早幾日貓兄問大家有無興趣去跟ＷＷＦ學煮海鮮，免費！！！
嘩！！！免費咁筍？！去！！！
行緊去學車，唯有麻煩貓兄幫我報埋名～
到咗上堂果日，本來想食好Ｄ先上堂，點知集合後都好似無咩時間剩，最後急急食個麥記算啦～
第１次黎呢個新嘅煤氣烹飪中心（香港銅鑼灣利舞臺9樓），靚到呢～
學煮海鮮之前，先學吓點樣食海鮮先叫做環保。
今日嘅其中１樣食材係來看澳洲嘅大蝦，大家買海鮮時要認住右上角個ＭＳＣ標誌！
老師開始示範，學員們都聚精會神。
話咁快就示範晒２款美食，一下子真係記唔到咁多，好驚，無信心～
好，先幫Ｄ鮑魚洗白白。。。
與此同時，將蒸軟咗嘅鹹蛋黃壓成粉末。。。
咁大隻鮑魚原來蒸５分鐘就得！好方便呀！老師教話用支牙籤插到入去就係熟。。。
好，冰鎮住佢地先。。。等一陣拎返出黎去殼，係個底度鎅個井字，放入冷汁浸一晚就食得，原來煮鮑魚方便到爆！我而家充滿信心啦～
好，鏡頭一轉，又返翻黎蝦球現場。。。咁多位酥蝦已經ＲＥＡＤＹ（脫殼去腸）。。。
♫一個為你甘去蹈火海的人
必再回來會他熱戀的戀人
情人求你等我
無人能阻我
再度來共你重新
激烈擁吻♫
我的人生第一炸！！！Precious Moments！！！
事不宜遲，炒埋個鹹蛋黃先。。。要ＣＲＥＡＭＹ果隻。。。
落埋個蝦，落堂，ＧＯＯＤ ＢＹＥ ＣＬＡＳＳ！！！
哈，唔使咁心急，影埋張相先啦～
ＤＡ ＤＡ。。。涼拌鮮鮑魚Ｘ鹹蛋黃蝦球！！！有圖有真相，真係我同貓兄夾手夾腳整架！
當然要同ＷＷＦ個ＬＯＧＯ影張合照啦，要多謝ＷＷＦ，免費有野學有野煮有野食Ｄ料仲要咁重手，邊有咁大隻蛤乸隨街跳架，真係吖。。。
最後當然要同導師黃倩霞合照！（碟蝦係借人地果碟，我地果Ｄ入晒食物盒）
今日發現自己煮海鮮原來有Ｄ天份，無出現雞手鴨腳情況，煮出來味道仲似模似樣。
連我呢個地獄廚神都煮得出咁美味嘅菜餚，老師，你係得嘅！Ｉ ＬＯＶＥ ＹＯＵ！
煤氣烹飪中心 Towngas Cooking
地址：銅鑼灣 利舞臺9樓
電話：+852 2576-1535
網址：www.towngascooking.com
沒有留言:
張貼留言