網頁清單

2018年4月15日 星期日

【台北】溫事:日本茶道初體驗

21 March 2018, Wednesday

機緣巧合,初次來到台北車站附近的溫事體驗日本茶道藝術~

啱啱係七條通食完台北4大鰻魚飯之首,好飽,慢慢散步過去二條通的溫事嘆茶。。。




係台灣搞文藝真係幸福過香港好多,可以租到咁有味道嘅獨立屋,係香港?講笑咩!

溫事內擺滿了兩夫妻的珍藏。。。置身其中,感受到滿滿的情感,很溫暖。。。




我一眼就搵到自己個名,開心喔~


店內珍品擺放得滿滿的。。。咁。。。係邊度體驗日本茶道呢?!


來來來。。。通往古日本之時光隧道。。。


一瞬間,美輪美奐的品茶室展現眼前。。。唔好睇佢簡簡單單,有名堂架。。。四疊半茶席!茶室規格揉合両儀、四方、四季、五行、五色、五常、八卦、四象,殊不簡單,非常講究。


光影的運用亦有計算。。。(暗中行事也是一種美學)


為咗令大家睇得舒服D,要開始落返D日系FILTER調返光D~



好嚴謹的AGENDA。。。除咗茶酒菓子,就連用咩杯、壺、器皿、托盤,插咩花,張TATAMI係邊度買,都全部詳細列明!勁誇張!


香合~


鹿兒島証等梅酒~原來品茶前係要先品酒,長知識~


越後切餅X北海道小豆~擺放筷子的方向都有含意,長知識~


鹽漬櫻花X松風園煎茶~


光影藝術!碗櫃外面只是普通的街景,加上太陽西斜就變出美美的畫面。


東京紅梅之橋~


SHOW TIME。。。


日本茶道太多禮儀&步驟要注意,到我發現時,杯茶已飲完,忘記拍照!被整個過程迷住我的心志,不再相機食先,100%沉醉於食物的藝術,回歸基本,哈哈!


GOOD SHOW!TIME TO GO!


THANK YOU TEACHER!


件件都係價值不菲嘅古玩。。。行步路都驚震傷佢地~


唔記得講開咩,提到Miniatures,陳老師問我有無見到店內的Mini雜貨店,哦,等我落樓下搵吓先。。。嘩,好靚呀!


陳老師話Mini雜貨店係台中有名的郭桄甄制作,郭老師仲係2樓茶室擺過Mini展覽。。。喔,咁橋?!我都有跟郭老師學習過喎!即刻同老闆係Mini雜貨店前影張合照SEND比郭老師睇吓先~


再傾吓傾吓,老闆以前都係IT人,溫事的網站&POSTCARD都是老闆自己制作的,一系列的明信片真係做得超美,啟發了我,回港後都要重做黏土課程的LEAFLET,還有創作Mini金繼的念頭。


咳。。。品茶承為NT$850 per head,傾得太開心,差D唔記得比錢就走人,哈哈~

弊,夠晒鐘啦,要飛奔去桃機捷A1站行李寄存箱接返阿仔(20KG),再即刻飛去機場搭飛機返香港喇!


發現舊大陸。。。環境正過一直去開果便NN聲,食物都多好多~(只差幾分鐘路程)




用黎做DATA SHARING部TABLET上到機死咗,仲死得好慘!!!自覺完成任務?!



出黎玩預咗要還!食得你咁喪吖喇~(返港翌日)(翌翌日又約咗台山四寶喪食,肥屎無人可憐)



味道:★★★★★
環境:★★★★★
服務:★★★★★
衛生:★★★★★
抵食:★★★★★

溫事 X 茶之器古書堂
地址:台北市 中山區 中山北路一段33巷6號
電話:+886 2 2521-6917
網址:www.studioss.com



沒有留言:

張貼留言