網頁清單

2018年1月6日 星期六

金撈老鴨湯刺身火鍋專門店:我飲咗最少4碗湯,但原來唔係人人識欣賞

9 December 2017, Saturday

同貓兄係銅鑼灣煤氣烹飪中心學煮完WWF海鮮,隨即要飛身去佐敦同台山四寶食晚飯啦~~~

弊啦!遲到喇,遲到喇,行快D啦喂~~~



睇返呢張相,我地只係遲咗8分鐘,但餐廳內"You-Know-Who"面色異常地DARK!!!(佢平時自己次次都遲到,一遲就30—45分鐘閒閒地,唔係8分鐘都咁睇唔開呀)


我唔慣睇人面色,都係轉移視線睇餐牌。



落好單,撈TIME!


竹蔗水足料,唔太甜,好飲!


金撈老鴨湯好正,我飲咗最少4碗!但原來唔係人人識欣賞,"You-Know-Who"同貓兄都話無特別。


飲唔晒D湯,會加火鍋湯底落去打邊爐。我剩係食煲湯嘅鴨肉都飽咗一大半。

火鍋材料新鮮,冰黑豆腐大家唔係太識欣賞。








埋單成桶珍寶珠隊埋來,我要減肥,你地3個食啦~


走人時路過糖坊甜品(佐敦文蔚街23號地舖),大家又被吸咗入去。。。又話減肥?仲飲咁大杯抺茶紅豆?!出奇地幾好飲喎,落足料,好有HEART!


呢D佢地嘅,唔關我事!



味道:★★★★☆
環境:★★★☆☆
服務:★★★☆☆
衛生:★★★☆☆
抵食:★★★☆☆

金撈老鴨湯刺身火鍋專門店 Kum Lo Hotpot
地址:佐敦 文昌街25-47號文昌樓地下41及43號舖
電話:+852 2332-7600
網址:




題外話。。。

背後放暗箭唔係我風格,你鐘意咁嘅溝通方式,我就勉為其難同你玩一次!

記住,係你,係你用咁嘅表達方式先嘅,唔好等陣又玻璃心怪人用同樣嘅表達方式!

話說,上次係台灣專程搬「三十日就會過期嘅麗馨姐養生核桃棗」返來,原先一番美意,結果搞出好大風波,化成爛攤子!大家唔想事情再惡化,搞到我要分幾次送貨!

今日的DARK FACE可能係上次嘅餘波都未定。。。

咁好啦,再對上幾次炑八韓烤 ,龍媽買比我嘅POPCORN手信,你居然話要用錢同我買,我唔知自己幾時變得咁窮,連好朋友千山萬水搬返來嘅手信都要變賣!

見你未食過,咁想食,我咪專程去圓山車站搬返黎,我只敢買3罐,多都無,自己都無得食,咁辛苦為咩先?!咪為氹朋友開心啫~

今日約出黎食晚飯都係為咗DELIVER呢份禮物,比你時你個樣嫌棄到爆,話自己個囡唔鍾意朱古力味。。。

貓兄都即刻爆佢:係送比你,唔係送比你個囡!

你先講話自己都唔鍾意朱古力味。。。(咁奇怪?!!!)

咁嫌棄,比返我,唔好勉強,我自己都無得食!(3個鐵罐加埋等於半個HAND CARRY喼)

係我迫問之下,你先講自己對上一次去台灣有買過來食。。。

咁好啦,以為故事就咁完啦~

勢估唔到,有人過2晚即刻係FB發相,原來人地係買咗1箱10罐POPCORN,卻一直絕口不提!

相片標題:花花邦妮😍😋😄✌
回覆留言:有點中伏,我都覺得一般😅

嘩,好精神分裂啫,又心心眼又LAM晒脷。人地留言話一般般,你就即刻話中伏。

做埋晒D小動作。

講完!


⭐✨🌟2017年最後一篇文,YEAH!

沒有留言:

張貼留言