說是半天遊，實則沒有～
在網上無意中發現桃園酒廠有觀光工廠廠區預約導覽，仲要係全台灣唯一生產日式清酒嘅酒廠，仲要有DIY酒粕手工皂、DIY鹽麴工作坊～
原來係林口Ａ９站過去好近，驚人發現係ＨＩＧＨＷＡＹ對面街原來已經係桃園。
好想學做手工皂，飛ＴＡＸＩ過到去，無！
廠區預約導覽，無！
只可以係產品推廣中心行個圈，大部分ＣＯＵＮＴＥＲ都係吉嘅，人貨皆空！
慶幸嘅係，清酒伯伯落力講解，大杯木杯清酒試飲，試完又試，試完又試，試完又試！
伯伯話：呢度係酒廠，唔係酒吧，飲幾多都有！
風趣又豪邁！
今天課堂主題：精米步合！
菊富士純米大吟釀清酒，使用１００％日本山田錦米，40%精米步合，味道醇厚，連我呢個討厭飲酒嘅人都一飲愛上。
由於係限量釀造，每人只可以買１支。雖然我地有２個人，想買２支１支自己收藏１支送比朋友，但呢支係最後１支，所以只可以買到１支，最後決定送比朋友新屋入伙。
伯伯勁唔想我買，佢話我又唔飲酒，買黎做咩？（好似怕我糟蹋咗支酒）
我強調咗幾次：伯伯你話限量嘛，限量緊係要買啦～
想試嘅朋友唔使擔心，伯伯話每逢中元節需求量大，都會推出呢隻酒，到時會有貨。
ＨＭＭ。。。中元節。。。即係我地香港嘅盂蘭節。。。
另外買咗２支菊富士生貯藏清酒，用蓬萊米，七成精白，口感細膩米香濃郁，可惜唔夠厚身，味道一下子就完，勝在平平地，狂隊都唔肉痛。
買完ＨＯＮＥＹ仲同伯伯合照留念。
咦，我見到隔離有舊年一度缺貨嘅台酒花雕雞麵，堆到一箱箱咁，不過家樂福而家都貨源充足，無必要係度搬返去～
台灣菸酒股份有限公司桃園酒廠
地址：桃園市 龜山區 文化一路55號
電話：+886 3 328-3001
網址：http://event.ttl-eshop.com.tw/lk/
沒有留言:
張貼留言