網頁清單

2019年9月12日 星期四

👻👻👻鬼影都冇隻👻👻👻迪士尼哈佬喂@香港迪士尼樂園 Hong Kong Disneyland

11 September 2019, Wednesday

今日藍天,聽日開始又落雨,即興入迪士尼。
(年票只用過1次,要用吓)
(黃蜂女開咗之後都未去玩過,2月入去時為咗玩Iron Man)

聽講酒店房好平,不過我唔過夜喇,懶得推喼~

拉姑呈獻:鬼影都冇隻香港廸士尼!!!(無人嘅?人呢?)

👻👻👻👻👻👻💀💀💀💀💀💀

無人呀!無野要排隊!一個真正屬於香港人嘅香港廸士尼樂園!😎🍷

玩咗:—
4次「Ant-Man and The Wasp: Nano Battle! 蟻俠與黃蜂女:擊戰特攻!」
1次小小世界
1次魔法書房
1次迷離大宅
同R2-D2係星球大戰指揮站合照1次
完全無排過隊😎

📷📷📷🌟🌟🌟
同Iron Man合照2次
同Marvel隊長合照2次
同Goofy & Pluto合照1次
排幾個人咁囉,等幾分鐘啫,SUPER OK啦~

【鬼影都冇隻。迪士尼哈佬喂】ARE YOU READY??? GO GO GO!!!

Rakuraku Ramen 樂拉麵:仿如隔世

8 June 2019, Saturday

食完呢碗麵,香港變得不一樣。

相係落咗Watermark好耐,但跌進痛苦深淵之餘仲要日程不斷,好忙好攰……(寫乜鬼Blog呀,又唔係好食)

嗱,正正就係因為唔好食,先更加要寫!(拖咗3個月都仲要寫返,明眼人都睇得出,我決心有幾大啦吓話)

片蓮藕真係超!級!難!食!

明明係灣仔喜帖街食過好好味(片蓮藕),康怡新店卻好難食……我有再比過2次機會佢架,結果都係一樣!

《完》

2019年9月4日 星期三

荔園﹒流金歲月:集體回憶。圍爐取暖🔥

29 August 2019, Thursday

80日可以環遊世界,仲可以……

一連80日嘅惡夢,一天比一天兇惡,黎明嘅曙光,HKer可以睇得見嗎?

近期好多文章都分析話人類需要圍爐取暖……忽然想起梅姐嘅一首舊歌……

🎵🎶
看 著 眼 前 人 漸 散
而 在 那 喧 嘩 過 後
只 有 忽 然 倦 透 的
是 我 的 一 對 手
努 力 向 前 誰 沒 有
誰 料 歇 息 的 藉 口
是 要 把 抑 鬱 眼 淚 再 流🎶🎵

眼淚……每天都在流,我堅係需要圍爐取暖!!!🔥🔥🔥

中午同2位阿姐飲茶,一飲就飲咗4個鐘。(80日無見,仿如隔世)

台山三寶即興約食晚飯,朋友問食咩先?我諗都唔使諗就答:「大家可以係埋一齊,💩都食!!!」(豪語一出,真心淆底,幾驚佢地夜晚真係叫我找數🤣🤣🤣)

港人集體回憶「荔園」……我懷疑只限於癈老癈中,荔園執笠時癈青都未出世,鬼識咩!!!🤣🤣🤣

2019年8月23日 星期五

塚田農場:高汁海景和風DESSERT

20 August 2019, Tuesday 

過尖沙咀Silvercord開完會,未夠鐘去另一個Meeting,係附近搵個地方坐低飲杯野~

原本入咗對面間Mellow Brown (UCC),可惜下午茶餐牌好唔掂,Cake又賣晒,價錢又貴,又無景睇,最最最慘嘅係,枱貼枱嘅強國遊客開大個電話喇叭,鬼殺咁嘈又刺耳,真係坐多1分鐘都想死……我走!!!

