網頁清單

2018年7月8日 星期日

Lady M:SWEET到入心入肺

24 June 2018, Sunday

2018年Q2最後一BLOG~ (其實夜晚仲有一餐街坊菜館, 但影得三兩張相, 算吧啦, 懶呀)

疊埋心水等寫紐西蘭遊BLOG~ (仲有足足3個月, 啫係休BLOG 3個月? wakakaka)

12點半, 早餐都未食, 就食甜品? 好癲啫!!!

阿Q話要咁早條龍先會短D, 唔係嘅, 打半打蛇餅閒閒地~ (哦... 係嘅係嘅... 我鄉下仔出城, 第一次食Lady M咋)


排咗10分鐘左右, 終於有得揀餅!!! Yeah!!!


海鹽焦糖千層蛋糕 $75
椰子千層蛋糕 $75
抹茶千層蛋糕 $75
玫瑰千層蛋糕 $75
原味千層蛋糕 $68
栗子蛋糕 $62


用叉橫切落去, 每一片都有咔喇咔喇嘅存在感, 好利害!

單食CUT CAKE已經SWEET到入心入肺~

我唔飲野喇, 怕肥呀!!! 醫生話1星期只可以食1片精緻澱粉質, 今個星期嘅Quota用得好值得!!!


多謝高人引路!!! (你咁鬼識食, 不如我個BLOG飲食果PART交比你打理啦, 你唔似我, 你大把Quota可以盡情食食食, 哈哈哈)


味道:★★★★★
環境:★★★☆☆
服務:★★★★☆
衛生:★★★★☆
抵食:★★★★☆

Lady M
地址:尖沙咀 海運大厦二層OT215K商鋪 (海港城)
電話:+852 2873-2356
網址:ladymhk.com



韓半島:食物無樣好味!

21 June 2018, Thursday

台山四寶為"You-Know-Who"搞嘅慶生飯局!

(因為某某搵中間人勒令本人更改某某自己取名嘅代號,所以從此以後,某某舊代號將係本BLOG劃上句號,從此消失)

大部分時間都食韓國菜,尖沙咀D韓國菜都差不多比我地食過晒~

話說厚福街8號H8都就黎比我地食齊晒咁多層~

龍媽戒緊口,我就出緊大水泡食乜都死戒口都無用。。。

2018年7月5日 星期四

【林口】中環茶餐廳:100%香港味

9 June 2018, Saturday

#被迫遷 #唔見咗結婚戒指 #隻腳起大水泡要食類固醇+抗生素 #上唔到陽明山睇繡球花 #去唔高美濕地睇日落 #超級黑氣石

執執復執執, 唯聞女歎息。(負傷苦命人)(斷捨離)(閉門失竊行李枰)

進入倒數階段,最後2日,執到虛脫。。。

食晒藥隻天殘腳都無好過,好驚,決定去睇多一次皮膚科醫生~(6月4日跛住去睇醫生時,遇著漢光演習—全國性防衛作戰的軍事演習,傻更更越過3個警察繼續向前行,好彩最後女警大聲叫HELLO,我地先識停低,否則應該已經被辣低)

睇完醫生,等BUS期間,發現旁邊有間港式茶餐廳。。。嘩!!!好想試呀!!!(離開咗香港14日啫,就咁思鄉喇,要再走耐D咁點算呀?)

【林口】老四川巴蜀麻辣燙:攞幾滴豉油都要經職員落單

8 June 2018, Friday

#被迫遷 #唔見咗結婚戒指 #隻腳起大水泡要食類固醇+抗生素 #上唔到陽明山睇繡球花 #去唔高美濕地睇日落 #超級黑氣石

執執復執執, 唯聞女歎息。(負傷苦命人)(斷捨離)(閉門失竊行李枰)

進入倒數階段,最後3日,執到虛脫,出街食D野先。

2年前去Vis Cafe 飲咖啡時,咖啡師推薦過老四川,想試好耐,近排林口Outlet附近開咗間,即去!

