網頁清單

2015年2月3日 星期二

大滿喜日本料理 : 放題... 放堤?

16 January 2015, Friday

是夜舉行1月之星壽宴... 壽星話有朋友食過呢間餐廳Comment唔錯, 吹雞叫大家去擦餐勁...

N年都無去過創興廣場食飯, 唔知點解近期大家又轉返去旺角搵食...

減肥半年, 好似都無食過Buffet, 點解大家要咁對我... 放過我吧)))

百物騰貴, 心諗日式放題的質數唔會好得去邊... 食完又發覺唔太差喎... 有D食物幾碟一齊影, 有D食物重複Order所以唔影, 咁都30張相, 4條Queen好恐怖呀!!!



先講地點, 香港最中心嘅中心地段, 交通方便到無朋友是常識吧...

再講環境, 幾靚吖都, 見得吓人... 哈哈... 只要係紫色我都話靚... 創興廣場全層, 入面超大間的, 行好耐先行到盡頭...



飲品自取...


Lotte手快有手慢無... 我飲咗3罐, 肥死...



引擎... 開動!!!



幾年無食日式放題, 估唔到又幾多選擇喎, 點心紙多到睇唔切... 太多相, 唔逐一講喇, 自己睇下啱唔啱食啦... 重點係$230, 我覺得幾抵囉... 

必食刺身啦, 仲洗我講?!! 榮螺片堅鮮甜... 三文魚第1輪唔掂, 第2輪OK...



燒羊鞍第1輪燒得又香乾身, 味道超正, 澎湃嘅羊膻味, 第2輪無咁正, 較濕潤味道無第1輪咁濃烈... 翻本之作...


即場Like餐廳的Facebook Fanpage有燉湯送, 「花膠鮑魚燉螺片」味道濃烈, 超級足料, 唔係講笑, 入面真係有鮑魚呀...


失蹤人口...Order咗幾轉都只係得1轉的燒菠蘿同燒蝦... 懷疑送錯晒去隔離枱... 後尾送錯燒菠蘿+唔知咩, 我唔理得咁多, 叫阿姐放低燒菠蘿, 其他錯的拎走... 咁先可以食多1輪咋... 燒菠蘿多汁到無朋友, 太好味...


芝麻雞翼都好味, 食咗幾輪... 紫心香芋丸都好味...


台灣腸賣飛佛...


蕃薯天婦羅唔錯唔錯...


其他果D看圖識字...










咁大碟壽司?!! 送錯枱嘅呢... 阿姐, 唔該拎走...


離開時先發現餐廳人口側邊有雪糕櫃, 無食到, 蝕呀!!!

食物衛生應該過得去, 起碼我食完半夜無嘔先啦~~~

我之前辛辛苦苦減咗果15磅無喇... 嗚嗚嗚嗚~~~

是次每人消費約 $230 元
味道: 3 環境: 3 服務: 3 衛生: 3 抵食: 4
###
地址 : 旺角彌敦道601號創興廣場8樓
電話 : 3622 2162 / 3622 2163

6 則留言:

  1. 好介紹呢!和姊妹吃生日飯又多個選擇了^^~~

    回覆刪除
    回覆
    1. 我都係朋友嘅朋友話食過OK介紹我地去試 :)

      刪除
  2. 是午餐還是晚餐?$230真係抵食,舊年吃咗一次酒店自助西式午餐都要$400幾,冇試過日本仔放題,今年返香港要去試下。

    回覆刪除
    回覆
    1. 星期五晚上黃金時間 7-9PM, 早D或夜D都會平D, 唔同時段唔同價錢~

      味道比唔上$400幾的酒店自助西式午餐, 但一大班朋友高興下都算幾抵玩~

      刪除
  3. 恭喜!恭喜!祝豐衣足食,羊年有食神!
    日式料理麻麻地,都係炸物啱的!

    回覆刪除
    回覆
    1. 多謝Stella, 我都祝你羊羊得意, 要咩有咩!!!

      刪除