網頁清單

2018年5月10日 星期四

無肉食:離開前請記緊自己收拾餐具

4 May 2018, Thursday

龍媽沉迷緊「生酮飲食減肥法」(Ketogenic Diet),好似話日日可以狂食肉,初一十五食吓齋就可以減肥。。。

各位BLOG友千祈唔好學呀!!!身體健康最緊要呀!!!(均衡飲食+運動先至係王道)

好,咁龍媽搵埋地方,訂埋位,咁出心出力,係咪值得加許先~(雖然無講清潔餐廳地址,人地有3間分店)


入座要先付款,訂幾多人要一口氣100%付清!(真係唔好約飛機友去)

CASH ONLY!

好,可以坐低拎野食啦~~~(之但係。。。我地個位比坐隔離個女人嘅手袋坐住咗喎)(又其實。。。櫈背貼櫈背,D位迫到根本無可能行出行入拎野食)


薑茶好夠薑。。。


炸物放大久變腍。。。(正常現象)


我6點幾去到,冬瓜盅已見底,無機會試。。。


紅豆糖水SO GOOD又唔太甜,綠豆糖水怪到爆。。。


拔絲香蕉勁硬。。。


畢加思索作品展。。。


我TOTAL食咗3 ROUND!!!想肥屎我咩你地!!!講咗N次唔再食BUFFEET架嘛!!!

前菜比較合口味。。。




注意!!!
注意!!!
注意!!!(因為好重要,所以講3次)

離開前請記緊自己收拾餐具!!!!!!!!!

話說。。。最遲到果位KAKAMA,一到步就話要轉場食甜品。。。一臉嫌棄樣!(BUFFET喎,飽到嘔仲要再食?)

KAKAMA又嫌棄人地飲品係熱!!!(吓?檸檬水明明室溫喎?)(都仲要嫌棄人無冰)

座位迫,出入係辛苦D。。。無計架,人地做到咁平,都要薄利多銷架!

KAKAMA非常不滿隔離位女士,話人地唔讓位比佢出入。。。其實全場人都係受害者,都要有位先讓到比你架,人人都唔夠位坐。。。

最後。。。

8點要交枱,當面夾錢時,KAKAMA一個華麗轉身走咗去!

我地3個O晒咀!!!

喂,呢度要自己收拾餐具架!!!

結果。。。

我地3個人要幫佢執枱,除咗餐具,仲有用過嘅牙簽&廁紙!!!

3個人SERVE佢,每人收10%,當然要收佢30%服務費啦!!!

有錢就是任性!!!

講吓笑啫,人地黑面塞錢轉身走!!!

嘿,你好有錢嗎?D錢多到可以比面色我地3個睇嗎?SORRY,果雞碎咁多(12蚊),買唔起我地樽鹽!!!我去7仔捐咗比無國界醫生幫你積福喇!

自己做錯仲發人爛渣,如何以身作則教育下一代?!


味道:★★★☆☆
環境:★★★☆☆
服務:★★★☆☆
衛生:★★★☆☆
抵食:★★★★☆

無肉食 ahimsa buffet
地址:佐敦 德興街8號 地下
電話:+852 2668-6658
網址:


沒有留言:

張貼留言