2018年7月2日 星期一

【台北】豐盛食堂:台灣農家菜。遊客呷飽之選

7 June 2018, Thursday

啱啱係隔離框影咖啡比3D立體貓咪咖啡療癒咗4個鐘,抖都唔抖吓,又即刻食晚餐喇!肥屎你呀!!!

台灣朋友推薦豐盛食堂,話佢個香港朋友次次黎台灣都一定要去咁話喎~(咁堅?咁就要試吓喇)

遲多2步都無位啦真係,6點半咋,已經要搭枱!

嘩!入面D裝修好懷舊喎,咁多影相呃LIKE位,唔怪得之個香港遊客次次都要黎啦~(我好專一架,只會愛女娘的店,好掛住老闆娘呀)

【台北】框影咖啡:療癒系。3D立體貓咪咖啡

7 June 2018, Thursday

吊頸都要抖吓氣!(抖埋今日好啦,星期日要飛返香港架啦,仲有大把野未執架)

不知何日君(ME)再來。。。(我決定咗,要重新向世界出發,環遊世界!)

幾忙幾辛苦幾跛腳都好,都一定一定要同第1個台灣朋友見吓面飲吓茶吹吓水~(由2點半傾到6點半,超誇張DER)

台灣朋友搵咗3D立體貓咪咖啡店,我舉腳讚成啦!幾年前香港HC剛有同類店時,串到話去到潮聖都唔一定會拉花比你,叫人點去呀?!

我發雞盲,睇咗好耐都唔知點上樓。。。

2018年7月1日 星期日

【台北】瑪黑家居 x P&T 柏林茶館:德國以外第一間分店

6 June 2018, Friday

試完杭州小籠湯包,跟咖啡職人去見識完土耳其咖啡,咖啡職人再帶我地去見識佢最愛嘅CAFE!

聽講Paper And Tea柏林以外嘅第一間分店,就係落戶於此!WOW。。。好勁呀!

我地上次去Cafe' a' la mode有路經呢度,都唔知咁大來頭!

2018年6月30日 星期六

【台北】一步一步來:土耳其咖啡占卜

6 June 2018, Friday

試完杭州小籠湯包,咖啡職人帶我地去見識吓土耳其咖啡!

【台北】杭州小籠湯包:蔥油餅好味到停唔到口

6 June 2018, Friday

早排去龍山寺飲咖啡探班,咖啡妹妹話會去香港轉機有半日偷雞出市區飲飲食食,問我意見。

一講到食,大家雞啄唔斷,另一位咖啡妹妹對香港的食店都幾有研究……講到台灣小籠包,佢就推薦杭州小籠包。(果陣杭州小籠包都未登上米芝蓮推介)

時隔多月,終於有緣一試。

【台北】山海樓:食神推崇。精緻台菜

4 June 2018, Monday

每年64我都會食齋,前年&今年因朋友到訪台灣而破例,罪過,罪過。

今晚有食神引路,又有咖啡職人捧場,可謂星光熠熠!錯過咗就走寶啦喂~

呢間山海樓搬過屋黎,曾經暫停營業咗幾個月。食神話知道佢開返之後,未夠1個月就衝黎食!(嘩!有咁吸引?!聽到我Bling Bling 眼)

唔記得影餐廳外觀。。。

2018年6月18日 星期一

【台北】陸光小吃館:初嚐眷村菜!八大菜系REMIX無限創意

31 May 2018, Thursday

眷村。。。50-60年代國民政府撤退去台灣,軍眷聚居之地。

當年物資貧乏,來自五湖四海的軍眷發揮「食得飽+食得好+食得巧」的精神,將八大菜系REMIX無限個人創意,變出充滿台灣特色的眷村菜!

