2016年7月31日 星期日

【台北】我們這一家。復活大旅行。Day 2。士林官邸+大安森林公園

26 March 2016, Saturday

行程:士林官邸 → 大安森林公園 → 上引水產 → 寧夏夜市

雖然尋晚落雨,但係今日開始就好好天!

第二日嘅行程比較簡單,但就好攞命!因為我父母要朝早六點鐘起身食早餐,除左搭飛機,我係絕對唔會咁早起身!今朝起身只係得個軀殼冇靈魂,落到街根本就冇佢哋想食嘅早餐,講到好簡單咁,要件多士要杯鴛鴦就得,喂,呢度台灣呀大佬,點搵比你呀?行咗好大個圈,終於喺Green Kitchen門口停低,人哋都未開門。喺門口企喺度等佢開,平時熟口熟面嘅店員話廚師未返到,要九點半先返到,我話唔緊要,最緊要係杯咖啡!結果我哋就坐喺度嘆咖啡嘆咗半個鐘,然後一份brunch三個人share。

【台北】我們這一家。復活大旅行。Day 1。甕也燒肉

25 March 2016, Friday

台灣無復活節假期,絕對係港人遊玩最佳時機。

今個Easter好熱鬧,有4批人同時來台北搵我地吃喝玩樂,有Honey的舊拍檔、Honey的弟弟、Honey來台北睇展覽的朋友ssss... 呢D都係小兒科...

要數最大堆頭的,是我一家9口殺過來台北玩喇,加埋我同Honey,總數11人呢!

再加埋之前幾日又有幾組香港朋友過來玩,飲茶食飯當然唔少得,仲要為父母準備舒適的休息環境,真係人都癲!

昨天同Honey的拍檔飲完下午茶,今日又同佢爸打一家三口食午餐,下午就要迎接... 嚴峻的挑戰!

2016年7月21日 星期四

【台北】小江日本料理:在地日本人也去吃的,你懂的

20 March 2016, Sunday

烏來之旅圓滿結束...

話說我地非常之厚面皮,團長約咗朋友食飯,我地都2仔底死跟。

從林口 MITSUI OUTLET PARK驅車返回台北,朋友帶咗我哋去中山區食日本菜,佢話成日都見到好多日本人都係嚟呢度食。嗯,不解釋,懂的便懂了。

2016年7月20日 星期三

【烏來+林口】泰雅仙境奇遇記+林口Outlet

20 March 2016, Sunday

《續》烏來。泰雅仙境Spring+Spa 2日1夜溫泉之旅

行程:烏來老街 → 烏來泰雅民族博物館 → 雅各原住民山豬肉香腸 → 烏來台車(CLOSED) → 烏來瀑布 → 昇瀧泰雅珈琲館 → 烏來林業生活館 →  阿春小吃店 → Spring Spa溫泉山莊

完晒啦個行程,唔係咩?!

咳... 係咁嘅... 我都以為係... 點知第2朝係酒店食完早餐Buffet,車主話不如再出去逛多轉,我地2個行李都執好晒,都無打算再浸溫泉,緊係好啦~

出去逛完再返酒店會合2位女士後,佢地建議去新開嘅林口Outlet... 去,緊係去啦~

逛完林口Outlet,朋友約咗人食晚飯,唔知點解來到台灣我會變得咁厚面皮,居然2仔底死跟!OMG!

