對面馬路，原本ＰＬＡＮ咗星期四過黎買，而家可以慳返Ｄ時間～
手痕將Ｄ戰利品放入玻璃櫃，影完呢張相開始驚行李會超重……要收手啦～
上月得知黏土班將被殺校，說好的手信呢……變散水餅！
味道：★★★★★
環境：★★★★☆
服務：★★★★☆
衛生：★★★★☆
抵食：★★★☆☆
天下三絕
地址：台北市 大安區 仁愛路四段27巷3號
電話：+886 2 2741-6299
網址：www.facebook.com/noodlecuisineworld/
沒有留言:
張貼留言