柳暗花明又一村,無意中發現好地方~

2019年7月9日 星期二

日本「昇龍道」2019の總匯 (跟團)



日本「昇龍道」2019の總匯 (跟團)

出發前 : 出發鳥

Day 1 : 起飛鳥 Hong Kong ✈ Chubu Centrair, Nagoya 🚌 Hotel Associa Takayama Resort(晚餐+住宿+自助早餐)

Day 2 : 🚌 高山和風古典街 🚌 阿爾卑斯街道平湯(午餐)🚌 「神之故鄉」上高地散策 🚌 Alpico Plaza Hotel(晚餐+住宿+自助早餐)

Day 3 : 🚌 立山黑部阿爾卑斯 🚌 MITSUI OUTLET PARK 北陸小矢部(新增行程x晚餐)🚌 the square hotel Kanazawa(住宿+半自助早餐)

Day 4 : 🚌 金澤兼六園 🚌 白川鄉合掌村(午餐)🚌 MITSUI OUTLET PARK 爵士之夢長島 🚌 Viking すたみなバイキング知立店(晚餐)🚌 Dormy Inn PREMIUM Nagoya Sakae(住宿+自助早餐)

Day 5 : 名古屋城(自費午餐)🚌 Chubu Centrair, Nagoya ✈ Hong Kong



日本「昇龍道」2019の急步自遊名古屋城。回程鳥

3 June 2019, Monday

07:45 早餐,09:00 出發

🏃🏃🏃💨💨💨

自由活動時間4小時(午餐自己搞掂),準時13:00要返到酒店LOBBY攞行李上旅遊巴出發去機場。
(導遊改行程將燒烤自助餐&Outlet改咗尋日做,今日大家先有4小時自由活動時間,抵讚!)



導遊帶大家去到榮地下街入口,解散!

日本「昇龍道」2019のDormy Inn PREMIUM Nagoya Sakae

2 June 2019, Sunday

第4晚酒店,地店便利,房間夠大夠新,有天然溫泉(錦鯱之湯),有免費拉麵宵夜……我都無咩投訴~

Dormy Inn PREMIUM Nagoya Sakae
地址:日本 愛知縣 名古屋市中区錦2丁目20−1 〒460-0003
電話:+81 52-231-5489
網址:https://www.hotespa.net/dormyinn/tchinese/list/nagoya.html

2019年7月7日 星期日

日本「昇龍道」2019の白川鄉合掌造村。UNESCO世界文化遺產

2 June 2019, Sunday

「陸之孤島」秘境白川鄉位處日本岐阜縣飛驒地區深山豪雪的村落,與其他地區的交流受到限制,孕育出獨特技術及文化~

白川鄉內被發現的最古老人類痕跡,被認為是西元前7000年至西元前2300年的遺跡,現今保存著1800年左右(江戶時代)所留下的合掌造家屋,屋齡300年的古老建築物,到了1961年銳減至190棟,荻町合掌造村落地區的居民們感到危機,到了1971年村落內開始了保存行動,提出「不轉賣」「不租借」「不破壞」三大原則,在居民全體的同意下成立了「白川鄉荻町村落自然環境守護會」。

更於1995年12月9日被聯合國教科文組織登錄為UNESCO世界文化遺產!

白川鄉合掌造村
地址:日本 岐阜縣 大野郡白川村鳩谷517 郵遞區號501-5692
電話:+81-5769-6-1311
網址:http://ml.shirakawa-go.org/en/

2019年7月3日 星期三

日本「昇龍道」2019の金澤兼六園。日本三大名園

2 June 2019, Sunday

日本三大名園:石川縣金澤市的兼六園、岡山縣岡山市的後樂園及茨城縣水戶市的偕樂園,大家去過幾多個?導遊問。
(全車得我1個去過岡山後樂園,導遊居然話多謝我舉手,道謝中充滿無奈與唏噓😂)

金澤兼六園具備有「宏大、幽邃、人力、蒼古、水泉、眺望」的六大條件而命名。

金澤兼六園
地址:日本 石川縣 金澤市 小將町1-53 (兼六停車場)
電話:+81 76-234-3800
網址:http://www.pref.ishikawa.jp/siro-niwa/kenrokuen/t/

2019年6月30日 星期日

日本「昇龍道」2019のthe square hotel Kanazawa

1 June 2019, Saturday

新酒店,開咗半年,導遊講到明搵大家做白老鼠!(食咗誠實豆沙包🤣🤣🤣)

金澤SQUARE酒店於2018年11月27日Grand Opening,在酒店空間內引入了「金澤風格」,房間以「加賀五彩」的傳統色調為主題,每房均以一色為設計為主,位於市中心地段,位置優越。

the square hotel Kanazawa
地址:日本 石川縣 金澤市 下堤町10番 920-0917
電話:+81(76)221-2611
網址:www.the-squarehotel.com/tw/skz/

