【台北】倉田日本料理：有雷。慎入

9 April 2016, Saturday

台灣朋友見到我哋成日周圍去搵食，講笑話要跟我哋去搵食， 我話唔好以為「有圖就有真相」，因為相片不代表一切，其實我哋係台北都中過好多地雷。

咁朋友就問邊度最多地雷， 我想一想...就答佢：士林站！ 特別係行去士林官邸中間嗰條路，真係一步一地雷。

繼上次Easter同屋企人係間運動餐廳中過伏後， 今日同honey去對面試日本菜再度中伏 。嘩！google map 個rating幾高分呀， 真係唔知啲人點俾分㗎囉。

中午時分店內人頭湧湧，只剩下最近門口熱到無命果2個吧檯位。大門長開，溫度同坐係街外無分別，熱氣騰騰，坐的很辛苦。






落單時，落到拉麵果陣，店員小妹妹突然話原子筆壞咗，走咗去換筆。回來之後再點埋其他，佢問「夠食喇？」果下我已經覺得怪怪地，結果...漏單！最後等碗拉麵等了超過45分鐘！送上幾粒黑豆作歉意，真的是幾粒，我平時係天母Sogo NT$120買1盒仔都應該有最少200粒。

特選柚香蓮藕 NT$90
-- 落單後10分鐘上桌, 還可接受, 賣相及味道均不太差(在我來說, Honey卻不喜歡)...


嚴選牛肋串燒 (2串) NT$150
-- 落單後17分鐘上桌, 仍會忍受, 燒得蠻香軟的, 味道是今餐唯一Honey覺得好的...


蟹棒手卷 NT$70
-- 落單後40分鐘上桌, 難以忍受, 賣相像一堆垃圾, 咬開是中空的, 1粒飯都無, 只有紫椰菜, 蟹棒更是比清水更無味, 有必要節省成本到這個地步嗎?!! 難怪店員妹妹會問「夠食喇？」... 吃到這裡, 的確不夠...




給這種東西我吃, 能不氣上心頭嗎?!!

眼看旁邊的人比我們遲來, 魚生飯都吃了一半... 不禁找那店員妹妹來問... 漏單!!!

九州豚骨拉麵 NT$170
-- 落單後45分鐘上桌, 一肚子氣... 會好吃嗎?!! 當然... 不!!!

致歉的幾粒黑豆，碟子有多大，能感受到那種皇恩浩蕩嗎? 能感受到有多珍貴嗎?


價錢貴，份量少，食物味道不難吃但不算好吃，環境擠迫，服務更...不是差，只是漏單。想我再次光臨？有點困難。

味道：★★☆☆☆
環境：★★☆☆☆
服務：★★☆☆☆
衛生：★★★☆☆
抵食：★☆☆☆☆

倉田日本料理
地址：台北市 士林區 中山北路五段505巷27號
電話：+886 2 2883－8118
網址：www.facebook.com/KuRaDa.tw