網頁清單

2015年12月20日 星期日

【台北】Pizzeria Oggi:全台第一家AVPN認證的手工窯烤拿坡里披薩專賣店

14 December 2015, Monday

尋晚行緊去搵朋友推薦的一品巧廚時, 路經此店, 比佢門口個大石窯吸引住, 好想入去試下, 奈何5:30PM未夠已經全院滿座, 門口仲有人等位, 無緣, 下次請早...

今日約咗Honey的朋友一齊去淡水遊覽, 嘻嘻, 搵埋佢陪我地做白老鼠先...



無訂位, 12:30PM未夠就到來, 好彩仲有位...

坐低第一時間睇下有咩好食先...

咦咦咦... 全台第一家獲得義大利拿坡里披薩協會AVPN認證的手工窯烤拿坡里披薩專賣店?!! 嘩嘩嘩!!! 誤打誤撞都咁猛?!!



店內的座位應該只有30個左右, 職員都有6-7個, 好誇張...



咁猛料, 落好單緊係要出去影下相啦... (官網話:傳統石頭窯爐係義大利拿坡里訂製, 重達1.9噸, 以木柴來窯燒)


職員建議我地叫1份2人套餐再加1個PIZZA, 話抵過散叫... 不過套餐有沙律, 我地今日要長途跋涉去淡水睇日落, 大家都怕要搵廁所唔想食沙律, 唔想浪費食物, 都係散叫2個PIZZA算啦...

官網話:拿坡里披薩協會(AVPN)對食材與技法有嚴格要求, 義大利00麵粉、PH值6-7水質、天然海鹽、新鮮酵母、來自義大利專門攪 拌麵粉糰的高優質機械、手工撖皮、爐溫400度-450度、烘烤60-90秒、義大利新鮮水乳酪及義大利指定番茄... 講到咁勁, 緊係要試下拿坡里披薩啦~~~

傳統拿坡里披薩 NT$450
-- 材料有新鮮水牛馬芝拉乳酪、番茄泥、新鮮番茄、羅勒、初榨橄欖油... 芝士尚未凝固, 呈液態狀, 番茄仔的分佈有點不平均, 同人Share食有點尷尬, 不好意思搶朋友面前勁多番茄果塊... 餅邊鬆軟有嚼勁, 口感好正, 麵粉又香, 味道不錯, 只是番茄泥比較小, 怕酸的朋友可能會喜歡吧...


夏威夷披薩 NT$450
-- 試完拿坡里披薩, 再試羅馬披薩... 材料有馬芝拉乳酪、番茄泥、法國火腿、黑橄欖、秀珍菇、風乾有機鳳梨片、俄力岡葉... 材料好豐富, 亮點係塊菠蘿乾, QQ韌韌, 淡淡的果香, 好正, 有機會狂食就好喇... 當然, 個PIZZA都好味...


香草菊蜜茶 (無咖啡因) NT$80
可口可樂 NT$60
-- 順帶一提我杯飲品, Hand Cream咁嘅味, 好難飲!!! 唔係由細到大飲開嘅普通菊花茶... 早2日同朋友打完邊爐喉嚨即刻上火先至揀菊蜜茶, 都係Honey醒, 食PIZZA一定要飲可樂先至最夾...

估唔到會亂入都入到間咁好的餐廳, Honey食得好歡喜, 肯定會有Encore之日...



味道:★★★★☆
環境:★★★★☆
服務:★★★★☆
衛生:★★★★☆
抵食:★★★☆☆

Pizzeria Oggi 拿坡里 ‧ 羅馬披薩專賣店
地址:台北市士林區德行西路19號
電話:02-2834-3886
網址:http://www.pizzeria-oggi.com

2 則留言:

  1. 好友✱・゚゚✾大家都窩心做冬節
    ❉。゚◇聖誕快樂享受幸福開心新年
    ╔══╗────╔╗╔╗╔╦══╦═╦═╦╗╔╗
    ║╔═╬═╦═╦╝║║╚╝║══║═║═║╚╝║
    ║╚╗║╬║╬║╬║║╔╗║╔╗║╔╣╔╩╗╔╝
    ╚══╩═╩═╩═╝╚╝╚╩╝╚╩╝╚╝═╚╝。゚*Ѽ
    Ϡ₡۩۞۩ഐ۩۞۩ഐ۩۞۩ഐ۩۞۩Ϡ₡

    回覆刪除