2019年6月28日 星期五

日本「昇龍道」2019の立山黑部阿爾卑斯。期間限定雪之大谷

 1 June 2019, Saturday

立山黑部阿爾卑斯路線,穿越日本的屋頂~阿爾卑斯的立山的壯麗山岳觀光路線。利用各式各樣的交通工具橫越標高差距2400公尺的富山縣與長野縣之間,擁有「8個日本第一」。(每年大約12月~4月期間暫停觀光)
官網:https://www.alpen-route.com/tw/about/introduction.html

06:45 早餐,08:00 出發

🚌🚌🚌💨💨💨

09:15 扇澤站 Ogizawa (海拔1433m)

我地要趕09:30扇澤站Ogizawa開出的關電隧道電氣巴士,今日要乘坐6款交通工具,所有行裝都要孭晒上身(攝氏28度到8度嘅衣物),要同親愛嘅旅遊巴講Bye Bye,Oh No!😭😭😭

2019年6月26日 星期三

日本「昇龍道」2019のAlpico Plaza Hotel

31 MAY 2019, Friday

DAY 2 早上遊覽完高山和風古典街,品嚐了美味元祖飛驒牛串燒……下午雨中慢步於海拔一千五百米「神之故鄉」上高地……

17:00 返到酒店

2019年6月24日 星期一

日本「昇龍道」2019の上高地。神之故鄉散策

31 MAY 2019, Friday

「神之故鄉」,海拔一千五百米,位於日本長野縣嘅「上高地」,日文發音上高地等於神高地,所以被稱為神之故鄉。

雨中慢步神之故鄉「上高地」,從大正池步行到河童橋約4公里,2小時的泥石路,不間斷的雨水,攝氏8度,雙手結冰(山上積雪未溶晒),相都懶得影……但感覺仍然好舒服,果然係受到神眷顧嘅地方。

我地第一次跟團跟到要行山,報團果陣真係無為意,Finally都行得好開心,行到上癮,以後報團都要留意有無D行山團先得~

我地今日行完4號路線再行埋2號路線!(最衰無得行6號路線去明神池,原來蘋果新聞有報導過,果度好靚架!HONEY話有機會要再去過,果然行山行上癮)

漫步上高地郊遊路線指南

田代橋〜大正池(梓川路線)
距離:約2.0公里
所需時間:約40分
網址:https://www.kamikochi-vc.or.jp/ch-t/walk/course04.html

河童橋〜田代橋(梓川右岸路線)
距離:約1.6公里
所要時間:約20分
網址:https://www.kamikochi-vc.or.jp/ch-t/walk/course02.html

12:45 大正池 Taisho Pond

1915年Mt. Yakedake火山爆發,攔截了Azusa River而形成大正池。

大正池 Taishoike
地址:日本 長野県 松本市 安曇上高地 〒390-1520
電話:+81 263-33-7400
網址:http://www.kamikochi.org/spot/taisho-pond

2019年6月18日 星期二

日本「昇龍道」2019の高山和風古典街。元祖飛驒牛串燒

31 MAY 2019, Friday

07:30 早餐,09:00 出發

🚌🚌🚌💨💨💨

從酒店出發,轉個彎就到~

大家得1小時15分鐘架咋,醒定D呀,唔好盪失路呀!

高山陣屋 (國家級古跡)
在江戶時代進行統治管理的地方,官員的府邸以及收納稅收的倉庫,稱為陣屋。過去曾在日本國內有60處以上、現存只有高山一所。

入場參觀要收費,我地逗留時間不多,只係門口影張「到此一遊」照。(導遊要求幫我地影😆)

高山陣屋 Takayama Historical Government House
地址:日本 岐阜県 高山市 八軒町1丁目1−5
電話:+81-577-32-0643
網址:www.pref.gifu.lg.jp/foreign-languages/English/tourism/takayama/

2019年6月6日 星期四

日本「昇龍道」2019のHotel Associa Takayama Resort

30 MAY 2019, Thursday

東瀛X立山黑部20米雪壁大道、高山和風古典街、「神之故鄉」上高地散策、金澤兼六園(日本三大名園)、白川鄉合掌村(世界文化遺產)開心5天團~

DAY 1 行程得酒店咋!!!😭😭😭

19:00 到達高山溫泉酒店 Hotel Associa Takayama Resort

2019年6月5日 星期三

日本「昇龍道」2019の起飛鳥

30 MAY 2019, Thursday

踩著水泡(汗皰疹)去旅行!

