網頁清單

2015年8月20日 星期四

碩士燈DIY : 舊物再新, 為微型手作添上光環

21 July 2015, Tuesday

手作族黑夜救星...



話說... 尋日去咗書展同人迫...



入到去一支箭就完成了今日的目標...


行多陣仲有少少略外收穫...



路過博士燈的Booth, 見到有款4百幾蚊的座枱燈, 16粒LED, 細細地, 好似幾好喎... (本人一直煩惱書枱光線不足, 做微型手作好多時要坐到側晒身比D光入, 好驚尾龍骨會提早Game Over)

Sales都未開始Sell, 我已準備拎個荷包出來比錢... 之但係, 個Sales份人太貪心, 我話要4百幾蚊果盞燈, 佢唔拎貨比我, 不斷Sell我千五蚊果款LED燈, 多好多LED喎(我驚太光我長期用對眼會提早Game Over)... 仲要鬼咁大座, 擺咗佢我張書枱無晒位做手作仔啦...

我解釋咗幾次我的實際需要, 個Sales完全聽唔入耳, 只係重重複複Sell貴3倍, 我唔想要的大燈...

嘿, 小朋友, 以你稚拙的推銷技巧, 我又點會任你擺佈呀, 你估我第一日出來Shopping呀...

結果, 我不發一言, 拖Honey華麗轉身... 走!!!

返到屋企, 靈機一觸, 係個冷宮(書櫃)深深處找返2年前買e-zone送的LED燈出來... (實情買書只是為盞燈)

呢盞超光 USB LED LIGHT有18 顆亮白 LED 燈, 環形設計, 藉 USB 流動充電池或電腦 USB 埠供電,即插即照;銀色部分可任意扭動校角度...

♫ 由來只見新人笑,有誰聽到舊人哭 ♫... 2年前的測試, 玩咗一排都無, 好快新歡隨即被打入冷宮...




多得果係"Sell屎", 我而家1蚊都唔洗, 稍為舊物添上新生命, 為自己解決了一個長期的煩惱...

話實, 相中奶媽電都係冷宮老街坊來的...


呢盞燈只需要好少電, 只要插住舊奶媽電, 唔Turn On舊奶媽電都開到燈...


盞燈扭咩角度都得, 仲要中空, 做手作仔一流... 仲好過用書枱燈...


強光Mode配呢隻色出來的效果又幾恐怖, 哈哈...


我發明的「碩士燈」推出市場的話, 一定大賣, 上市指日可待, 嘩哈哈哈... (現在已經夜深喇, 有人發千秋大夢-ing)


註解 : 取名「碩士燈」是向祖國學習, 做法附合國情!!! (曲線 -- 聽講話而家要註明)


2 則留言:

  1. 個sales搞到連400蚊既生意都無埋...............
    不過你好叻叻~~好彩記得冷宮有呢盞燈咋~~~~
    你整麵粉花呀?

    回覆刪除
    回覆
    1. 哈哈, 老人痴呆症狀係記到遠記唔到近, 所以盞燈都真係好耐之前入冷宮~

      YES!!! 之前一直學黏土食品, 今個夏天開始學黏土花, 遲D放上來比大家睇下 :)

      刪除