2017年11月11日 星期六

【嘉義+雲林+南投】山城小吃:踏玉鱘龍

24 October 2017, Tuesday

3日2夜行程:大同火雞肉飯(午餐)⇨檜意森活村⇨56號藍色公路咖啡(下午茶)⇨日日興現宰羊肉爐(晚餐)⇨承億文旅桃城茶樣子(留宿+早餐)⇨石桌羊肉店(午餐)⇨鄒築園觀光休閒農莊(下午茶)⇨玉山國家公園—塔塔加夫妻神木⇨


拜訪完阿里山咖啡王子,行程就此完滿結束了嗎?No Way!

團長夫人交遊廣闊,去到玉山國家公園附近都識人!利害!


餐廳方面推薦鱘龍魚宴,對我黎講,是新嘗試,但未至於興奮,因Honey係唔食魚的,而我係唔多食魚的。全餐都係魚的話,都唔知自己支唔支持得住~

阿三立新聞網話:全世界28個品種通通屬於保育類,台灣數年前有許多養殖業者投入大筆心力養殖,年產值超過47億元。鱘龍魚肉低油脂,零膽固醇, 再加上全身無刺,魚肉口感極佳,以往都是帝王才能食用。

睇睇餐牌,食神決定散叫~



先去門口揀返條鮮活靚魚先~團友們排住隊同鱘龍影合照~


20台斤重鱘龍做5吃,8個人埋單2萬3蚊台幣。。。咦?阿姨好似比咗好多電視框(DISCOUNT)喎。。。咁咪等於其他餸都免費囉?!



其中一位朋友係廚師,見阿姨2公婆係廚房入面忙到團團轉,走入去偷偷吓師廚癮發作煮埋一份~

繼上次【苗栗】客家溫泉團成功佔領民宿廚房之後,今次又比我地成功搶灘啦,YEAH~
http://www.kenmerry.com/2017/04/Miaoli-02.html

第一道應該係麵豉炆咁上下,好好味,連HONEY都食到,湯頭濃得黎魚肉鮮味又唔會被蓋住,魚肉好Q彈,魚皮骨膠原勁重,讚!


阿姨整咁大碗高麗菜出黎,大家見到叫晒救命,成座山咁高,邊到食得晒呀?!結果。。。食咗一啖,夾完又夾,一陣就清晒!新鮮,就是好吃!台北食到果D無咁甜架!


清炒,啖啖肉,秒間KO!


酥炸鱘龍骨,好味到離晒譜,香、酥、脆,冶味到唔飲返杯COKE唔得!全晚至LIKE!10個讚!


阿姨做嘅炸菇菇,我敏感唔食得,HONEY你幫我食多幾舊~


阿姨做嘅炒河蝦,我腳板起晒水泡,又唔敢食!慘慘~






油炸、大火快炒後,香味撲鼻的宮保鱘龍魚就能上桌。另外這道則是精華料理,將魚頭整個下鍋,最後留下白色軟骨熬煮4小時,業者說:「它就等於是燕窩了,變成透明的,膠質都出來了。」鱘龍魚膠凍裡頭滿滿膠質,根本是女性美容聖品。

▲鱘龍魚膠凍裡頭滿滿膠質,如同燕窩一般。

鱘龍魚不僅是慈禧太后「滿漢全席」上的珍饈,更是饕客眼裡的極品食材,供不應求,才會讓不肖業者有機可乘。(整理:實習編輯劉家維)

呢味又係好味到暈,應該係豆瓣醬炆鱘龍啩,唉,唔理啦,總之就冶味到要撈飯,明明已經飽到嘔~



鱘龍剌身終於出場!大家話生食有少少Q彈過龍,難咬,結果試吓放係鱘龍湯灼一灼,鮮味出晒黎,又試咬開!


鱘龍湯,唔講啦,飲啦~


堅飽,等陣返酒店仲要浸溫泉,會唔會飽到嘔出黎架?!

原本有叫土雞爐,阿姨話見我地應該食唔晒,所以無整,大家得知如釋重負。

通常呢,飽到咁,生果盤都係無人吼架,正常情況下。同炒高麗菜一樣,阿姨放上枱大家都眉頭深鎖,比面試1舊之後,爽甜到呢,就第4個胃都開埋,秒間KO。


蕉就真係食唔落,試咗一小段,好特別,未食過嘅口感同味道,但太太太太太飽,同埋未切可以留唔會浪費食物,淺嚐就好了~


臨走阿姨仲要執咗8個佢自己做嘅南瓜包送比我地,點好意思呀,又食又拎,呵呵,多謝阿姨~


行到出門口,不忘同阿姨影合照。。。點解少咗幾個人嘅?!回頭一望,幾個壯丁起晒身都圍住煲鱘龍湯係咁食係咁食,笑死我地!

返到溫泉酒店,4人木屋居然有麻雀枱同麻雀,唔玩吓酒店設施唔抵喎,眾人輪流每人打幾鋪,12點前都散水返房休息~


味道:★★★★☆
環境:★★★☆☆
服務:★★★★☆
衛生:★★★★☆
抵食:★★★★☆

山城小吃
地址:南投縣 信義鄉 開高巷六十之三號
電話:+886 4 9270-1095
網址:


沒有留言:

張貼留言