自從遇上黑氣石,腳掌上的水泡大軍就好鍾意趁我飛之前湧出黎……聽(今)晚仲要浸溫泉,有D驚,因為今次堅痕,未見到水泡前已抓穿咗幾粒,結疤-ing……希望唔好入細菌啦~

香港航空連續幾日跌零件,好彩我地今次坐CX啫~

東瀛X立山黑部20米雪壁大道、高山和風古典街、「神之故鄉」上高地散策、金澤兼六園(日本三大名園)、白川鄉合掌村(世界文化遺產)開心5天團,WE'RE COMING!!!

01:25 仲未瞓,聽(今)朝要早起身架,想點呀……😑

05:00 起身(完全失眠)

06:45 Airport Limousine


07:25 準時集合

2019年5月25日 星期六

The 747 Galley by Cafe Proud Wings:年輕就是任性!飛一轉米蘭為咗食餐飛機餐

23 May 2019, Thursday

黃毛仔今年忙到甩蹗,終於等到佢Settle Down喘順條氣又可以放監出返黎擦餐飽啦,Yo~🎉🎉🎉

原本約咗尋晚去銅鑼灣幸福班戟,我2星期前上網訂定位,不過佢臨時要改期,今次無緣,唯有下次再訂過啦。(下次要睇咗幸福班戟邊日有位先再決定邊日出黎食飯🤣)

我係香港已經變咗1個遊客,之前仲要係尖沙咀九龍公園門口比馬來西亞遊客質疑我唔熟路,真心唔知香港而家邊樹有好野食!加上減肥超過1年,真心唔敢留意美食資訊,同社會脫晒節架啦!朋友又放晒手叫我Plan,唯有向黏土之友Group發出求救訊號!(📣📣📣喂喂!有咩餐廳適合2個老友聚舊?Budget每人3百)

黏土友其中1個推薦幾吸引……係影相呃LIKE果方面……🤣

2019年5月23日 星期四

日本「昇龍道」2019の出發鳥

23 May 2019, Thursday

【昇龍道】名古屋、高山、立山黑部、金澤、白川鄉5天團(持續更新)

2011年3月13日

Honey同我由成田機場轉羽田機場離開日本之後,都無返過去。(唔計2014年去琉球王國)

2018年某一日

老大話要一家人一齊去日本旅行……最後佢本人未能赴約(好慘),我地6個被擺上旅遊巴!今趟認真molala去旅行!😅(買晒旅遊保險到要CLAIM果陣又話唔包,唔想白蝕2000訂金,唯有叫HONEY頂上)

2019年3月1日

名古屋5日遊扑鎚午餐會!食飽飯(扮開完會),行去銀行中心「WingOFF旅遊」買機票酒店Package。

真心唔知WingOFF打算做D咩人生意,網上嘅酒店職員又話分行唔會有,叫佢整D分行會有嘅酒店出嚟,搞咗一輪報曬總數,信用卡都拎埋出黎,擾攘半個鐘頭之後,個職員先話原來乜酒店都冇房,仲叫我地改期,話日本10日連假(明明4月連假, 唔係5月)日本人自己去旅行搞到D酒店好Full……仲唔轉身手走果個都唔係人啦吓話!

2019年3月3日

6位名古屋團友帶齊Passports,飲完早茶跟手去東瀛X報名古屋5天團(尋晚我2家姐發現我嘅Dream團),報完名一班焚化爐又話開始肚餓!🙄

2019年5月1日

今上天皇 德仁即位,年號令和。

2019年5月27日

11AM尖沙咀開茶會,BUT 9點幾勁勁勁大雨,大家決定唔去LU~

2019年5月28日

左腳板面又喪出水泡,今次勁痕,抓到流晒血,過2日就要長時間著鞋,無眼睇,唉~

2019年5月30日

行程涵蓋日本中部北陸地區的昇龍道(近年興起的叫法):名古屋、高山、立山黑部、金澤兼六園、白川鄉合掌村……

希望今次5天團順風順水!大吉大利!

新喼ss出籠(Ultra Light Tech)!每人有30Kg寄倉,餓咗日本咁多年,我要爆爆爆買!!!


⛄⛄⛄☔☔☔好冷喔~千萬別下雨喔~(帶定薄羽絨+厚風褸無壞)(有30kg Quota就是任性)





(天氣預報每天都在變,之前係勁凍+落雨,而家又勁熱+無落雨……咁緊係無落雨好啦)


全新體驗!我同HONEY都未去過昇龍道!

