✪行程✪
【第１天】桃園火車站⇨台中火車站⇨春水堂（午餐）⇨道禾六藝文化館-台中刑務所演武場（劍道＋下午茶）⇨綠光計畫范特喜文創聚落⇨Isabella's（下午茶＋晚餐）⇨雙星大飯店／台中車站快捷旅店（住宿）
【第２天】台中車站快捷旅店（早餐）⇨東海大學-路思義教堂⇨秋紅谷生態公園⇨台中歌劇院⇨VVG Play Play（午餐）⇨老樹咖啡（下午茶）⇨田樂（晚餐）⇨台灣太陽餅博物館⇨台中火車站⇨桃園火車站
九份十分飽受殘酷風雨虐待的鐵三角組合。。。又再聚頭！
結局當然是。。。
人生最慘唔係去旅行落暴雨寸步難行。。。
人生最慘係去旅行住著間差到無人有的酒店！我，全晚無一刻瞓著過！
呼吸都成問題，根本呼吸唔到！
好恐怖？未算！
事緣同層的住客，好似全部都是一幫人。我出ＬＩＦＴ時佢地有２戶打開門（全層大約４—５戶），係床到玩啤牌，見我唔係自己人，即刻超大力嘭埋度門！
一出ＬＩＦＴ門，已經超強煙味，肯肯定全部一邊賭啤，一邊食煙！呢班生物，玩啤牌都嘈過人，不斷開門嘭門鬼喳咁嘈！！！有男，有女，有細路！
嘈到爆廠，直到午夜２點幾，係濃煙濃度不斷不斷不斷不斷增強的情況下，我根本１００％不能在房間裡呼吸，而且眼睛都開始非常疼痛同咳嗽。
唔投訴？有諗過！但分析了呢班生物的人性，應該無，好驚投訴完佢地玩悔氣變本加厲！好驚投訴完佢地玩悔氣殺咗我地！（全層都係佢地嘅人）
有考慮咗好耐，要唔要轉陣地去24小時麥當勞/24小時家樂福呆坐等天光，果時２點。最後，死頂，終於挨到朝早６點，即刻梳洗飛落ＬＯＢＢＹ食早餐。（Ｎ年無咁早）
其他問題：
淋浴和衛生間無分開，零阻隔，３０年以上未再遇過。沖涼後去廁所，坐廁同地下都全濕，到第２日都唔乾，夜晚去廁所一個不小心可能會濕倒。
沒有正常的杯，只有紙杯。
風桶吹２下就停止連作，要等超過２０分鐘先可以再吹，我怕台中好熱，剷到半個頭Ｄ頭髮１ＣＭ都無，斷斷續續吹２個鐘都唔乾，最後放棄。
工作人員安排ＡＮＮＥＸ比我們，走廊狹窄到呢，同時間只可以1個人通過。而且職員口中的ＡＮＮＥＸ好似根本係另一間旅店，有受騙之嫌。
唯一優店：
酒店就在新台中火車站旁，走路幾分鐘。大樹旁的小角是火車站月台。
總結：
咁不濟嘅酒店，人生ＴＨＥ ＷＯＲＳＴ！！！
咁不濟嘅酒店，朋友一早訂咗，我地唯有照跟。
萬幸嘅係，我一直忘記訂酒店，前幾晚先突然醒起，明晚已任何房全ＦＵＬＬ，我地只訂到今晚！
唔係嘅話，我都唔會再住，寧願唔要果Ｄ房錢，１５００台幣當掉落鹹水海！
查實今晚都無雙人房，我訂嘅係Standard Triple Room（包自助早餐，頗難吃的，而且空氣不流動，人多地方小，比火車站更擠），1 張加大雙人床和 1 張單人床，非吸煙客房！！！！！！！！！
天氣預報：
明天預測下午 70%會落雨，中央呈現深紅色，ＯＭＧ！！！
暴雨組合實力非同小可。
雙星大飯店 Twinstar Hotel
地址：台中市 東區 復興路四段158號
電話：+886 4 2226-1811
網址：etaichung.com.tw
唔知影咩之。。。間酒店同房根本無其他野好影。。。出奇地，係得咁多相，有影的已全ＰＯ。
知影咩之。。。前幾天在家樂福買的枕套。第一次出征就遇上咁爛的旅店。
上一次在花蓮住過不潔民宿後，ＨＯＮＥＹ的眼睛紅咗幾日，又紅又痕，所以先咁變態買定個枕套出征！以後去玩都靠晒佢！
http://www.kenmerry.com/2017/07/sandiego.html
⟪待續⟫
沒有留言:
張貼留言