情人節，無節目？真唔真呀？係呀，珍珠都無咁真呀！係Sogo食炸豬扒咋！
事緣... 有人話14/2去北投浸溫泉，之但係好o敏水先留言係「少帥襌院」的Facebook Fanpage, 到咗13/2夜晚都無回音，眼見14/2的天氣預報麻麻地，算啦，改遲少少，元宵節先去嘆世界囉。
北投是浸溫泉的熱點, 遠近馳名, 就算未去過台灣的人可能都會有所聽聞... 不用作詳細介紹了吧...
少帥禪園係舊年Honey的朋友帶我地去見識見識的, 大家想探究張學良「百歳飲食密碼」的話, 可瀏覽「漢卿美饌」：－
http://www.kenmerry.com/2015/06/taipei-03.html
今次我地再來唔係食午餐啦, 係來飲下午茶+泡溫泉... Yo...
小六茶舖 x 雙喜湯屋's 茶加湯精彩茶點套組優惠專案 NT$2299, 包Afternoon Tea Set 2人份 + 豪華湯屋1間(2人使用)... 咁都幾抵吖... (如果以慶祝情人節的Budget來計算, 係超值囉)
最正係有免費接駁車服務 @ 北投 / 新北投捷站...
係北投站外等車期間, 仲無意中比我係Family Mart買到傳說中嘅TTL花雕雞麵, 第一次買到咋, 仲做緊特價, 失控掃晒4個... (犯婦人好過份呀)
話咁快, 一上車再轉幾個彎就到達... (司機哥哥好Nice耶)
要先去漢卿美饌付款拎Coupon...
好喇... 人生交叉點!!! 到底泡溫泉先好吖? 定飲下午茶先好呢?
店員的專業意見是... 飲完下午茶先泡溫泉會不利消化... 噢... 咁緊係泡溫泉先啦!!!
雙喜湯屋有戶外泡腳區亦有私隱度高的包廂...
間房好大呀))))))
倚窗泡溫泉, 欣賞地熱谷噴煙噴到熊熊聲, 好有FU哦...
生平第一次公開出浴照, 想都沒想過, 尺度之大膽, 僅此一張, 絕無下次... (好好好肯定, 無人想睇)
好舒服哦~~~ (1小時好快就過去)
小六茶舖... We're coming~~~
餐廳外的景觀同樣很美... 同樣是煙霧迷漫的地熱谷...
去日本旅行時見到日本人都喜歡泡完溫泉後嘆支凍鮮奶, 但我消化唔到鮮奶, 一向無福消受... 店員放下牛奶樽的一刻, 有點擔心... 再睇清楚, 原來係牛奶布甸... 考慮咗一陣... 唉... C就C啦... 一放入口試... 嘩!!! 好好味呀!!! 滑嘟嘟, 好重奶味, 一D都唔膻... 秒間KO...
有得食啦~~~ Yeah!!! 泡完溫泉好餓耶~~~
賣相有點敷衍, 望住果Pat Pizza同果幾片多士, 心想：Promotion Package係比呢D貨色嘅喇... 未食心已有點灰...
誰知道... 超好食囉!!!!!!
多士加了砂糖係面烘, 甜甜脆脆, 意想不到的好味道哦~~~ Pizza 鬆鬆軟軟, 味道也被想像中好...
核桃塔、特濃朱古力都超美味... 小蛋糕相比之下只是OK美味...
焦糖蛋糕亦是想不到的美味, 好讚哦~
好滿足的一頓... 帶著甜絲絲的笑容離開...
離開餐廳前, 已請店員幫忙安排免費接駁車...
等候下一班免費接駁車的期間, 可繼續四處參觀...
園內的櫻花剛剛開花呢~~~
離開時選擇到捷運新北投站下車, 順道再遊覽一下才回航...
元宵Dessert，湯圓是也。(晚餐於鼎泰豐)
情人節不一定要花費很大, 今天不是用了很多錢, 亦沒有收到什麼禮物, 但也過得很溫馨~~~ (應該說溫度很高吧)
畢竟, 愛情並不能用金錢來恆量吧...
味道：★★★★★
環境：★★★★★
服務：★★★★☆
衛生：★★★★☆
抵食：★★★★☆
少帥禪園
地址：台北市 北投區 幽雅路34號
電話：+886 2 2893-5336
網址：www.sgarden.com.tw/
沒有留言:
張貼留言