期待-ing~~~

(持續更新)(諗到咩就補寫咩)




5日4夜行程:
出發前 : 出發鳥
Day 1 : 起飛鳥 Hong Kong ✈ Chubu Centrair, Nagoya 🚌 Hotel Associa Takayama Resort(晚餐+住宿+自助早餐)
Day 2 : 🚌 高山和風古典街 🚌 阿爾卑斯街道平湯(午餐)🚌 「神之故鄉」上高地散策 🚌 Alpico Plaza Hotel(晚餐+住宿+自助早餐)
Day 3 : 🚌 立山黑部阿爾卑斯 🚌 MITSUI OUTLET PARK 北陸小矢部(新增行程x晚餐)🚌 the square hotel Kanazawa(住宿+半自助早餐)
Day 4 : 🚌 金澤兼六園 🚌 白川鄉合掌村(午餐)🚌 MITSUI OUTLET PARK 爵士之夢長島 🚌 Viking すたみなバイキング知立店(晚餐)🚌 Dormy Inn PREMIUM Nagoya Sakae(住宿+自助早餐)
Day 5 : 名古屋城(自費午餐)🚌 Chubu Centrair, Nagoya ✈ Hong Kong

2019年5月21日 星期二

走肉朋友:雨後春筍。冰點食慾

16 May 2019, Thursday

任食素菜開到成行成市,猶如雨後春筍,似乎好難逃出佢嘅魔掌~

今晚又再素暴肥!(台山三寶分贓晚宴)

2019年5月15日 星期三

​HABITŪ table:久旱逢甘露

9 May 2019, Thursday

避糖超過1年(又唔算戒,醫生話1星期可食1件CAKE),避埋澱粉質(又唔算戒,完全唔食會抑鬱),有做運動(連醫生都話運動量算HEAVY),體重一直唔落,今個月終於有少少曙光……

即刻放肆!

2點先係茶樓排隊食特價下午茶,3點幾又轉場食SECOND AFTERNOON TEA,問你死未!😂😂😂

HABITŪ caffè係太古城中心開咗幾年,無時無刻都咁多人,明明坐係路邊人來人往一D都唔舒服,都長期無位,奇~

HABITŪ table 2年前落戶太古城中心誠品,隱蔽到無人知咁,長期路過都吉到爆,明明座位好舒服私隱度又高,更奇~

2019年5月1日 星期三

【石門+金山+基隆+瑞芳】火車軌踩單車初體驗。北海岸趴趴走一日遊

10 Wednesday 2019, Wednesday

✪行程✪
捷運民權西路站⇨老梅綠石槽⇨石門洞⇨燭臺雙嶼⇨阿華炒麵(午餐)⇨深澳鐵道自行車⇨潮境公園⇨阿里郎村落(晚餐)

今次台北之旅,行程重中之重係期待已久的相遇……要跟關口真優老師本人學藝(UV師資研修課程),仲有攞親筆簽名&影合照!

咁飛得過黎,當然要同各方友好飯聚……

扣咗上堂,扣埋N餐飯局,再扣埋一堆Appointments,都仲有少少時間剩喎,唔搵個1日遊去吓好似對唔住Honey同自己咁……

神推鬼㧬,醒起2月20日先正式營運嘅深澳鐵道自行車!!!WOW!!!今次算係飲頭啖湯啦啩~

來回八斗子站&深澳站約1小時,順道遊覽好山好水嘅北海岸。

2019年4月25日 星期四

【台北】無老鍋:西門町。中伏町

11 April 2019, Thursday

我地香港人堅係無老鍋HARD FANS……唔信?有BLOG有真相!

無老鍋 市民大道
http://www.kenmerry.com/2016/04/Wulao.html

無老鍋 新生南路
http://www.kenmerry.com/2018/01/wulao.html

無老鍋 中山北路
http://www.kenmerry.com/2017/06/La-li-zao.html
http://www.kenmerry.com/2018/11/taichung.html

神話都有幻滅嘅一日……

只要佢一開到去中伏熱點……士林呀,西門町呀果D!

今晚之後,我都唔知下次再黎台北時,仲好唔好一早係香港BOOK定枱……唉~

2019年4月24日 星期三

【台北】Simple Kaffa Flagship:完美的咖啡店。由一架路邊單車開始

11 April 2019, Thursday

2016年世界盃咖啡大師比賽冠軍吳則霖的Simple Kaffa 2.0興波咖啡新店,剛開業2星期。(新到GOOGLE MAP都未有RECORD)

Honey開完Lunch Meeting即刻走過去搵拉,好Lucky即刻有位,仲要係2樓樹景靚位~

新店裝修靚到爆炸!

