2018年2月7日 星期三

【台北】空肚迎擊寒流第2波

28 January 2018, Sunday

我返嚟啦~~~(走咗短短10日)

上次返嚟撞正寒流(第1波),最低都仲有攝氏9度吖,而且舊屋廳&房嘅冷氣機都有暖氣功能,留係屋內時根本唔使著外套。

今次返嚟「又」撞正寒流(第2波),最低得攝氏6度,新屋完全無暖氣,想凍屎人嚒?!

凍都算喇,仲要連落9日雨,使唔使做到咁絕先?!

唔通連個天都唔鍾意我?!


新聞報導:比「霸王寒流」凍更久! 連5天低溫10℃以下本世紀第二長
https://tw.appledaily.com/new/realtime/20180203/1291437/



出發前1晚11點幾,收到航空公司SMS:「受不可抗力影響,閣下的航班可能出現延誤或取消,旅客前往機場前,請留意機場最新航班資料。香港航空即時起豁免航班延誤或取消導致的改期費用,受影響旅客現可免費改期一次。不便之處,敬請見諒。」

喂,唔係同我玩野吓話?!我今晚約咗台灣朋友食晚飯,有好重重重要嘅包裹一定要拎到手架!!!(朋友過幾日要返大陸開會)(好彩,我地最後都6點幾到達,朋友又願意改地點遷就我地,總算有驚無險)


航空公司咁早就SEND SMS,仲要可以免費改期一次,成件事太可疑~

我金田一上身,發現1月27日南京去香港嘅航班全日所有AIRLINES都CANCELLED,包括國內的航空公司!!!

想改早一班機飛,電話完全無人接聽!!!

唉,我個胃又開始作反啦~

出奇地又無失眠喎~

CHECK—IN寄完行李仲唔轉身走咩,走到無雷公咁遠,個職員妹妹叫返我返轉頭,搞邊科?

原來DELAY有餐券送。。。我慣咗去LOUNGE HEA,比餐券我都無用,結果。。。


(土豪MODE)係麥當當買咗150蚊MUFFIN!之後3日早餐都靠佢地。。。


廣播!廣播!預備登機!


又過咗2日。。。(除咗第1晚係點水樓同朋友食晚飯,之後幾日做過咩食過咩都幾乎無晒印象)

趁唔大雨,去林口STARBUCKS獵櫻~


上次旅程靠GOOGLE MAP搵到幾間好餐廳,心雄了,今日再度出擊,落得損手爛腳下場~


一開門,狗狗極速飛撲出來狂吠(歡迎儀式),太驚喜,我一時招架唔住,嚇到叫咗出嚟,倒後褪,拉返埋度門。

可憐的狗狗被店員罵了一頓,我好內疚,明明佢先係主場。硬住頭皮推門入去。。。(入內後,為了表示我對狗狗的歉意,我跟店員道歉了3次)

配色很美吧~台灣人用色好大膽,效果又出奇地精彩~



睇完餐牌,都唔見GOOGLE MAP入面果張相—最強蛋牛治塔。。。唔想叫錯,比張相店員睇,店員話張相係客人自己擺盤。。。(那黃色醬&香草&大量牛肉&薯餅&沒有切半的麵包是客人自己帶來的嗎?!)


真面目係。。。


嘗試跟著照片擺盤。。。結果。。。(大家感唔感受到我果股小宇宙?!)


貨不對辦都算,仲要唔好味!

店員有問味道可以嗎,我運用台式答法:還好!

HONEY的燉飯。。。還好!


心情跌落谷底,外面開始落大雨。。。


味道:★★☆☆☆
環境:★★★☆☆
服務:★★★★☆
衛生:★★★★☆
抵食:★★★☆☆

Eat enjoy意享美式廚房
地址:新北市 林口區 文化三路一段390-1
電話:+886 2 2600-5881
網址:www.facebook.com/eatenjoy2/




沿著公園路走,風大雨大氣溫又低,好不容易到達街坊推薦的嘗櫻熱點—林口運動公園,結果。。。(我地咁辛苦為咩?!)(STARBUCKS果棵櫻花原來已經係全林口區最靚)


2度失望而回。。。

打算去飲杯咖啡,取取暖。。。

風大雨大氣溫又低,好不容易到達咖啡店,閉門維修中!!!OMG!!!今日咩事呀!!!


3度失望而回。。。

最後好似去咗燦坤買暖燈。。。(1日後,終於發現家樂福有得賣,平好多,唔係放係電器部,放係咕𠱸&賀年揮春中間,借問聲,有邊個會搵到,係咪真係想賣架?!)

(再1日後,見到新聞報導話暖燈會致癌,點解你唔早D POP出嚟呀?等我買咗你先講)

ANYWAY,檢查前的17:00晚餐!要流質!天氣咁凍,仲要無野落肚,我會唔會凍屎架?!

*用微波爐叮飯D白飯+豆漿煲到變成粥,我係咪好有頭腦呢,WAKAKAKA~

第2日。。。04:30。。。07:00。。。

11:30任務大致上完成,終於可以食野!好感動!好靚嘅便當,好好味!


午餐前應該有食過早餐,麻醉藥剛散,迷迷糊糊,都唔記得影相,亦唔記得幾點。

自助生果吧&沙律吧。。。


CANTEEN好似酒店LOBBY咁靚。。。


6星級的體驗!

總算完成咗最重要嘅任務,尋晚都無咩點瞓過,今晚要好好休息吓,聽日可以出街刷餐飽~

3 則留言:

  1. 祝妳
    新年進步!身體健康! 開開心心!幸福愉快!

    回覆刪除
    回覆
    1. 多謝!我都祝你心想事成,足跡遍全球!

      刪除
  2. 🎈🐕恭喜2Ѽ18🐶福到你家🐩
    •✿•───•✿•───•✿•🌺
    ╔════╗╔═════╗🌸
    ╚═╗╔═╝║░░╬░░║
    ░░║║░░╚═════╝
    ╔╗║║╔╗╔═════╗
    ╚╝║║╚╝║░░╬░░║∧∧
    ░░║║░░║░░╬░░║・ω・)
    ░░╚╝░░╚═════╝⊂ノ。゚
    •❀•───•❀•───•❀•🌷
    🌼祝福2Ѽ18💐開心萬事得🌻

    回覆刪除