2018年6月14日 星期四

【台北】哈亞極品咖啡:啡,全部都係啡

31 May 2018, Thursday

話說,今晚約咗朋友食晚飯,出開城囉,當然要去嘆吓咖啡啦~

咖啡職人推薦,當然有返咁上下~

【台北】尾張 雞三和:150年名古屋親子丼。海外第一家店進駐台北車站

30 May 2018, Wednesday

去完袖珍博物館撤館,試埋咖啡職人推薦嘅咖啡室,趁停雨,雞咁腳LAY返入捷運,邊樹都唔敢去,結果去返小精靈訓練員聖地—台北車站STATION HALL!

尋晚先食完大戶屋,無理由今日又再食架...

行咗1個圈,發現3家排隊店,就試其中一家啦~

2018年6月13日 星期三

【台北】The FOLKS:無門牌嘅咖啡室

30 May 2018, Wednesday

袖珍博物館為期半年的展覽已經結束,下午2時親自撤館,隨即前往咖啡職人推薦的咖啡室嘆咖啡~

TAXI司機亂入巷仔,不停話佢知係後面條巷,講咗超過30次都想求其趕我地落車。。。

好唔容易去到。。。原來得幾個位,好彩仲有位坐(可惜冷氣吹唔到),唔係就真係慘囉~

【台北】第一夫人咖啡:避吓雨,沖吓啡

29 May 2018, Tuesday

嚟咗台灣咁耐都未去過圓山飯店,總有D怪怪地咁,今日終於有機會嚟一探究竟。

空腹咗12小時,力戰咗個So-So Lunch Buffet。

飯後參觀完後園+前園,返後園飲杯野(嘆冷氣)… 保安叔叔強調一定係同第一夫人頂帽影合照喎…

【台北】圓山大飯店松鶴廳:遊覽為實的Lunch Buffet

29 May 2018, Tuesday

#被迫遷 #唔見咗結婚戒指 #隻腳起大水泡要食類固醇+抗生素 #上唔到陽明山睇繡球花 #去唔高美濕地睇日落 #超級黑氣石

嚟咗台灣咁耐都未去過圓山飯店,總有D怪怪地咁,今日終於有機會嚟一探究竟。

2018年6月1日 星期五

【台北】油花炭火燒肉專門店:胡同的替身

28 May 2018, Monday

食神約食飯,舉腳贊成啦~

胡同燒肉一位難求,食神發板轉場去大安區。

【台北】沛洛瑟珈琲店:書中自有咖啡屋

27 May 2018, Sunday

38.2度!台北破百年5月最高溫!!!

難怪uber司機都問:你們來台灣玩命嗎?(他說:Sorry,打多咗1隻字。我答:嘿嘿,沒有錯,是真的玩命)

完全無約嘅情況之下,撞啱同食神一班機,佢帶咗我地去AE Lounge,食物不比 PLAZA PREMIUM LOUNGE好(無得食魚蛋河),空間更少,贏在酒吧區,有法國星星汽泡水任飲!

托朋友鴻福,唔洗排隊Check-in,到埗後,行李已等緊我地。

約好聽晚一齊食烤肉後,分道揚鑣……

今晚倆口子先來個街坊版吃到飽火鍋……(難食到不堪,肉類菜類飲品類都差差差差晒,由中等肉降至下等肉,蔬菜都差晒,一瓶瓶嘅特式台式飲品-冬瓜茶/檸檬酸梅湯/菊普都無埋,失望中嘅失望)


28 May 2018, Monday

隔天飛奔到西門町幫學生交功課,交完鬆一口氣,安落晒囉!希望佢都可以好似我咁一Take Pass!

旅遊mood開動!第一站:嘆咖啡!