每一個角度,都係一幅畫!

懸掛式的Open Kitchen,零死角,咖啡&甜品制作過程一覽無遺,猶如Live Show。

PMQ x Tai Koon 樂茶軒茶藝館:復活半日遊

21 April 2019, Sunday

人係懶嘅……習慣取易不取難!

十幾日前嘅台灣北海岸一日遊都未寫,就走去寫香港復活節長假中環半日遊~

冇他嘅,貼幾張相,HEA寫幾行字,又收得工囉,係有動力啲嘅!🤣🤣🤣

PMQ COFFEE AGENDA,復活節4日長假期間限定!

Lemongrass x 大角咀麥太甜品:虎落大角咀被雨欺

18 April 2019, Thursday

每次去完台灣,返台灣都趕住出黎送貨,鬼叫台灣D名產好多都1個月內過食用期咩~

龍媽ORDER咗嘅海邊走走就係1個好例子~

原本約好去深水埗食小炒,奈何天公不造美,唯有轉去地鐵沿線商場~

嘩!!!原來奧海城II期大裝修中,早知就唔黎啦~

【台北】小樹台越餐館:1個人的午餐。越慢越想食

11 April 2019, Thursday

9:00AM起身開洗衣機……11點幾進入騙人6分鐘模式……(6分鐘足1個鐘)

Google Map吓邊樹有好野食……

今日勁想食越南菜,揀咗要行10分鐘老遠的小樹台越餐廳。網上評論是好吃的,但上菜堅慢……果然名不虛傳!

12:20PM,全場得門口2個阿姨有野食緊!

其他12人呆等中……

台面1個工作人員都無,坐咗一陣先有個男人走出黎派點菜紙……

講嘢Lur埋一嚿都唔知佢講乜……

最後落咗餐,比埋錢,佢叫我自己攞餐具……頂……吉嘅D膠箱全部!

同佢講完先係廚房捧2盤筷子匙羹出來……攞完即拎張餐紙墊一墊……嘩!!!張餐紙好多黑色1點點嘅,好恐怖呀!

佢堅係倒瀉籮蟹……再有客人入黎佢帶位搬開枱面D野都可以將筷子倒晒落地嘅。

麵包鬆軟暖暖
咖喱稀如湯水,卻出奇地好味!香甜微辣,混雜了香茅、椰奶、檸檬的香氣,超讚!

2019年4月23日 星期二

【台北】老鮮樓:排場。台菜

12 April 2019, Friday

話說……我地約咗台灣朋友7:00PM係隔離巷嘅照島再生酒場食晚飯~

有香港朋友咁啱過咗黎台灣,咪撈埋一齊食晚飯囉~

大嘥鬼(前文:無老鍋,照島再生酒場)食唔夠一陣已經坐電椅咁……起咗身N次,走出房外N次~

落單唔夠1個鐘,我就無奈地坐咗係隔1條巷嘅餐廳~

2019年4月22日 星期一

【台北】照島再生酒場:不能吃進肚子的古董

12 April 2019, Friday

順序完出BLOG,又忽然倒序出BLOG,神經刀無章法,嘩咔咔咔~

今時今日,約朋友食飯歡聚,應該點揀餐廳?

環境靚?氣氛正?(1940年代的時計店,保育改裝成居酒屋,店內的鐘皆是照島時計店留下來的古董,啱晒要影相呃LIKE的朋友)

味道好?價錢平?(2串雞肉串先30蚊港幣,仲要樣樣都好味)

唔係極品嘅,我點會自己食完1次,再約唔同朋友黎2次?!須知道我舊年大BODY CHECK後,堅係洗心革面改變飲食習慣,我仲會隨便浪費自己試新野的QUOTA嗎?!

不過……我地身為偽文青嘅Taste係與別不同嘅!好野當然唔係人人識欣賞!(其他人唔識欣賞我都無辦法)

上了一整天課,攰爆!!!一放學就9衝落捷運,入咗閘先醒起要幫龍媽買海邊走走……唉……又出返閘……買完LaLa聲搬返去Service Apartment(仲要連埋上課工具材料包一齊,重到嘔),再趕出黎食晚飯,勢估唔到會1晚連走3場!!!(自殺Mode啟動)

