網頁清單

2015年12月31日 星期四

【台北】海餃七號:店名引人竊笑, 出品認真敢於創新

29 December 2015, Tuesday

每次路過海餃七號, 都忍唔住笑佢係海角七號個Friend... 今天匆匆忙忙想吃點輕食, 即管試下囉...

門外放了海角七號「經典台詞」"X你媽的台北"結他...




去到門口好多人塞係度, 唔通要等位?!! 又唔似喎, 店內只有3個客, 大把位剩喎... 原來人群是等外賣的...


塞在門外期間, 先留意到高掛的電視正播著幾年前小馬哥(台灣第一等)專訪年輕店主... 嘩嘩嘩!!! 乜咁有來頭o架?!! 失覺失覺, 原來年輕店主們真係海角七號粉絲, 仲等我地日日行過係度笑人添...

門外還有年輕小伙子的夢想解說...
三個七年級大男生要證明自己不是「草莓族」,決心用創意、創業、創造自己的未來,用七種不同的餡料研發出七種不同口味的水餃,成為全世界第一個用電影命名的彩色水餃。


年輕人敢想敢做敢創新, 每張枱的桌號不是NUMBER, 而是電影名稱, 我地張枱的桌號係鋼鐵擂臺...

店內的金漆大字真係笑死無命賠... 大名鼎鼎的「中國廚藝訓練學院」!!! 想走?!! 問過金粉皮未?!!


店內只有數張枱, 非常企理...


Honey猛讚佢個自助櫃好企理, 係咁叫我去影...


好欣賞佢的落單紙, 過了膠, 落完單抺乾淨又用得, 好環保...


不要小看幾碟點心, 件件都"實的的", 飽滿非常, 頂到個胃實晒...

(右上) 墨魚蒸餃 (4粒) NT$60, (右下) 韭菜蒸餃 (10粒) NT$60
-- 墨魚蒸餃 咬開好香墨魚鮮味, 韭菜蒸餃韭菜香味濃郁, 2款餡料都好甜, 好味... 餃內的汁多到爆出來...


牛肉捲餅 NT$100
-- 蔥油餅皮香韌, 蘸了甜麵醬的厚切牛肉, 加上青瓜同蒜苗, 有北京填鴨的影子, 好味!!!

金黃蛋餅 NT$50
-- 自從Honey係吳家豆漿食過, 一試愛上... 呢間蛋更厚, 像蛋治, 蛋香也足, 好味...


芋泥蒸餃 (4粒) NT$60
-- 其貌不揚, 還爆開了流餡中...


想不到咬開有QQ軟彈的餡料在內, 玩味十足... 芋泥不太甜, 好味...


桂花普洱茶 NT$35
-- 桂花味香濃, 甜的普洱茶還是第一次喝到, 杯內桂花超多, 真才實料, 不是落味精...

今天真的好有驚喜, 問過住係度十幾年的街坊, 佢都未食過, 又係好似我地咁笑人地個店名...

突然想起食神入面的場面, 有個廋骨仙迫人食瀨尿牛丸, 谷晒老鼠仔+面容扭曲咁講"試下啦"...

有份笑過的你, 一定要試下...

味道:★★★★☆
環境:★★★☆☆
服務:★★★☆☆
衛生:★★★☆☆
抵食:★★★★☆

海餃七號
地址:台北市 士林區 德行西路25號
電話:+886 2 8866-2051
網址: http://www.movie7.com.tw/

沒有留言:

張貼留言