網頁清單

2017年8月19日 星期六

【台北】初試香港航空桃園機捷

16 June 2017, Friday

出發前2天...

梅雨月,開始特大豪雨1星期...

想改機票同LIMOUSINE,又怕麻煩,又怕改完更大雨,最後索性乜都唔做,聽天由命。

最慘係... 死洗衣機!!! Erro Code : D07... D衫拖出來滴晒水,第二朝要攞去洗衣店再洗...

回家進門有黑色蟲(水滴形)在眼鏡上照高速跑來跑去,幾似銀魚,幾毫米長,十幾隻腳,吹極都吹唔走,沖水又沖唔走,最後要加洗手液再沖水。

~ 回到出發當天 ~

Limousine 早15分鐘到,行東隧,舊機場,旺角,南昌。全新路線,雙倍時間,架車又焗。

第一次坐香港航空,原因唔係因為平,而係套票可免費改航班,又可最長留3個月,價錢比國泰唔改得機票最長留7日果隻平1百蚊左右。

香港航空Self Check-in大排長龍(4行以上),我地走時得返1行。

Lounge外面仲要排咗十幾人,入去極速食個魚蛋河+拎支水食藥,出o黎又無咗人龍。

第一次去Number超出80的閘口,大鄉里,唔識路。要提早55分鐘離開Lounge,好懷念CX的Gate 1-4。




遲了半小時都未起飛。機師廣播話飛機已準備好,台北流量管制,1:20分先可以飛。即係... 要係機上再坐1小時先可以起飛。

唯一安慰係座位有電視仔。有得睇「那些年」。

飛機餐係餐肉包,簡單得o黎味道又幾OK喎,好味過CX個雞餡餅NN聲。

希望桃園機場的大豪雨可以等我落咗機先開始落啦。(降落桃園機場時係落緊雨嘅)

今日除咗第一次坐香港航空,仲第一次坐桃園機場捷運!去A9站是超方便DER~

頭幾日都落大雨,只好留在林口Outlet食飯睇電影。(D餐廳就o黎比我地食晒)


原本今次重點行程係去武陵農場,阿里山,日月潭...

可惜朋友較早前踩單車跌斷腳,去唔到。

我地唔會咁無雷氣嘅,今次行程重點就改為探病之旅!

武陵農場啦喎,等朋友好返先再一齊去玩啦~~~


沒有留言:

張貼留言