咖啡職人推薦,又近西門町,坐小黃過去都唔過份吖,天氣咁熱……(天涼時係可以行到過去嘅)

2018年5月29日 星期二

茶茶居:步步為營

25 May 2018, Friday

太古人的集體回憶……美心皇宮……已分拆成貴價food court,雖然裝潢是很不錯,賣的卻是快餐質數,味道令人卻步。

過2日就離港,真係好想好想食點心,夜麻麻,醒起呢度有得食,儘管一試。

SP Flower & Tea Room:CAKE比花嬌

21 May 2018, Monday

太古城新開的甜品店,走優雅田園風,開了一段日子,人流一直少得可憐。

2018年5月14日 星期一

和平小飯店:攞獎叉燒燒鵝

8 May 2018, Tuesday

放工坐叮叮過去呢頭都方便,同HONEY會合後原本打算食齋BUFFET,不過係附近的地膽推薦我地去食叉燒,就試吓啦~

CIAK - All Day Italian:米芝蓮三星大廚 BOMBANA Umberto 高度推薦

1 May 2018, Tuesday

復活節開工,勞動節收工!
個個都去玩,唔通真係個個都去玩咩?!
放假先黎開工,唔通連個天都唔鍾意我?!

辛苦完幾日,終於告一段落,好應該好好慰勞吓疲憊嘅身軀~

唔去得遠,HONEY建議去太古城中心米芝蓮推介(Bib Gourmand)嘅意大利餐廳食PIZZA。

嘩!假期週圍都勁多人排隊,好彩呢間都仲有位,因為都唔平,坐低開支水都幾廿蚊。

2018年4月22日 星期日

炑八韓烤:臨危受命

23 March 2018, Friday

2018年Q1最後一篇BLOG,全部BLOG清貨,YEAH!

貓兄發現和宜合道抵食Burger Semi-Buffet,想搵大家一齊去試吓。。。

可惜我真係堅唔想再去果條我返工返咗十幾年嘅街。。。

去超級工廠區入面新開的酒店,仲要3小時來回,我接受唔到囉!

後尾貓兄又搵到$68素菜BUFFET,係大角嘴。訂好晒位,當日先發現唔係$68,限時限刻,龍媽又要遲1個鐘到,覺得唔抵,即日決定改地點!

最後因貓兄要去太子區,4寶唯一共同最愛係韓燒,我HEA搵咗金都商場附近的炑八韓烤,雖然我地之前已經係CWB食過。。。

2018年4月15日 星期日

【台北】溫事:日本茶道初體驗

21 March 2018, Wednesday

機緣巧合,初次來到台北車站附近的溫事體驗日本茶道藝術~

啱啱係七條通食完台北4大鰻魚飯之首,好飽,慢慢散步過去二條通的溫事嘆茶。。。

2018年4月14日 星期六

【台北】濱松屋:台北4大鰻魚飯之首。。。又搬咗屋

21 March 2018, Wednesday

台北4大鰻魚飯之首,搵朋友去食飯永無投訴之選!

前日去淡水無極天元宮欣賞完100%櫻花盛開盛況,以為行程就咁就完滿完結,疊埋心水執行李今日返香港。。。點知。。。世事未能盡如人意。。。估唔到。。。仲有更加精彩嘅旅程等緊我地!!!

HONEY尋日朝約咗朋友飲COFFEE。。。離開咖啡店時,朋友話聽日約咗茶師品茶,仲帶我地入去轉角雜貨店嘅閣樓參觀,嘩,好靚呀!!!朋友問我地聽日有無興趣JOIN。。。我:好呀!!!好呀!!!

咁高興,不如去食埋鰻魚飯先去嘆茶啦~YO~

憑記憶行去鰻魚飯度,仲爭幾步路。。。咦?咁嘅?一樣名嘅?!再行返去舊舖,已經變咗酒吧。。。(查實GOOGLE地圖係指去再對上一個舖位,無雷公咁遠,上次朋友去錯再TAXI過返黎已經過鐘唔比入)

2018年4月13日 星期五

【台北】麵匠坐坊うどん本店:純粹路過

20 March 2018, Tuesday

尋日去淡水無極天元宮欣賞完100%櫻花盛開盛況,以為行程就咁就完滿完結,疊埋心水執行李聽日返香港。。。點知。。。世事未能盡如人意。。。估唔到。。。仲有更加精彩嘅旅程等緊我地!!!

