網頁清單

2016年7月31日 星期日

【台北】我們這一家。復活大旅行。Day 1。甕也燒肉

25 March 2016, Friday

台灣無復活節假期,絕對係港人遊玩最佳時機。

今個Easter好熱鬧,有4批人同時來台北搵我地吃喝玩樂,有Honey的舊拍檔、Honey的弟弟、Honey來台北睇展覽的朋友ssss... 呢D都係小兒科...

要數最大堆頭的,是我一家9口殺過來台北玩喇,加埋我同Honey,總數11人呢!

再加埋之前幾日又有幾組香港朋友過來玩,飲茶食飯當然唔少得,仲要為父母準備舒適的休息環境,真係人都癲!

昨天同Honey的拍檔飲完下午茶,今日又同佢爸打一家三口食午餐,下午就要迎接... 嚴峻的挑戰!


大隊班機原定中午起飛,卻遲了20分鐘,加上呢幾日勁多人入境,A隊4點正先上到接機嘅車,先去酒店同C隊會合,然後父母就來我B隊宿舍會合,睇一睇錶,已經5點幾,訂咗餐廳6點半。

ABC隊,Hurry UP!!!!!!

A隊睇咗阿「阮覓雪」(無錯別字,明嘅就知講邊個)介紹台北飲飲食食嘅節目,點名要食「甕也燒肉」,我當然不敢Say NO,亦不敢怠慢,一早打電話去訂好位。

想不到...... 要吃「黑面」!是我在台灣的第一次!亦是令我從此不想再到任何「專做遊客」生意的餐廳進餐的轉捩點。

到此一遊,識得影一定係咁影。見到嗎?下著雨耶。


大大大合照!QQ慘慘豬,要趕返香港考試再趕返過來,無份食。


志在樣樣都試吓,3個Set都Order晒,再加散叫。


負責我地張枱個女仔全晚黑面,初時以為人地份人嚴肅D啫,點知原來唔係,佢只係對我地黑面,行返去廚房對住其他職員時笑到見牙唔見眼,嘿,我呢一刻內心果團火真係燒到!但闔家都係度開開心心食緊野,唔想掃大家興,我忍,扮睇唔到。

個女仔到尾聲時終於按捺不住開口問我地點解食咁少,我答我地食完呢餐仲要去夜市,佢就即刻話唔怪得啦~

後尾傾返,先知我阿爸都見到個女仔成晚黑面,只係唔想掃大家興扮睇唔到。我真係好Dislike個女仔,我們這一家復活大旅行第一餐就比佢破壞晒D氣氛。

人多混亂,無辦法紀錄Order過D咩幾多錢,只記得埋單唔平得過胡同,人地服務好好多,食物又好好多,我絕對絕對絕對唔會再幫襯甕也燒肉,我絕對絕對絕對會同每一個來台北玩的朋友提起呢個不愉快經歷。












枱太長,食物好難影得晒,有D食完又加單,再加埋飲品,所以大家千祈唔好誤會我地只係食咗咁少野。




飯後大家都想等埋QQ先一齊去夜市,走咗去台北車站京站食雪糕,邊食邊等。


可惜Flight Delay加上勁多人排隊過關,QQ要夜晚12點先返到酒店附近,所以B隊先行坐Taxi離開,AC隊返酒店附近邊等QQ邊再宵夜。聽聞仲按埋腳。

真心覺得佢地好勁,仲食得落宵夜,我地果然成家都係黑洞。聽聞呢餐埋單100蚊港幣。



味道:★★★☆☆
環境:★★★☆☆
服務:★★☆☆☆
衛生:★★★★☆
抵食:★★★☆☆

甕也燒肉 Ownya Yakiniku
地址:台北市 大安區 光復南路260巷45號
電話:+886 2 2775-1765
網址:www.ownya.com.tw

沒有留言:

張貼留言