結果... 後加行程:烏來瀑布 → 林口Outlet →小江日本料理

2016年7月14日 星期四

【烏來】阿春美食:美而廉的家庭式人情味小店

19 March 2016, Saturday

《續》烏來。泰雅仙境Spring+Spa 2日1夜溫泉之旅

行程:烏來老街 → 烏來泰雅民族博物館 → 雅各原住民山豬肉香腸 → 烏來台車(CLOSED) → 烏來瀑布 → 昇瀧泰雅珈琲館 → 烏來林業生活館 →  阿春小吃店 → Spring Spa溫泉山莊

離開烏來瀑布,就開車返去酒店checkin。checkin完又開車返去烏來老街搵食。

【烏來】烏來Spring Spa溫泉山莊:睇唔出係民宿,仲攞過獎

19 March 2016, Saturday

《續》烏來。泰雅仙境Spring+Spa 2日1夜溫泉之旅

行程:烏來老街 → 烏來泰雅民族博物館 → 雅各原住民山豬肉香腸 → 烏來台車(CLOSED) → 烏來瀑布 → 昇瀧泰雅珈琲館 → 烏來林業生活館 →  阿春小吃店 → Spring Spa溫泉山莊

離開烏來瀑布,就開車返去酒店checkin。

其實我哋去烏來老街之前係先去酒店,不過當時話未可以checkin住。

我都係幾個月後嘅今日,寫Blog時係網上搵資料先知道,原來間酒店原來係民宿,從外表一啲都睇唔出囉,仲攞過《新北市魅力民宿》及交通部觀光局頒發的《好客民宿》雙項殊榮,從間酒店嘅外表真係點睇都睇唔出。(Sorry,慣咗口叫酒店,其實台灣嘅酒店係搵女人陪飲酒嘅地方,一般遊客入住嘅Hotel係叫飯店)

【烏來】泰雅仙境Spring+Spa 2日1夜溫泉之旅

19 March 2016, Saturday

「烏來」係泰雅族原住民的語言,意思係「溫泉」。當地碳酸泉名氣響噹噹,泉水清徹透明,呈粉藍色,性質非常溫和,聽說有傷口都可以照浸。

烏來更是臺北的水源保護區,平地人話呢度嘅農作物絕對係零污染,叫我地放心食多D... 特別推薦泰雅族稱為「馬告」的台灣原生山胡椒,皆因近年有大學團隊研究發現其果實的成分具安眠、鎮痛與抗憂鬱等調節中樞神經作用,已在國際期刊木材科學(Journal of Wood Science)上發表。

來台一段日子,第1次出走唔係宿舍過夜。驚覺原來我份人都好"宅"。

Honey的朋友開車自駕遊... 全程非常舒適... 同我地平時用腳去旅行真係好唔同, 可惜自己唔爭氣, 考試肥佬, 唔係嘅話真係有衝動想買返架旅遊車, 去到邊瞓到邊, 觀星夜觀日出都無難度...

2日1夜行程:烏來老街 → 烏來泰雅民族博物館 → 雅各原住民山豬肉香腸 → 烏來台車(CLOSED) → 烏來瀑布 → 昇瀧泰雅珈琲館 → 烏來林業生活館 →  阿春小吃店 → Spring Spa溫泉山莊

2016年7月6日 星期三

【台北】磺溪彩虹健康步道:櫻花飄飄處處聞

Spring 2016

來到台灣最驚喜的事情,莫過於宿舍範圍已經有十幾株櫻花樹。

香港人以前要睇櫻花,就只知道要去日本。我對台灣嘅認識唔深,唔係喺度住都真係唔知道呢度到處都係櫻花。櫻花盛放時,真心覺得台灣人好幸福。

更驚喜嘅係,發現宿舍附近有條磺溪彩虹健康步道,可以由捷運芝山站一直行到天母西路,步道兩旁種滿了櫻花樹,櫻花由三月初開始一直盛放至四月初,簡直係一步一驚喜,越影越開心。今年呢兩個月天氣好好,溫度好適中,每日都心思思走去行,大大話話都行咗十幾廿次。

一來一回行親都超過六千步以上,非常健康。

每次行完都會去嘆返碗無加冰加水的綠豆薏仁真係好好味,冰涼透心,悶氣全消。

綠豆薏仁嗰條街向前行入去就係士東市場,最廣為人知嘅阿吉師就係入面。再向前行少少係高島屋,絕對唔需要擔心行到腳軟又肚餓會無補給嘅問題。

24/02/2016