HONEY今朝約咗朋友飲COFFEE。。。去返上次唔比影相的Coffee Sweet 自家烘焙咖啡館。。。今次有職人引路,推薦坊間罕見之咖啡豆,加埋老闆親自虹吸烘煮,再加埋職人講解,咖啡味道果然不同凡響。。。

離開咖啡店時,朋友話聽日約咗茶師品茶,仲帶我地入去轉角雜貨店嘅閣樓參觀,嘩,好靚呀!!!朋友問我地聽日有無興趣JOIN。。。我:好呀!!!好呀!!!(喂!阿姐!你聽日要搭飛機架!有得食玩就咩都唔理!)

OK,明天的事明天先算。。。

食咗眼前餐LUNCH先啦~

再轉多個街角,大把日本餐廳。。。未開!!!得呢間有得食,價錢尚可付得起。。。入去啦~唔好諗咁多喇~

2018年4月12日 星期四

【淡水】淡水無極天元宮:100%盛開之櫻花

19 March 2018, Monday

一直都知道淡水無極天元宮櫻花開得好利害。。。

一直都知道淡水無極天元宮位置好偏僻。。。

就係唔知道。。。原來有FREE SHUTTLE BUS係淡水捷運站上去!!!仲要勁多車!!!

愛得太遲!!!

最大嘅果棵櫻花,聞說前年已香消玉殞!!!無緣相見。。。

HONEY今次旅程連續威威咗幾日,玩到個心雄埋,竟然戚起條根話要去淡水無極天元宮賞櫻!(新聞話今日櫻花將會100%盛開)

吓?咩話!我下午2點—4點有個重要約會喎,係小巨蛋。。。

HONEY心意已決,唯有奉陪到底。。。

朝早10點幾UBER出發,12點正就到門口!(司機話HIGHWAY好塞車,選擇行山路去,結果係臨去到附近開始有交通管制先塞咗一陣)

未準備好落車,就有個女人抱住個BB開我地車門,嚇得我吖!原本佢地CALL咗呢架UBER,洗唔洗咁心急呀?好無禮貌囉咁!

停車場今日化身FREE SHUTTLE BUS公車站。。。

停車場旁邊的花海+人海!!!(尖叫-ing)

2018年4月11日 星期三

【台北】壺同燒肉夜食三號店:偶遇有緣人

18 March 2018, Sunday

今日食咗2餐下午茶!板橋嘅四大甜點店—澎派

今日食咗2餐下午茶!2016年世界盃咖啡大師比賽冠軍—Simple Kaffa

仲唔返歸?回頭是岸呀,師主!

有食未為輸!減肥呢D掃興野遲D返咗香港先講!

Miele Asia Top 500之一嘅胡同燒肉,每一次係台北偶遇有緣人都一定要帶佢去食,永無失禮!

食過4間分店無數次,有時都唔記得邊間食過邊間未食過!(嘩,好大口氣呀,抵你肥死)

壺同燒肉夜食三號店明明有同朋友食過,居然GOOGLE MAP上面的星星MARK不見了?!居然無室寫BLOG?!嘿嘿,我堅係食到好亂呀~

3號仔,WE'RE HERE!

【台北】Simple Kaffa:2016年世界盃咖啡大師比賽冠軍

18 March 2018, Sunday

啱啱係板橋嘅四大甜點店—澎派飲完下午茶,仲要被迫飲2杯,出到黎台北市又再食下午茶,唔肥死就怪啦吓話!