2019年4月20日 星期六

【台北】一邨食堂:眷村菜。無期望就自然無失望

13 April 2019, Saturday

啱啱飲完下午茶,返Service Apartment坐陣,又出去食晚飯啦~

全日都落吓雨停吓雨咁,又遇著假期怕外面人多,加上聽日就要離開台灣返香港,都無Mood啦~

近近地行去圓山花博食算啦~

2019年4月19日 星期五

【台北】德樂咖啡:沉澱。下雨的週末

13 April 2019, Saturday

前2日暴走北海岸跑足1日,攰死~

尋日上足1日師資研修課,攰死~

從藝術修行得到的快樂,非金錢可以衡量~

晚上對著那些滿口錢錢錢,發達發達發達,為排場浪費大量食物的腥港人,實在反差太大~

聽日就要返香港~

我都需要沉澱一下~

係時候收拾心情……同埋行李!🤣

一路執執執,轉眼又到咗午飯時間,假期怕外面人多,附近又暫時無乜心水餐廳,索性「熝」碗杯裝米粉食就算啦~

執咗一個朝早,終於有D起色~

坐低抖抖順便Google吓附近有咩Coffee Shop可以嘆吓下午茶……

細細聲話你知,Google Map好有堅持,點都唔Show附近D好餐廳,要我自己逐條街逐個刀叉Logo Click落去睇卟咩料,相當費時!不過,係咁先會搵到好野~

好,出發!

很隱蔽的咖啡店,行過見到地下個牌寫住"Slower, Happier"……都唔知自己到咗,仲繼續向前行……

2019年4月17日 星期三

【台北】天下三絕:1秒由飽變餓。Bib Gourmand Michelin 2019 牛肉麵

9 April 2019, Tuesday

前排係香港睇到台灣D旅遊節目,介紹1間超特色牛肉麵,碗入面唔係1片片薄切牛肉,取而代之係3大支牛骨!份量嚇死人!

But……唔記得即時Mark低餐廳名……

好彩,突然有飲食新聞提到2019年米芝蓮車軚人推介有牛肉麵入圍,Click入去就正正係我臨急抱佛腳要找的晚餐之選……新進榜、位於大安區的「天下三絕」!

好,出發!

無預先訂位,要趕緊係餐廳開門前去排隊先得啦~

天下三絕有幾絕?1碗麵賣NT$500!新聞仲話好多大明星都係座上客(不過唔關我事,比我撞到都唔知佢係明星啦)。

排第1,Yeah!(燈都未開,職員仲食緊飯)

開門果刻,大概十幾人排緊隊~

2019年4月16日 星期二

【台北】COFFEE FLAIR:緣份遊戲。咖啡果乾汽泡水

9 April 2019, Tuesday

「一個人的午餐」系列昇華版!

上次亂打亂撞試到好餐廳,就梗係要帶Honey去試下啦!

尋晚食得太飽,成晚失眠,今朝8點半有Appointment,想補眠都唔得,無奈起床……慘!Skip早餐直接出發……完成咗2個Appointment,中間有D時間,終於識餓,先吃個Light午餐……

【台北】風來坊串串:日本人幫襯嘅一定夠地道

8 April 2019, Monday

「一個人的晚餐」系列昇華版!

上次亂打亂撞 試到好餐廳 ,就梗係要帶Honey去試下啦!

今晚日文主場,我哋畀好多枱日本客重重包圍。

曾經聽過一個Theory……喺日本以外嘅日本餐廳,如果有好多日本人幫襯嘅話,就一定係好嘢、夠地道!

🌟5月份準備起程前往名古屋,上網搵吓有咩必食餐廳,先發現風来坊來自名古屋,仲要係手羽先唐揚元祖,WOW🌟

【板橋】燒肉眾精緻炭火燒肉:NT$499燒肉吃到飽

8 April 2019, Monday

每次回台都必定要辦的重要事情……跟2位台灣美女聚餐聊天!

手工DIY女團成員要增添1員,可喜可賀!

點慶祝?「吃到飽(Buffet)」是常識吧!

