網頁清單

2015年12月28日 星期一

【台北】Dazzling Cafe Pink:做冬飯後甜品

22 December 2015, Tuesday

新聞一則 : 台北氣象站22日冬至來到30.5度高溫,創下67年來冬至最高紀錄,中午時分走在街頭一點也不冷,彷彿又回到夏天。

同Honey的朋友做完冬, 佢地提議轉場食甜品, 呵呵呵, 我實贊成o架... 跟住朋友話去Dazzling... WoW... 好呀!!! 我去我去我去!!!

朋友用App Call Uber去, 又快又方便... 佢話上車唔使同司機講去邊, 一定唔會去錯地方喎... 哈哈, 又係喎, 點解我之前諗唔到嘅呢... (我仲以為得我一個有雞同鴨講嘅問題)

話咁快就到Dazzling Cafe!!! 呢間係第1間開業的Dazzling Cafe總店呀!!!




接近9PM, 唔係太多人, 但餐廳職員話某D區要維護(我估係清潔), 所以大把位都無位, 只剩超巨大Family Table... 仲要係High Chair果隻... 嗯... 都好啦...


落單後, 有客走咗, 職員主動幫我地轉枱... 舒服晒...

餐廳的小擺設營造少女夢幻氣氛...



榛果巧克力蜜糖吐司 NT$290
 -- 人氣必點甜點Top 1... 好好味呀!!! 吐司焗到好酥脆, 蘸軟滑雪糕一齊食實在太完美...


經典巧克力鬆餅 NT$180+$20 (升級麻糬)
-- 人氣必點甜點Top 3... 脆脆鬆餅+QQ麻糬=夢幻組合, 太完美!!! 好幸福哦!!! 明明4個人Share, 結果我1個人叫咗半個囉...


仲夏熱帶水果茶(壺) NT$160
-- 上次係香港中伏叫錯茶包, 今次唔會再上當啦~~~ 煲到起沙, 濃厚果香, 酸酸咪咪, 令人著迷...


傾傾講講, 時光飛逝, 10點左右店員通知我地關門時間到了... 離開時朋友帶我地行去捷運站順道介紹一下東區的美食與潮物, 見到好多餐廳都好吸引, 腦內已開始盤算擴展美食版圖...
過2日路過又再影下個門口... 哈哈... 好無聊...


甜品真係好美味, 一定一定要Encore!!!

小事一則 : 去Toilet期間, 門打不開, 人被困在裡面, 好驚呀!!! 點算呀?!! 叫唔叫救命好呀?!! 狂開十幾廿次, 都係唔得喎, 點呀?!! 發慌再大力扭呀扭, 扭咗十幾廿次,終於開到, 好彩唔使Call消防...

味道:★★★★☆
環境:★★★★☆
服務:★★★★☆
衛生:★★★★☆
抵食:★★★☆☆

Dazzling Cafe Pink (1店)
地址:台北市 大安區 忠孝東路四段205巷7弄11號1樓
電話:+886 2 8773-9238
網址:www.dazzlingdazzling.com




沒有留言:

張貼留言