Simple Kaffa創辦人吳則霖,於2016年奪下世界盃咖啡大師比賽冠軍!唔係唔潮聖吓話~

跟著GOOGLE地圖上的地址行,只會不斷圍著大廈背部繞圈子。。。

入面原來正是從前路過N次的地方。。。

【板橋】澎派:蛋糕件件都靚爆鏡

18 March 2018, Sunday

板橋必吃的四大甜點店!

有當地人推薦,當然有水準!

約咗台灣朋友飲下午茶,早到咗,餐廳已經有人等位,我地登記咗,HONEY就提議去附近睇歷史建築—林本源園邸!(行程洗唔洗咁充實呀?!)

結果RUNNING MAN上身!!!大遲到!!!明明早到45分鐘變遲到45分鐘!!!朋友已經開始嘆緊CAKE啦~

【板橋】林本源園邸:聶小倩之家

18 March 2018, Sunday

尋日1日4篇BLOGS!今日如是~

唉。。。寫到呢度,我終於明白,我點可能唔肥呀,日食夜食到咁!!!唔怪得DD姐多年前已好唔忿氣咁表明個天好唔公平,話我食咁多肥咁少!

前2日都係HONEY威晒,今日佢繼續食住個勢。。。

約咗台灣朋友飲下午茶,早到咗,餐廳已經有人等位,我地登記咗,HONEY就提議去附近睇歷史建築—林本源園邸!(行程洗唔洗咁充實呀?!)

板橋林本源園邸,是目前臺灣僅存最完整的園林建築。臺灣南北各地都有建築優美的園林,其中以臺南吳園、新竹北郭園、板橋林本源園邸、霧峰萊園最為有名,並稱「臺灣四大名園」。  

林本源園邸的興建時間約在光緒初年,於光緒14年增修,至光緒19年全部完工。從民國三十八年後屢遭破壞而日益傾頹,歷經多位文物專家根據考據,多次整飭修建,現在恢復了昔日的部分舊貌。

新北市居民免費入園。。。


2018年4月10日 星期二

【桃園】姜虎東678白丁韓式烤肉:好深韓

17 March 2018, Saturday

1日4篇BLOGS!

威威HONEY桃園忠烈祠。。。

地雷攝石ME壽山巖觀音寺。。。

威威HONEY紅果子手烘咖啡坊。。。

我完全放棄搵地方架啦!!!DINNER交(推)比HONEY發板啦!!!

無訂位,星期六,5:30PM。。。竟然仲有位,LUCKY!!!(埋單走時已排晒長龍)

在地人推薦,又近火車站(返歸),當然要試吓啦~

【桃園】紅果子手烘咖啡坊:臥虎藏龍

17 March 2018, Saturday

HONEY真係叻仔到爆,好識得搵地方玩。。。尋日先威威完(2018桃園彩色海芋季),今日又比佢威多一次(桃園忠烈祠)。。。

我就繼續地雷攝石(壽山巖觀音寺)。。。UPSET!!!

我放棄啦!!!下午茶&DINNER交(推)晒比佢發板!!!

看似普通的咖啡店,店主來頭可真不小。。。卡片印住:—
City & Guilds 英國認證國際咖啡師
City & Guilds 歐盟認證國際咖啡師
iCAP勞動部咖啡飲料調配師
SCAA美國精品咖啡一級烘焙大師

【桃園】桃園忠烈祠暨神社文化園區x壽山巖觀音寺:有收穫又有地雷

17 March 2018, Saturday

HONEY真係叻仔到爆,好識得搵地方玩。。。尋日先威威完(2018桃園彩色海芋季),今日又比佢威多一次。。。

出發前去上次食過幾好味嘅大麥町手工精嚷啤酒餐廳食個飽LUNCH先~

行過去餐廳途中,見到勁靚櫻花,風吹過時仲落起櫻花雨,好靚好浪漫!之前2日千山萬水去搵果D櫻花,竟然都比唔上朋友屋後幾分鐘路程的櫻花,人生,多麼的諷刺。

眾裡尋他千百度,驀然回首,那人卻在燈火闌珊處。

2018年4月7日 星期六

【桃園】2018桃園彩色海芋季:比較鍾意陽明山的自然種植

16 March 2018, Friday

2個月前剛搬完屋,又做埋超級BODY CHECK,幾日前擺完人生第一次手作市集,2018年忙到爆廠!

