網頁清單

2015年12月27日 星期日

【台北】àlohas 野草餐廳:手工/無味精/非基改/零反式脂肪的歐式健康料理

24 December 2015, Thursday

前2日同Honey的朋友一起做冬, 晚餐後朋友建議去Dazzling Cafe食甜品... WoW... 好呀好呀... 10萬個贊成!!!

獲朋友教路, 得知台北都有個東區, 集潮流品牌及美食於一身!!! 美... 食... 聽到都興奮!!! 日後一定要多點來東區朝聖... 呵呵呵...

做完冬之後, 唔知係食滯咗定凍親, 尋日沾寒沾凍+關節痠軟, 歇咗1日, 今天雖然頭好痛, 但平安夜嘛, 點都要同Honey出外慶一慶...

上網Hea找東區美食餐廳, 火鍋燒烤煎烤生冷全部要迴避, 又無理由食港式點心/茶餐廳, 都無咩選擇, 揀了標榜「手工/無味精/非基改/零反式脂肪/不收服務費/無頂新產品」的àlohas 野草餐廳...



以防千里迢迢去到無位, 嘗試係Facebook Fanpage留言訂位, 餐廳回覆OK, 得咗...

坐捷運去到國父紀念館站, 行幾分鐘就到... 餐廳位於街尾, 沿途的餐廳門面比佢吸引N倍... 店內只有1枱客, 心裡難免寒一寒... (到離開時計埋我地都係得3枱客)





店員安排我地坐吧台, 嘩, 坐得好唔舒服啫... 要求坐梳化, 又比喎... (根本之後都無客, 唔明點解要我地坐吧枱)


店員推薦威靈頓牛排, 話係招牌菜, 得返2份... 我地都好想試, 可惜早2日食滯咗呢, 來呢度都係想食輕D唔想咁Heavy...

平日中午Order主餐送Set B (手工麵包 + 季節蔬菜湯 + $80飲料)...

手工麵包好吃, 很柔軟... 季節蔬菜湯卻淡如水...


$80飲料不多, 只好加錢飲喜歡的...
蘋果醋 Apple cider vinegar $100
有機橙花紅葉茶 (無咖啡因) Rooibos tea $90



慢烤雞肉洋蔥盒子飯 NT$350
-- 煮得像軟皮蛇的洋蔥, 包著炒飯, 伴蔬菜燴雞肉... 洋蔥對板, 軟嫩香甜... 炒飯淡淡的, 但Honey吃到甜味, 可能是我作病中, 味道大受影響... 蔬菜燴雞肉味道都是偏淡, 雞肉份量好多... 美味談不上, 但肯定是健康的, 正是我今天所需要的...



煎鴨胸佐葡萄甜醋醬 NT$380
-- 鴨胸厚身, 煎得香嫩, 膻味濃郁, 合我心意...


沒有太大的驚喜, 亦未至於失望, 會不會回頭?!! 好難講... 台北的餐廳多如天上繁星, 要看機緣...

味道:★★★☆☆
環境:★★★★☆
服務:★★★★☆
衛生:★★★★☆
抵食:★★★☆☆

àlohas 野草餐廳
地址:台北市 大安區 延吉街138巷3號
電話:+886 2 8771-5430
網址:www.alohas2008.com

沒有留言:

張貼留言