朋友找到這家離捷運站幾分鐘的燒肉放題,NT$499起……

【台北】臨洋港生猛活海鮮:前總統第一次吃的熱炒100

7 April 2019, Sunday

熱炒100初體驗的目標……不過上次神推鬼擁,去咗另一間~

對熱炒店的好奇,始於幾年前一段新聞……
「2016年6月,卸任一個多月的前總統馬英九與前副總統吳敦義在熱炒店用餐,身旁只有隨扈,第一次吃百元熱炒,為招待特勤同仁辛苦,中午在附近拜會,就近在熱炒店聚餐。」

出發前打個電話去訂位,職員話今晚已Full要去現場排隊,想過放棄,但又想試吓……去到門口爆滿等候嘅人,心都寒埋,搵阿姐登記2位……直入!快到黎唔切反應,都無時間影門口個樣!(埋單走人時補影返)

【台北】藝風巷 x 圓山花博農民市集

7 April 2019, Sunday

今次台灣Studying Holiday出發事事不順……

機場車簽完卡又話Full Quota,要我改5月先用得……

5am起身Call Uber,司機唔識路,連機鐵香港站都未去過!只係向前UTurn少少就到,居然……係背脊放我地落車,搞到我地搬住3大件行李又上又落又上又落又上又落先去到市區寄行李個Lobby……(我地慳錢要去買2人同行車票)

結果機鐵又追車尾!

去到機場,明明已Online Checkin攞咗電子登機證,係都迫你「自助」 再印1張登機證,更離譜嘅係,個System不斷Prompt Error叫我地搵職員幫手,但我地揮晒手都無職員行過黎,火滾緊期間,個System又印登機證出黎,2次都係咁,個System……嘿……

Plaza Premium Lounge越來越多人,難搵位程度直迫中午1時的大X活!

上咗機,瞓醒咗幾次,Flight Delay 1 小時都仲係條跑道度未起飛!

落機手提行李多咗一重X光機檢查,肉肉無得留低!

2019年4月5日 星期五

敏華冰廳:渴茶餐廳的太古區

17 March 2019, Sunday

有時候,多人排隊都唔一定好嘅……口味呢D野,好情意結嘅……

加上早幾年太古區1間茶餐廳都無(一係唔開,一開又開返幾間),大家渴咗咁耐,都變得無乜要求囉~

就好似呢間文華冰廳咁!(我都未食過就改咗名做敏華冰廳,快手到呢)

今日行完山,見成個太古區都食到悶悶地,走去試吓先~

2019年4月4日 星期四

添好運點心專門店:唔坐車都可以黎食吓喎

28 March 2019, Thursday

4點半就食晚餐……應該係隔代遺傳嘅影響!😂😂😂

對添好運一D都唔陌生……只係估唔到佢開到黎西九~

2019年3月31日 星期日

Provence:藍法牛筋巨塔

22 February 2019, Friday

一向嘴刁嘅食神強力推薦嘅法國餐廳,當然要第一時間去潮聖啦!

普羅旺斯……率先聯想到嘅……係南法嘅薰衣草花田,其次就係我最愛嘅卡通《五星級大鼠》(英語:Ratatouille)!

位於APM旁嘅亞太中心,觀塘地鐵站一出就到。大鄉里出城,仲傻更更係Lobby排隊,原來扶手電梯都上到去。

藍色落地大玻璃門,入口旁放置咗28吋特大行李箱,大家準備好起飛未?Welcome to the Adventure of Provence!

2019年3月18日 星期一

Conrad Lobby Lounge:有進步的下午茶

11 March 2019, Monday

不經不覺已經8年……8年黎嘅今日,我都會同HONEY一齊,慢嘆日本菜……今年終於作出改變……(我亦即將再次踏足日本……唔計琉球影婚紗相果次)

黎酒店嘆AFTERNOON TEA……純粹因為有COUPON!(唔係嘅話我地邊有咁神心離開鰂魚涌區吖)

好記得第1次係同力仔黎食,B霸都有份係MAMA肚入面SHARE美味的時光~

第2次係我考到車牌,去金鐘運輸處攞完P牌順便過來慶祝一下~

對CONRAD LOBBY LOUNGE已經一D都唔陌生~

2019年3月12日 星期二

【深圳】南小館:素有驚喜

27 February 2019, Wednesday

大陸第三篇食記……南小館!嘩咔咔咔!(繼續香港味道!🤣🤣🤣)

喜茶飲咗3份1就閃人,早D去逛吓有咩餐廳食晚餐好過~

個商場都好大吓,係一面行去另一面都好攰……(咪忘記我地今日已經完成咗好多任務)

熟悉的面孔出現眼前……仲使乜考慮先!

【深圳】喜茶:唔係我地杯茶

27 February 2019, Wednesday

大陸第二篇食記……喜茶!嘩咔咔咔!🤣🤣🤣

利申:我係香港無飲過。

午餐後搞掂多3檔,雖然過程有D甩蹗,未能100%完成,但總算將基礎奠定。

Honey話要飲個下午茶獎勵吓自己~

近近地……CoCo Park!