而家算唔算係放假輕鬆吓?!(比我開心埋呢幾日,惡夢即將來襲,好快又要再搬屋,人都癲,我可以爆粗嗎?)

HONEY而家好叻仔,好識得搵地方玩。。。今日又比佢威多一次。。。

開始咗幾日嘅「2018桃園彩色海芋季」,係桃機捷A18站/高鐵桃園站有免費穿梭巴士接送,正到痺,即刻去吧!

去得A18,當然要幫襯吓Gloria Outlets啦!難得的藍天,得幾秒架咋~

2018年4月6日 星期五

日 · 悅極尚日式放題:上菜速度快

8 February 2018, Thursday

又話以後都唔再食BUFFET嘅???

食完又食,食完又食,食完再食。。。

我應該唔係中咗不瘦降,識著你幾位人生知己,開心背後要付出沉重代價!

剛搬完屋,又做埋超級BODY CHECK,見係團年飯就同你地癲吓啦~

黎緊要擺人生第一次手作市集,將會忙到爆廠,食埋呢餐等坐監(工作室)!

唔多寫啦,睇相啦大家~

簡單總結:食物比預期中好味,唔算難食,上菜速度快,無咩點漏單,整體滿意!

【林口】聖馬汀咖啡工坊:DREAM HOUSE

4 February 2018, Sunday

仲有1日就要返香港啦~

好唔捨得走呀~

日日都落雨,唔通真係日日都落雨咩~(係,真。係。日。日。都。落。雨)

報吓天氣先。。。

現時氣溫:攝氏8度!今晚會跌至攝氏7度,聽朝會跌至攝氏6度!FREEZING...

面對再惡劣嘅天氣,我地無畏無懼,爭取最後機會,繼續勇闖林口咖啡店!

目標咖啡室話遠唔遠話近唔近,CALL TAXI驚比司機鬧,唯有冒住嚴寒天氣,雨中慢步,穿過世大運選手村,邁向目標...

林口其實仲有大把地。。。睇吓D樓幾矮。。。


DREAM HOUSE呀!!!!!!!!

【林口】大麥町手工精嚷啤酒餐廳:禦寒秘寶。藥燉羔羊煲

4 February 2018, Sunday

仲有1日就要返香港啦~

好唔捨得走呀~

日日都落雨,唔通真係日日都落雨咩~(係,真。係。日。日。都。落。雨)

報吓天氣先。。。

現時氣溫:攝氏8度!今晚會跌至攝氏7度,聽朝會跌至攝氏6度!(低處未算低)

面對再惡劣嘅天氣,我地無畏無懼,繼續勇闖林口!

今次間餐廳勁近,行幾分鐘轉個彎就到。。。單睇外表,仲以為佢係傢俬舖。

2018年4月5日 星期四

【林口】林口55號咖啡:結合工作與生活的夢幻咖啡店

3 February 2018, Saturday

仲有2日就要返香港啦~

好唔捨得走呀~

日日都落雨,唔通真係日日都落雨咩~(係,真。係。日。日。都。落。雨)

報吓天氣先。。。

現時氣溫:攝氏7度!(仲凍過溫哥華呀,陰公)

面對再惡劣嘅天氣,我地無畏無懼,繼續勇闖咖啡店!

(幾日前已經想黎,不過遇上公休日。。。只好等到今天)

去桃園果便掃完特價口罩,坐TAXI返過黎,到達時連TAXI司機都猶豫係咪呢度。。。因為個入口太特別喇,根本係住宅花園!

2018年2月18日 星期日

【台北】德佈咖啡:PERFECT FUSION

2 February 2018, Friday

剛完成此行任務,立即約台灣朋友飲咖啡~

好多WISH LIST,但大部分唔係太適合落雨天去,想同朋友吹水幾粒鐘就更加啦~

HONEY建議1間當地朋友約佢去過嘅特色咖啡店~

2018年2月7日 星期三

【台北】空肚迎擊寒流第2波

28 January 2018, Sunday

我返嚟啦~~~(走咗短短10日)

上次返嚟撞正寒流(第1波),最低都仲有攝氏9度吖,而且舊屋廳&房嘅冷氣機都有暖氣功能,留係屋內時根本唔使著外套。

今次返嚟「又」撞正寒流(第2波),最低得攝氏6度,新屋完全無暖氣,想凍屎人嚒?!

凍都算喇,仲要連落9日雨,使唔使做到咁絕先?!

唔通連個天都唔鍾意我?!


新聞報導:比「霸王寒流」凍更久! 連5天低溫10℃以下本世紀第二長
https://tw.appledaily.com/new/realtime/20180203/1291437/

2018年2月6日 星期二

【林口】熱浪島南洋蔬食茶堂:素上癮

14 January 2018, Sunday

星期四晚上展開不可能的任務,星期日中午就擺平晒?好勁呀我地!(更恐怖嘅任務,將會係明天10時委派,人生確係充滿挑戰)

唔慶功就勢係假!

慶得功啦喎,當然要一不離二!啱啱先飲完龍貓拉花咖啡,都未落格,又去食晚飯喇!

今日有人揸車,去遠啲都唔驚啦!

唔知點解,今晚好想食齋。搵嚟搵去,桃園嗰邊都冇乜邊間齋舖似樣,所以就試下林口呢一間。位置好獨特,勁近A9捷運站,但又四野荒蕪。入到鐵皮屋入面,O晒咀!估唔到餐廳入面又大又靚!

林口D餐廳職員每次見到香港人都會覺得好奇怪,99%都會問我哋係點搵到嚟。。。

答案:Google大神!

疑似老闆見到香港人好開心,佢話佢成日去香港,香港有間齋舖都好好食。(吓?!)(我哋梗係半信半疑)

佢仲話選址係呢度,係因為方便客人泊車。(咁呀真,巷頭巷尾任你通街泊)

【桃園】鹿點咖啡Workshop:無面人蛋糕vs龍貓拉花咖啡

14 January 2018, Sunday

星期四晚上展開不可能的任務,星期日中午就擺平晒?好勁呀我地!(更恐怖嘅任務,將會係明天10時委派,人生確係充滿挑戰)

唔慶功就勢係假!

難得有人揸車,緊係去遠D(對面馬路)!

係台灣搵餐廳主要靠Google Map,見佢有4.7分+60幾個Comments,再睇吓D相。。。

嘩嘩嘩!!!有宮崎駿大師嘅「無面人」蛋糕呀!!!我要去!我要去!(正所謂:唔打得都睇得吖)

裝修好靚,RAW得嚟好潮。

【林口】黑晶咖啡自家烘焙:可以坐一整個下午的好地方

13 January 2018, Saturday

展開不可能的任務!!!

任務進行咗一陣,又話要食晚飯喇,咁嘅進度,令人憂慮~

咁勞碌,當然要對自己好D~

就係附近搵間好D嘅咖啡店坐吓嘆吓。

2018年1月28日 星期日

【林口】鹿一鍋歐式醇韻鍋物:沒有人手,唯有轉型

11 January 2018, Thursday

參觀完故宮博物院個門口,急急腳返林口,展開不可能的任務!!!

任務進行咗一陣,又話要食晚飯喇~

咁勞碌,當然要對自己好D~

記起有間好正嘅西餐,推薦團長夫人去試吓。。。

點知。。。

去到。。。

FINE DINING西餐變HOT POT!!!